લેપટોપ કે PC સામે બેસી તમે પણ કરી રહ્યા છો કામ, તો આંખને બચાવવા અપનાવો આ ટિપ્સ

આજકાલની જીવનશૈલી જ એવી થઈ ગઈ છે કે લોકો કલાકો સુધી ઓનસ્ક્રીન કામ કરે છે તેમને ઘણીવાર આંખો સંબંધિત સમસ્યાઓ થવા લાગે છે. ક્યારેક આંખોની રોશની નબળી પડી જાય છે તો ક્યારેક આંખોમાં દુખાવો અને થાક લાગે છે. તો અહીં અમે તમને જણાવીશુ ઘરેલું ટિપ્સ જે તમને મદદ કરશે.

આ પણ વાંચો : શિયાળામાં ચમકદાર અને મુલાયમ ત્વચા મેળવવા આટલું કરો, ન્હાવાની પદ્ધતિમાં કરો આટલો ફેરફાર

હવે મોટા ભાગનું કામ લેપટોપ અને કમ્પ્યુટર પર જ થાય છે. સીટીંગ જોબ ધરાવતા લગભગ તમામ લોકો લેપટોપ સ્ક્રીન પર દરરોજ 8 થી 9 કલાક વિતાવે છે. આવી સ્થિતિમાં આંખોની રોશની નબળી પડવી, આંખોમાં દુખાવો, આંખોની નીચે ડાર્ક સર્કલ કે લાલ આંખો થઈ જવી જેવી સમસ્યાઓ થવા લાગે છે. જો તમે આમાંથી કોઈપણ સમસ્યાથી પરેશાન છો, તો અહીં જણાવેલા ઉપાય તમારા માટે ઉપયોગી રહેશે. તેમજ જો તમે ભવિષ્યમાં પણ આવી કોઈ સમસ્યાથી પરેશાન ન થવા ઈચ્છતા હોવ તો તમે તમારા રોજિંદા જીવનમાં આ ઉપાયો અપનાવી શકો છો.

આ પણ વાંચો : તણાવથી છુટકારો મેળવવા ભૂલથી પણ ન કરશો આ કામ, નહીતર…

તંદુરસ્ત આંખો માટે શું કરવું?

આંખોની તંદુરસ્તી અને રોશની જાળવવા માટે કેટલાક આયુર્વેદિક અને ઘરગથ્થુ ઉપચાર કરવાથી આંખોની વિવિધ સમસ્યાઓથી છુટકારે મેળવી શકો છો.

આંખોમાં ગુલાબજળ નાખો

આંખો માટે રિફાઈંડ ગુલાબ જળ આવે છે, જે નેઝલ આઈ ડ્રોપ સાથે આવે છે. આ તમને કોઈપણ મેડિકલ સ્ટોર પર મળી રહે છે. રાત્રે સૂતા પહેલા આ ગુલાબજળનું એક ટીપું આંખોમાં નાખવાથી આંખોની વિવિધ સમસ્યાઓથી છુટકારો અપાવે છે.

ગાયનું ઘી

ગાયનું ઘી આંખોની રોશની માટે ખૂબ જ સારું છે. તે ન માત્ર તમને દરેક રીતે સ્વસ્થ રાખવાનું કામ કરે છે, પરંતુ આંખોની રોશની પણ વધારે છે.

ત્રિફળા ચૂર્ણ

પેટને સાફ રાખવાથી લઈને પાચનક્રિયા સુધારવા અને ચયાપચયને વધારવામાં ત્રિફળા ચૂર્ણ કામ કરે છે, આ આપણે બધા જાણીએ છીએ. પરંતુ બહુ ઓછા લોકો જાણે છે કે ત્રિફળા ચૂર્ણ ખાવાથી આંખોની રોશની પણ સુધરે છે.

આંખની સફાઈ

એક મગમાં પાણી લો અને આંખો ધોઈ લો. પહેલા કોઈપણ એક આંખને પાણીની આ ઉપરી સપાટી પર રાખો અને પાંપણોને ઝબકાવતા રહો, એટલે કે પાણીની અંદર પાંપણોને ખોલો અને બંધ કરતા રહો. આ જ પ્રક્રિયા બંને આંખોથી કરો અને દિવસમાં એકવાર 2 થી 3 મિનિટ સુધી કરો. આ આંખોને સાફ કરવામાં અને આંખોના હાઇડ્રેશનમાં પણ મદદ કરે છે.

ઘાસ પર ચાલો

આજના યુવાનોને કદાચ ખબર નહીં હોય કે લીલા ઘાસ પર ખુલ્લા પગે ચાલવાથી આંખોની રોશની વધે છે. આના તબીબી કારણો શું છે, તે અહીં કહી શકાય તેમ નથી. તેનું કારણ છે કે તેના એક નહી પરંતુ અનેક ફાયદા છે. પરંતુ જો તમે દરરોજ સવારે ઘાસ પર પડેલા ઝાકળના ટીપાં પર ખુલ્લા પગે ચાલો તો આંખોની રોશની વધે છે.

નાભિ પર તેલ લગાવવું

રાત્રે સૂતા પહેલા નાભિમાં સરસવનું તેલ લગાવવાથી શરીરને ઘણા ફાયદા થાય છે. આમ કરવાથી તમારા હોઠ નરમ રહે છે. ત્વચા સારી બને છે. પેટ સંબંધિત સમસ્યાઓમાં પણ ફાયદો થાય છે અને આંખોની રોશની પણ સારી થાય છે.