અક્ષય કુમારની સરફિરા જોવા જશો તો ફ્રીમાં મળશે ચા-સમોસા, કોણે કરી જાહેરાત?

• તમે અક્ષય કુમારની ‘સરફિરા’ જોવા આવો તો તમારું સ્વાગત એક કપ ચા અને બે સમોસાથી કરવામાં આવશે, આ સાથે તમને આ ખાસ ભેટ પણ મળશે

અક્ષય કુમાર અને રાધિકા મદાનની ફિલ્મ ‘સરફિરા’ 12 જુલાઈના રોજ રીલીઝ થઈ હતી. ફિલ્મની સ્ટોરી સારી હોવા છતાં, તેણે અક્ષયની ફિલ્મનો સૌથી ઓછો ઓપનિંગ ડેનો રેકોર્ડ કર્યો. ઉલ્લેખનીય છે કે ‘સરફિરા’ને બોક્સ ઓફિસ પર કમલ હાસનની ‘ઈન્ડિયન 2’ની ટક્કર મળી હતી જ્યારે પ્રભાસની ‘કલ્કી 2898 એડી’ પહેલેથી જ બોક્સ ઓફિસ પર છવાયેલી હતી. ફિલ્મની ભીડને કારણે દર્શકોએ ‘સરફિરા’ જોવામાં રસ દાખવ્યો ન હતો. નિર્માતાઓ માટે આ હતાશ કરનારી સ્થિતિ છે. હવે દર્શકોને થિયેટર સુધી લાવવા માટે મલ્ટિપ્લેક્સ ચેઈન્સે એક ઓફર સાથે મેદાનમાં ઉતરવું પડ્યું છે.

Chase your hunger away with this totally Sarfira combo! ☕️🎬 This yummy combo includes 2 samosas and tea. Plus, get a free merchandise with your order.

Now screening at PVR INOX!
Ticket link – https://t.co/eglrRcZRZS
.
.
.
*T&Cs Apply#AkshayKumar #RadhikaMadan #Sarfira… pic.twitter.com/OT7hGzfIPj

— INOX Movies (@INOXMovies) July 14, 2024

અક્ષયની ફિલ્મ ચલાવવામાં લાગ્યા મેકર્સ

જાણીતી મલ્ટીપ્લેક્સ ચેન આઈનોક્સ પીવીઆરે સરફિરાના દર્શકો માટે એક અજીબોગરીબ ઓફર કરી છે. તમે અક્ષય કુમારની ‘સરફિરા’ જોવા આવો તો તમારું સ્વાગત એક કપ ચા અને બે સમોસાથી કરવામાં આવશે, આ સાથે તમને આ ખાસ ભેટ પણ મળશે. તમને ઓર્ડર સાથે એક લગેજ ટેગ ફ્રીમાં મળશે. આ ઓફર પરથી સ્પષ્ટ થઈ રહ્યું છે કે સરફિરાના ખરાબ પ્રદર્શનને સુધારવાની કોશિશ થઈ રહી છે. બોક્સ ઓફિસ કલેક્શનની વાત કરીએ તો ફિલ્મે પહેલા દિવસે માત્ર 2.50 કરોડની કમાણી થઈ હતી. બીજા દિવસે કલેક્શનમાં થોડો સુધારો જોવા મળ્યો અને ફિલ્મે 4.25 કરોડની કમાણી કરી. ત્રીજા દિવસે 5.25 કરોડ રૂપિયાની કમાણી કરી. હવે આ ફિલ્મ અત્યાર સુધીમાં 12 કરોડની કમાણી કરી ચૂકી છે.

સરફિરા સાઉથની ફિલ્મની રીમેક

‘સરાફિરા’ દક્ષિણ ભારતીય અભિનેતા સૂર્યા અભિનીત ‘સોરારઈ પોટરૂ’ની હિન્દી રિમેક છે. આ ફિલ્મને નેશનલ એવોર્ડ મળ્યો હતો. આ બંને ફિલ્મોનું નિર્દેશન સુધા કોંગારાએ કર્યું છે. આ તેમની પહેલી હિન્દી ફિલ્મ પણ છે. દક્ષિણમાં હિટ થયેલી આ ફિલ્મ ઉત્તર ભારતીય દર્શકોને થિયેટર્સ સુધી ખેંચી લાવવામાં સફળ સાબિત થઈ નથી. ‘સરાફિરા’માં અક્ષય કુમારની સાથે રાધિકા મદન અને પરેશ રાવલે પણ મહત્ત્વની ભૂમિકાઓ ભજવી છે. અક્ષય કુમારની વાત કરીએ તો તેની પાછલી ફિલ્મ ‘બડે મિયાં ઔર છોટે મિયાં’ પણ ફ્લોપ સાબિત થઈ હતી. હવે અક્ષય રોહિત શેટ્ટીની ફિલ્મ ‘સિંઘમ અગેન’માં જોવા મળશે.

આ પણ વાંચોઃ નીતા અંબાણીએ માફી માગીઃ કારણ જાણવા જૂઓ વીડિયો