જો..જો મોબાઈલ ચાર્જિંગમાં થતી આ ભૂલો તમે તો નથી કરતા ને? બેટરી વહેલી પતી જશે…

આજના યુગમાં મોબાઈલ દરેક વ્યક્તિ માટે ખૂબ જ મહત્વપૂર્ણ સાધન બની ગયું છે. જો મોબાઈલ ન હોય તો તમે દુનિયાથી વિખૂટા પડી ગયેલા અનુભવો છો. એટલા માટે મોબાઈલને હંમેશા ચાર્જ રાખવો ખૂબ જ જરૂરી છે.

જો કે, મોબાઈલ ચાર્જિંગ સાથે જોડાયેલી કેટલીક એવી ભૂલો છે, જેના પર લોકો સામાન્ય રીતે ધ્યાન આપતા નથી. જો તમે પણ આ ભૂલો વારંવાર કરો છો, તો તમારો મોબાઈલ બગડી શકે છે. તો આજે અમે તમને મોબાઈલ ચાર્જિંગ સાથે જોડાયેલી કેટલીક ભૂલો વિશે જણાવીએ છીએ, જેના પર ધ્યાન આપશો તો તમારા મોબાઈલની લાઈફ વધી શકે છે.

ચાર્જ કરતી વખતે ફોનનો ઉપયોગ
આજની ફાસ્ટ ટ્રેક લાઈફમાં મોબાઈલ ફુલ ચાર્જ ન થાય ત્યાં સુધી લોકો ધીરજ રાખતા નથી. લોકો મોબાઈલથી એક પળનું અંતર સહન કરી શકતા નથી. મોટાભાગના લોકો મોબાઈલની બેટરી 0% સુધી પહોંચે ત્યાં સુધી તેનો ઉપયોગ કરવાનું ચાલુ રાખે છે. જો જોવામાં આવે તો આ ખૂબ જ ખોટી ટેવ છે. પરંતુ, તેનાથી પણ વધુ ખોટું છે, ચાર્જિંગ દરમિયાન મોબાઈલનો ઉપયોગ કરવો. ઘણા લોકો મોબાઈલ ચાર્જિંગમાં મૂકીને પણ વાત કરે છે. જેના કારણે મોબાઈલની બેટરી વધારે ગરમ થઈ જાય છે. આ સ્થિતિ મોબાઈલને નુકસાન પહોંચાડવાની સાથે તમે ખુદને નુકસાન પહોંચાડી રહ્યા છો. તેથી આવું કરવાનું ટાળો.

અન્ય મોબાઈલના ચાર્જરનો ઉપયોગ કરશો નહીં
મોબાઈલ ફોન સાથે જોડાયેલી આ ભૂલ ઘણી સામાન્ય છે. લોકો પોતાનો મોબાઈલ ચાર્જ કરવા માટે કોઈપણ ચાર્જરનો ઉપયોગ કરે છે. પરંતુ, આમ કરવાથી તમારા મોબાઈલની બેટરીમાં પાવર સપ્લાય વધવા લાગશે અથવા તો ઘટશે. બંને કિસ્સાઓમાં, મોબાઇલની બેટરી ખૂબ જ ગરમ થઈ જશે. તેનાથી તમારા મોબાઈલની લાઈફ ઘટી જાય છે. શ્રેષ્ઠ છે કે તમે તેને મોબાઈલ સાથે મળેલા ચાર્જરથી જ ચાર્જ કરો. જો તમારું મોબાઈલ ચાર્જર ખોવાઈ જાય તો તમે બીજું ચાર્જર મંગાવી શકો છો.

આખી રાત ચાર્જિંગ
સામાન્ય રીતે લોકો રાત્રે સૂતા પહેલા મોબાઈલને ચાર્જિંગ પર મૂકી દે છે અને પછી તેને આખી રાત છોડી દે છે. મોબાઈલ ચાર્જ કરવાની આ યોગ્ય રીત નથી. આનાથી ન માત્ર બિનજરૂરી વીજળીનો વપરાશ થાય છે, પરંતુ આ પદ્ધતિથી મોબાઈલ ચાર્જ કરવાથી તેની ચાર્જિંગ સાઈકલ પણ બગડે છે. આટલું જ નહીં, મોબાઈલને આટલા લાંબા સમય સુધી ચાર્જિંગ પર રાખવાથી તેની બેટરી પણ ખૂબ જ ગરમ થઈ જાય છે. જેના કારણે બેટરી ઝડપથી બગડી શકે છે.

મોબાઈલને હંમેશા 100% ચાર્જિંગ પર રાખવો
મોબાઈલને હંમેશા 100% ચાર્જ રાખવાની ભૂલ કરશો નહીં. તમને જણાવી દઈએ કે તે તમારા મોબાઈલની બેટરી લાઈફને ઘટાડે છે. તકનીકી રીતે કહીએ તો, દરેક બેટરી માટે ચાર્જીંગ સાઈકલ પહેલેથી જ નિર્ધારિત છે. જો તમે બેટરીને હંમેશા 100% પર ચાર્જ રાખો છો, તો તે ખોરવાઈ જશે. શ્રેષ્ઠ છે કે તમે મોબાઈલને માત્ર 80% ચાર્જ રાખો. એ પણ ધ્યાનમાં રાખો કે મોબાઈલનું ચાર્જિંગ ક્યારેય 0% ન થવા દો. આ સ્થિતિ તમારા મોબાઈલની બેટરી લાઈફ પણ ઘટાડે છે.