50 વર્ષ પછી પણ યુવાન દેખાવું હોય તો ફોલો કરો આ ટિપ્સ, બદલાશે લાઈફ
- 50 વર્ષ પછી પણ યુવાન દેખાવું કોને ન ગમે? આ માટે તમારે થોડીક કેર કરવાની જરૂર છે. તમે તમારી જીવનશૈલીમાં થોડા ફેરફાર કરીને આ કરી શકો છો
HD ન્યુઝ ડેસ્કઃ વ્યક્તિની ઉંમર જેમ જેમ વધે છે તેમ શરીર અને ત્વચામાં ઘણા ફેરફારો થાય છે. જો કે તમે 50 વર્ષની વય વટાવ્યા પછી પણ તમારી જાતને યુવાન રાખી શકો છો. યોગ્ય જીવનશૈલી, સ્વસ્થ આહાર અને નિયમિત સ્કિનકેર રૂટિન અપનાવીને તમારી ત્વચાને ગ્લોઈંગ બનાવી શકો છો. સાથે સાથે તમારી ઊર્જા અને આત્મવિશ્વાસ પણ જાળવી શકો છો. જો તમારે 50 વર્ષ પછી પણ યુવાન રહેવું હોય તો કેટલીક ટિપ્સ ફોલો કરો.
પૌષ્ટિક આહાર લેવો
50 વર્ષની ઉંમર પછી શરીરને વધુ પોષણની જરૂર પડે છે, તેથી જરૂરી છે કે તમે તમારા આહારમાં સંતુલિત અને પૌષ્ટિક આહારનો સમાવેશ કરો. લીલા શાકભાજી, ફળો, બદામ અને પ્રોટીનથી ભરપૂર આહાર તમારી ત્વચાને સ્વસ્થ રાખશે એટલું જ નહીં, પરંતુ તમારી ઊર્જા પણ જાળવી રાખશે.
હાઇડ્રેશનની કાળજી લો
ચમકતી ત્વચા માટે હાઇડ્રેશન ખૂબ જ જરૂરી છે. ઉંમર વધવાની સાથે ત્વચામાં ભેજની કમી થવા લાગે છે, જેના કારણે ત્વચા શુષ્ક અને નિર્જીવ દેખાય છે. તેથી, દિવસમાં ઓછામાં ઓછું 8-10 ગ્લાસ પાણી પીવું ખૂબ જરૂરી છે. તે તમારી ત્વચાને અંદરથી હાઇડ્રેટ કરશે એટલું જ નહીં પણ તમારા શરીરને પણ યુવાન રાખશે.
નિયમિત કસરત કરો
શારીરિક તંદુરસ્તી તમારી ત્વચા અને સ્વાસ્થ્યને પણ અસર કરે છે. યોગાસન, વૉકિંગ અથવા કોઈપણ હળવી કસરત નિયમિતપણે કરવાથી તમે શારીરિક રીતે તો ફિટ રહેશો જ, પરંતુ તે તમારી ત્વચાની ચમક પણ વધારશે. વ્યાયામ કરવાથી શરીરમાં બ્લડ સર્ક્યુલેશન સુધરે છે, જેનાથી ત્વચામાં નિખાર આવે છે અને તમે વધુ યુવાન દેખાવ છો.
સારી ઊંઘ લો
યુવાન દેખાવા માટે સારી અને સંપૂર્ણ ઊંઘ લેવી પણ જરૂરી છે. જ્યારે આપણે સૂઈએ છીએ, ત્યારે શરીર અને ત્વચાના કોષો પોતાની જાતને રિપેર કરે છે. ઊંઘની કમીને કારણે આંખોની નીચે ડાર્ક સર્કલ, સોજો અને ત્વચા ઢીલી પડી શકે છે. 50 વર્ષની ઉંમર પછી ઓછામાં ઓછી 7-8 કલાકની ગાઢ ઊંઘ લો.
સનસ્ક્રીનનો ઉપયોગ કરો
વધતી ઉંમર સાથે ત્વચાને સૂર્યના હાનિકારક કિરણોથી બચાવવી ખૂબ જ જરૂરી બની જાય છે. તેથી, તમે ઘરમાં હોલ કે બહાર, દરરોજ સનસ્ક્રીનનો ઉપયોગ કરો. જેથી તમારા ચહેરા પરની કરચલીઓ અને ડાઘ-ધબ્બા ઓછા થશે.
આ પણ વાંચોઃ હાર્ટ એટેકનાં લક્ષણો શું મહિલાઓમાં પુરુષો કરતાં અલગ હોય છે?
