ભારત-ચીન તણાવ વચ્ચે તંવાગમાં લાગશે 23 નવા મોબાઈ ટાવર, કનેક્ટિવિટીની સમસ્યા બાદ નિર્ણય

અરુણાચલ પ્રદેશમાં LAC પર કનેક્ટિવિટી સુધારવા માટે, સરકારે આ વિસ્તારમાં વધુ મોબાઈલ ટાવર સ્થાપિત કરવાનો નિર્ણય લીધો છે. તવાંગ જિલ્લાના એક વરિષ્ઠ અધિકારીએ બુધવારે આ માહિતી આપી હતી. અરુણાચલ પ્રદેશના તવાંગ સેક્ટરમાં 9 ડિસેમ્બરે ભારતીય અને ચીની સૈનિકો વચ્ચે થયેલી અથડામણ બાદ આ નિર્ણય લેવામાં આવ્યો છે. તવાંગના ડેપ્યુટી કમિશનર કે.કે. એન. દામોએ જણાવ્યું કે BSNL અને ભારતી એરટેલ કનેક્ટિવિટી સુધારવા માટે 23 નવા મોબાઈલ ટાવર લગાવવામાં આવશે.

હાલના ટાવર ઇચ્છિત સેવાઓ પૂરી પાડી રહ્યા નથી, તેમણે કહ્યું કે, માત્ર સંરક્ષણ દળોને જ નહીં પરંતુ સરહદ પર રહેતા નાગરિકોને પણ સમસ્યા ઊભી થઈ રહી છે, દામોએ કહ્યું કે અગાઉ સરહદી વિસ્તારોમાં મોબાઈલ નેટવર્ક નહોતા, પરંતુ હવે પરિસ્થિતિ અને બુમ-લા તથા વાઈ-જંકશન પર પણ લોકો ઈન્ટરનેટ અને મોબાઈલ સેવાઓનો આનંદ લઈ રહ્યા છે, પરંતુ તેમાં વધુ સુધારાની જરૂર છે.

આ પણ વાંચો: ‘ભારત જોડો યાત્રાથી ડરી મોદી સરકાર, સ્વાસ્થ્ય મંત્રીએ પહેલા PMને પત્ર લખવો જોઈએ’- ગેહલોત

43 નવા ટાવર લગાવવામાં આવશે

દામોએ કહ્યું કે, આમાં (ટાવર લગાવવાના કામમાં) સંરક્ષણ ક્ષેત્રોને પ્રાથમિકતા આપવામાં આવી છે. જો કે, માગો, ચુના અને નિલિયા (જેમિથાંગ નજીક) જેવા નાગરિક વિસ્તારોને નજરઅંદાજ કરવામાં આવ્યા નથી.તેમણે કહ્યું કે જિલ્લા વહીવટીતંત્રે 43 નવા ટાવર લગાવવા માટે વિનંતી કરી હતી.

પ્રોજેક્ટ માટેની તૈયારી પૂર્ણ

અધિકારીએ જણાવ્યું હતું કે નવા ટાવર સ્થાપિત કરવા માટે તમામ તૈયારીઓ પૂર્ણ કરી લેવામાં આવી છે, પરંતુ શિયાળાનું હવામાન એક પડકાર ઊભું કરે છે, જે તેમાં વિલંબ કરી શકે છે. ઘણી વખત બરફ પડ્યો અને તાપમાન માઈનસ ત્રણ ડિગ્રી સેલ્સિયસ સુધી પહોંચી ગયું.