વધુ પડતી ચા પીવાની આદત છે, તો આટલું જરુરથી વાંચો
ઘણા લોકોને ચાની ખૂબ લત હોય છે. તે દિવસમાં અનેક વાર ચા પીતા હોય છે. પરંતુ વધારે પડતી ચા તમારા સ્વાસ્થ્યને નુકશાન પહોંચાડી શકે છે. ચા પીવાના ઘણા ફાયદા છે તો વધારે પડતી ચા પીવાથી તમારા સ્વાસ્થ્યને અનેક પ્રકારના નુકશાન પણ થઈ શકે છે.
ચાના વધુ પડતા સેવનથી સ્વાસ્થ્ય પર થતી અસર
ચાને વિશ્વનું સૌથી લોકપ્રિય પીણું ગણવામાં આવે છે. અબજો લોકો તેમના દિવસની શરૂઆત ચાથી કરે છે. શિયાળામાં ચા પીવાનું ચલણ વધુ વધી જાય છે. આ સિઝનમાં લોકો ચા એક વાર નહીં પણ ઘણી વખત પીવે છે. કેટલાક લોકો ચાના વ્યસની બની જાય છે અને દિવસમાં ઘણી વખત ચા પીતા હોય છે. જો કે, ચા કરતાં વધુ પ્રેમ તમારા માટે મુશ્કેલી ઊભી કરી શકે છે. ચાના વધુ પડતા સેવનથી તમારું માનસિક સ્વાસ્થ્ય પણ ખરાબ રીતે પ્રભાવિત થઈ શકે છે.
ચાની સ્વાસ્થ્ય પર હાનિકારક અસરો
ઘણા લોકોને ચાની લત લાગી જાય છે અને તેઓ દિવસમાં 7-8 કપ ચા પીવે છે. આવું કરવું માનસિક રીતે પણ નુકસાનકારક છે. વધુ પડતી ચા પીવાથી ઘણી સ્વાસ્થ્ય સમસ્યાઓ થઈ શકે છે. દરેક વ્યક્તિએ આ વિશે જાણવું જ જોઈએ.
વધુ પડતી મીઠી ચા પીવાથી ડાયાબિટીસનું જોખમ
હેલ્થલાઇનના રિપોર્ટ અનુસાર લોકોએ દિવસમાં ત્રણ કે ચાર કપથી વધુ ચા ન પીવી જોઈએ. જો તમે એક દિવસમાં 710 મિલીલીટરથી વધુ ચા પીઓ છો તો તમને ઘણી ગંભીર સ્વાસ્થ્ય સમસ્યાઓ થઈ શકે છે. તેનાથી ઘણી શારીરિક અને માનસિક સ્વાસ્થ્ય સમસ્યાઓ થઈ શકે છે. ઘણા સંશોધનોમાં એ વાત પણ સામે આવી છે કે વધુ પડતી મીઠી ચા પીવાથી ડાયાબિટીસનું જોખમ વધી જાય છે. આવી સ્થિતિમાં તમામ લોકોએ ચા ધ્યાનથી પીવી જોઈએ અને વધુ પડતા સેવનથી બચવું જોઈએ. બેદરકારી ખૂબ મોંઘી પડી શકે છે.
વધુ પડતી ચા પીવાની આ 4 આડઅસર
ચામાં કેફીન ભરપૂર માત્રામાં હોય છે. કેફીનના વધુ પડતા સેવનથી માથાનો દુખાવો, તણાવ અને ચિંતા વધી શકે છે. વધુ પડતી ચા પીવાથી પણ નર્વસનેસ થઈ શકે છે. એવું કહી શકાય કે આનાથી માનસિક સ્વાસ્થ્ય પર ખરાબ અસર પડે છે. જો તમે આયર્નની ઉણપથી પરેશાન છો, તો તમારે વધુ ચા પીવાનું ટાળવું જોઈએ. ચામાં રહેલા ઘટકો આયર્નનું શોષણ ઘટાડે છે અને આ જરૂરી પોષક તત્વોની ઉણપ તરફ દોરી શકે છે. આવા લોકોએ તરત જ ચાથી દૂર રહેવું જોઈએ.
સગર્ભા સ્ત્રીઓ માટે ચા છે હાનિકારણ
સગર્ભા સ્ત્રીઓ માટે ચાનું વધુ પડતું સેવન અત્યંત જોખમી બની શકે છે. કેફીનનું વધુ પડતું સેવન ગર્ભાવસ્થામાં મુશ્કેલીઓનું કારણ બની શકે છે. ક્યારેક તે કસુવાવડ પણ કરી શકે છે. આ ગર્ભમાં ઉછરી રહેલા બાળકના વિકાસને પણ અસર કરે છે. વધુ પડતી ચા પીવાના કારણે કેટલાક લોકોને ઊંઘમાં પણ તકલીફ થઈ શકે છે. ચામાં રહેલું કેફીન તમારા ઊંઘના ચક્રને અસર કરી શકે છે. ઊંઘવાના 6 કલાક પહેલા કેફીનનું સેવન કરવાથી ઊંઘની ગુણવત્તા બગડી શકે છે.
આ પણ વાંચો : જંત્રીના દર વધારાથી ક્યાંક ખુશી ક્યાંક ગમ !, શું થશે તમને અસર ?
