WhatsApp Messenger
ટ્રેન્ડિંગનેશનલ

‘મને બળાત્કારની ધમકીઓ મળી રહી છે, પરંતુ મારો અવાજ દબાવી નહિ શકે’; કંગના રનૌત

Team Hum Dekhenge Send an email New DelhiLast Updated: ઓગસ્ટ 29, 2024
384 2 minutes read
Copy
Text To Speech
'મને બળાત્કારની ધમકીઓ મળી રહી છે, પરંતુ મારો અવાજ દબાવી નહિ શકે'; કંગના રનૌત

નવી દિલ્હી, 29 ઓગસ્ટ: પંજાબના પૂર્વ સાંસદ અને શિરોમણી અકાલી દળ (અમૃતસર)ના નેતા સિમરનજીત સિંહ માનએ ગુરુવારે અભિનેત્રી અને ભાજપ સાંસદ કંગના રનૌત વિરુદ્ધ વિવાદાસ્પદ ટિપ્પણી કરી હતી. આ માટે પૂર્વ સાંસદની પણ ભારે ટીકા થઈ રહી છે. હવે આ અંગે કંગના રનૌતનું નિવેદન પણ સામે આવ્યું છે. અકાલી દળના નેતા પર વળતો પ્રહાર કરતા તેમણે કહ્યું કે એવું લાગે છે કે આ દેશ બળાત્કારને તુચ્છ બનાવવાનું ક્યારેય બંધ કરશે નહીં. તેમણે કહ્યું કે ‘આજે મને બળાત્કારની ધમકીઓ પણ મળી રહી છે કે કંગના જાણે છે કે બળાત્કાર શું છે. આ રીતે તમે મારો અવાજ દબાવી શકશો નહીં.’

વાસ્તવમાં, તાજેતરમાં એક ઇન્ટરવ્યુ દરમિયાન કંગનાએ ખેડૂતોના આંદોલન દરમિયાન બળાત્કાર અને હત્યાનો આરોપ લગાવ્યો હતો. જ્યારે મીડિયાએ અકાલી દળના નેતા સિમરનજીત સિંહ માનને આ અંગે પ્રશ્ન પૂછ્યો તો તેમણે કહ્યું કે, “હું તે કહેવા નથી માંગતો, પરંતુ રણૌત સાહેબને બળાત્કારનો ઘણો અનુભવ છે. તેમને પૂછવામાં આવે કે બળાત્કાર કેવી રીતે થાય છે જેથી લોકો સમજો.” બળાત્કાર કેવી રીતે થાય છે તેનો તેમને ઘણો અનુભવ છે. જેમ તમને સાઇકલ ચલાવવાનો અનુભવ છે તેમ તેમને બળાત્કારનો અનુભવ  છે.”

કંગના રનૌતે વાંધાજનક નિવેદન આપતા અકાલી નેતાનો એક વીડિયો પોસ્ટ કરીને આ અંગે પ્રતિક્રિયા આપી હતી તે આશ્ચર્યની વાત નથી કે બળાત્કાર અને મહિલાઓ સામેની હિંસા આ પિતૃસત્તાક રાષ્ટ્રની માનસિકતામાં એટલી ઊંડી છે કે તેનો ઉપયોગ ચીડવવા અથવા મજાક કરવા માટે કરવામાં આવે છે. મહિલાઓ ભલે હાઈ પ્રોફાઈલ ફિલ્મમેકર હોય કે રાજકારણી.”

કોણ છે સિમરનજીત સિંહ માન?

સંગરુર લોકસભા સીટના પૂર્વ સાંસદ સિમરનજીત સિંહ માન ઈન્દિરા ગાંધીના ઓપરેશન બ્લુ સ્ટારના વિરોધમાં આઈપીએસની નોકરી છોડ્યા બાદ ચર્ચામાં આવ્યા હતા. તેઓ પંજાબના પૂર્વ સીએમ કેપ્ટન અમરિંદર સિંહના સાળા છે. કેપ્ટન અમરિંદરની પત્ની પ્રનીત કૌર અને સિમરનજીત સિંહ માનની પત્ની ગીતિંદર કૌર સગી બહેનો છે. નોકરી છોડ્યા બાદ સિમરનજીત સિંહ માન રાજકારણમાં પ્રવેશ્યા. તેમણે શિરોમણી અકાલી દળ અમૃતસર પાર્ટીની રચના કરી. સિમરનજીત સિંહ માન બે વખત તરનતારનથી સાંસદ રહી ચૂક્યા છે. તેઓ 1989માં તરનતારનથી સાંસદ હતા. આ પછી, 1999 માં તેઓ સંગરુરથી લોકસભા સીટ લડ્યા અને જીત્યા. તેઓ સંગરુર લોકસભા પેટાચૂંટણીમાં પણ જીત્યા હતા.

કંગનાએ આ નિવેદન ખેડૂતોના આંદોલનને લઈને આપ્યું હતું

હિમાચલ પ્રદેશની મંડી લોકસભા સીટની સાંસદ કંગનાએ હાલમાં જ એક ઈન્ટરવ્યુમાં કહ્યું હતું કે જો ભારતની નેતૃત્વ ક્ષમતા મજબૂત ન હોત તો ખેડૂતોના વિરોધ દેશમાં બાંગ્લાદેશ જેવા સંકટનું સ્વરૂપ લઈ શકે છે. કંગના રનૌતે એવો પણ આરોપ લગાવ્યો હતો કે લગભગ એક વર્ષ સુધી ચાલેલા ખેડૂતોના વિરોધ દરમિયાન મૃતદેહો લટકતાં હતા. અને બળાત્કાર થઈ રહ્યા હતા. તેમણે ચીન અને અમેરિકા પર ષડયંત્રમાં સામેલ હોવાનો પણ આરોપ લગાવ્યો.

આ પણ વાંચો :સ્મૃતિ ઈરાનીએ કોંગ્રેસ નેતા રાહુલ ગાંધીના કર્યા ભરપેટ વખાણ, જાણો શું કહ્યું

Tags
Copy
Back to top button