- કરદાતાઓને આઉટવર્ડ સપ્લાય અથવા સેલ્સ રિટર્ન ફોર્મમાં સુધારો કરવાનો મળશે વિકલ્પ
- GSTR-1 અને GSTR-3B વચ્ચેના અનિચ્છનીય વિવાદો ટાળવામાં મદદ મળશે
નવી દિલ્હી, 11 જુલાઈ : GST રિટર્ન ફાઈલ કરનારા દેશભરના વેપારીઓ માટે એક મહત્વના સમાચાર છે. નાણા મંત્રાલયે GSTR-1A ફોર્મને સૂચિત કર્યું છે, જે કરદાતાઓને આઉટવર્ડ સપ્લાય અથવા સેલ્સ રિટર્ન ફોર્મમાં સુધારો કરવાનો વિકલ્પ આપશે. GST કાઉન્સિલે ગયા મહિને ફોર્મ GSTR-1A દ્વારા કરદાતાઓને વિગતોમાં ફેરફાર કરવા અથવા કર સમયગાળા માટે ફોર્મ GSTR-1માં વધારાની વિગતો જાહેર કરવાની સુવિધા આપવા માટે એક નવી વૈકલ્પિક સુવિધા પ્રદાન કરવાની ભલામણ કરી હતી.
નાણા મંત્રાલયે ગઈકાલે GSTR-1A ફોર્મ અંગે સૂચના આપી હતી
આ ટેક્સ સમયગાળા માટે GSTR-3B માં રિટર્ન ફાઇલ કરતા પહેલા GSTR-1A ફાઇલ કરવું પડશે. નાણા મંત્રાલયે 10 જુલાઈના રોજ GSTR-1A ફોર્મની સૂચના આપી હતી. બિઝનેસ એડવાઇઝરી ફર્મ મૂર સિંઘીના એક્ઝિક્યુટિવ ડિરેક્ટર રજત મોહને જણાવ્યું હતું કે સેન્ટ્રલ બોર્ડ ઑફ ઇનડાયરેક્ટ ટેક્સિસ એન્ડ કસ્ટમ્સ (CBIC) એ GSTR-1A ફોર્મની વૈકલ્પિક સુવિધા સાથે GST અનુપાલન માળખામાં નોંધપાત્ર વધારો કર્યો છે.
આ પણ વાંચો : NEET કેસની સુનાવણી આજે સુપ્રીમમાં ટળી, જુઓ હવે ક્યારે થશે ?
વધુમાં તેઓએ જણાવ્યું હતું કે “સમયસર સુધારણાની સુવિધા આપીને, ફોર્મ GSTR-1A ખાતરી કરે છે કે યોગ્ય કર જવાબદારી ફોર્મ GSTR-3Bમાં સ્વતઃ ભરાઈ જાય છે, જેનાથી ભૂલો ઓછી થાય છે અને સુવ્યવસ્થિત અનુપાલન પ્રક્રિયાને પ્રોત્સાહન મળે છે,”
કરેક્શનને મંજૂરી આપવાની જોગવાઈ આવકારદાયક પગલું
KPMGના પાર્ટનર અને ઇનડાયરેક્ટ ટેક્સ હેડ અભિષેક જૈને જણાવ્યું હતું કે GSTR-1માં કરેક્શનને મંજૂરી આપવાની જોગવાઈ આવકારદાયક પગલું છે. આનાથી વ્યવસાયોને GSTR-1 અને GSTR-3B વચ્ચેના નિયમિત સમાધાન પર અનિચ્છનીય વિવાદો (ખાસ કરીને અજાણતાં ભૂલો) ટાળવામાં મદદ મળશે.
5 કરોડ સુધીનું વાર્ષિક ટર્નઓવર ધરાવતા કરદાતાઓ ક્વાર્ટરના અંતના 13મા દિવસે GSTR-1 ફાઇલ કરી શકે છે, જ્યારે GSTR-3B તે પછીના મહિનાના 22 અને 24મા દિવસની વચ્ચે ફાઇલ કરવામાં આવે છે. તમને જણાવી દઈએ કે GST કાઉન્સિલ ગુડ્સ એન્ડ સર્વિસ ટેક્સને લઈને તેની બેઠકોમાં સમયાંતરે ફેરફાર કરે છે. જેમાં ગ્રાહકો તેમજ વેપારીઓના હિતને ધ્યાનમાં રાખવામાં આવે છે.
આ પણ વાંચો : ‘મોદી સરકાર બહુમતી ગુમાવ્યા બાદ હવે ઝડપથી કામ કરશે’, જાણો કોંગ્રેસ મહાસચિવે કેમ કર્યો કટાક્ષ?
