જો તમારો ફોન ચોરાઈ જાય તો આટલું કરો

HD ન્યુઝ ડેસ્કઃ આજે મોબાઈલ ચોરીની ઘટના ઘણી વધી છે. જ્યારે ચાલતી વખતે તમારો ફોન ચોરાઈ જાય ત્યારે કંઈ કહી શકાય નહીં. પરંતુ જો આવી ઘટના તમારી સાથે બને તો શું કરવું તે અમે આજે તમને જણાવીશું.

સૌથી પહેલા આટલું કરોઃ જો તમારો ફોન ચોરાઈ જાય તો સૌથી પહેલા તમારે તમારા ટેલિકોમ ઓપરેટરને કોલ કરીને તમારું સિમ બ્લોક કરાવવું જોઈએ. આ એટલા માટે છે કારણ કે તમારું બેંક એકાઉન્ટ અને દરેક વિગતો ફક્ત તમારા ફોન નંબર સાથે લિંક છે. આવી સ્થિતિમાં, જે વ્યક્તિ ફોન ચોરી કરે છે તે તમારા નંબર દ્વારા તમને મોટું આર્થિક નુકસાન પહોંચાડી શકે છે. તેથી સૌથી પહેલા તમારું સિમ બંધ કરો, તેના પછી તરત જ પોલીસનો સંપર્ક કરો.

આ વેબસાઈટની મદદ લોઃ ફોન ચોરીના કિસ્સામાં સૌથી પહેલા પોલીસમાં એફઆઈઆર નોંધો. તમે ઑફલાઇન અથવા ઓનલાઈન એફઆઈઆર નોંધાવી શકો છો. આ પછી, તમારે FIR અને ફરિયાદ નંબરની નકલ લેવી પડશે. પછી તમારે સેન્ટ્રલ ઇક્વિપમેન્ટ આઇડેન્ટિટી રજિસ્ટર એટલે કે CEIR વેબસાઇટ www.ceir.gov.in પર જવું પડશે. CEIR પાસે દેશના દરેક ફોનનો ડેટા છે, જેમ કે ફોનનું મોડલ, સિમ અને IMEI નંબર.

વીગતો દાખલ કરોઃ અહીંથી ચોરાયેલા મોબાઈલ પણ સરળતાથી શોધી શકાય છે. www.ceir.gov.in ની મુલાકાત લીધા પછી તમે ત્રણ વિકલ્પો જોશો બ્લોક/લોસ્ટ મોબાઈલ, ચેક રિક્વેસ્ટ સ્ટેટસ અને અન-બ્લોક ફાઉન્ડ મોબાઈલ. અહીં તમારે તમારા ચોરાયેલા ફોનને બ્લોક કરવા માટે Stolen/Lost Mobile વિકલ્પ પર ક્લિક કરવાનું રહેશે. તેના પર ક્લિક કરતાની સાથે જ એક પેજ ખુલશે, જેમાં તમારે તમારા મોબાઈલની વિગતો દાખલ કરવાની રહેશે. અહીં તમારે મોબાઈલ નંબર, IMEI નંબર, ડિવાઈસ બ્રાન્ડ, કંપની, ફોન પરચેઝ ઈન્વોઈસ, ફોન ખોવાઈ જવાની તારીખ અને અન્ય માહિતી રજીસ્ટર કરવાની રહેશે.

આ પણ વાંચોઃ કઇ મોબાઈલ કંપની વેચે છે સૌથી વધારે સ્માર્ટફોન? જાણો વિશ્વની ટોપ-5 કંપની વિશે