ઘરના મંદિરમાં કદી ન રાખતા આ વસ્તુઓ, સુખ-સમૃદ્ધિ દૂર ભાગશે

• ઘરના મંદિરમાં આરતી માટે દીવો અને સુગંધ માટે અગરબત્તી રાખો, પરંતુ માટીના બનેલા દીવા અને અગરબત્તી રાખવાનું શ્રેષ્ઠ માનવામાં આવે છે. આ સિવાય પૂજા રૂમમાં સ્વસ્તિકનું પ્રતીક હોવું જોઈએ

ભારતીય પરિવારોમાં ભગવાનની પૂજા માટે એક અલગ સ્થાન છે, જેને આપણે પૂજા ઘર પણ કહીએ છીએ. તે આપણા ઘરનું મંદિર છે. આપણે રોજ મંદિરમાં જઈ શકતા નથી, પરંતુ પૂજાઘરમાં બેસીને મંદિરમાં બેઠા હોવાનો અહેસાસ થાય છે. પૂજામાં વપરાતી સામગ્રીને આપણે ઘણીવાર પૂજા ઘર અથવા પૂજા સ્થળની નજીક રાખીએ છીએ, પરંતુ ઘણી બધી વસ્તુઓ એવી હોય છે જે આપણે ત્યાં ન રાખવી જોઈએ. શાસ્ત્રોમાં ઘરના મંદિર પાસે કેટલીક વસ્તુઓ રાખવાની મનાઈ છે, જેનાથી નકારાત્મકતા ફેલાય છે.

એવું કહેવાય છે કે કેટલીક વસ્તુઓ એવી હોય છે જેને ઘરના મંદિર પાસે ન રાખવી જોઈએ. તેમ કરવાથી પરિવારના સભ્યો વચ્ચે ઝઘડા થાય છે અને પરેશાનીઓનો સામનો કરવો પડે છે. મોટાભાગના લોકો માહિતીના અભાવે આવું કરે છે. જાણો એવી વસ્તુઓ વિશે.

પૂજાઘરમાં ન રાખવાની વસ્તુઓ

• શાસ્ત્રો કહે છે કે ઘરના મંદિરમાં એક જ ભગવાનની એકથી વધુ મૂર્તિ કે તસવીર ન રાખવી.
• ઘરના મંદિરમાં પૂર્વજોની તસવીરો રાખવી એ પણ ખોટું કહેવાય છે, પરંતુ કેટલાક લોકો આવું કરતા હોય છે.
• ઘરના પૂજા સ્થાન પર ભૈરવ, શનિદેવ અને કાલી માતાની મૂર્તિઓ રાખવી યોગ્ય નથી.
• ઘરના મંદિરમાં તૂટેલી મૂર્તિ કે ચિત્ર ન રાખવું જોઈએ. આવી મૂર્તિનું ગંગામાં વિસર્જન કરવું જોઈએ.
• ગણપતિની મૂર્તિને ઘરના મુખ્ય દ્વાર પર રાખવી ખોટું છે. તેમને ઘરના ચોકીદાર ન બનાવો.
• ભગવાનની પૂજામાં ક્યારેય તૂટેલા ચોખા ન રાખો, તેનાથી જીવનમાં અશુભ પરિણામ આવે છે.

પૂજા ઘરમાં રાખવાની વસ્તુઓ

ઘરના મંદિરમાં આરતી માટે દીવો અને સુગંધ માટે અગરબત્તી રાખો, પરંતુ માટીના બનેલા દીવા અને અગરબત્તી રાખવાનું શ્રેષ્ઠ માનવામાં આવે છે. આ સિવાય પૂજા રૂમમાં સ્વસ્તિકનું પ્રતીક હોવું જોઈએ, જે ભગવાન ગણપતિ અને શુભતાનું પ્રતીક માનવામાં આવે છે. આ ઉપરાંત ઘરના મંદિરમાં ચોખ્ખા પાત્રમાં કુમકુમથી સ્વસ્તિક બનાવેલો કળશ, શંખ, ગરુડ ઘંટી અને શુદ્ધ પાત્રમાં ગંગાજળ રાખવું શુભ માનવામાં આવે છે. આ બધી વસ્તુઓ ઘરમાં સકારાત્મકતા લાવે છે.

આ પણ વાંચોઃ વૈશાખની પૂનમે કેમ છે સ્નાન અને દાનનું મહત્ત્વ? જાણો શુભ મુહૂર્ત