‘હું તને મારી નાખવામાં એક ક્ષણ પણ અચકાઈશ નહીં,’ ઈરાનના સાંસદની અમેરિકાના પ્રમુખ ટ્રમ્પને ધમકી

તહેરાન, 7 ફેબ્રુઆરી :અમેરિકા અને ઈરાન વચ્ચે તણાવ સતત વધી રહ્યો છે. તાજેતરમાં ટ્રમ્પે ગાઝા અંગે પોતાનો પ્લાન રજૂ કર્યો હતો. ઈરાને આનો વિરોધ કર્યો હતો. અમેરિકાના પ્રમુખ ટ્રમ્પે ગાઝા પટ્ટીને ભેળવીને પુનઃવિકાસ કરવાનો પ્રસ્તાવ મૂક્યો છે. આ અંગે ઈરાની સંસદમાં વિદેશ નીતિ આયોગના સભ્ય મુસ્તફા ઝરેઈએ મોટું નિવેદન આપ્યું છે. તેમણે ખુલેઆમ ટ્રમ્પને મારી નાખવાની ધમકી આપી છે.

મુસ્તફા જરેઈએ ટ્રમ્પને આપી ધમકી

ઈરાની સોશિયલ મીડિયા પ્લેટફોર્મ એઈતા પર ઈરાની સંસદમાં વિદેશ નીતિ આયોગના સભ્ય મુસ્તફા જરેઈએ કહ્યું, ‘મારી તરફથી હું કહીશ કે જ્યારે પણ મને તક મળશે, હું ડોનાલ્ડ ટ્રમ્પને મારવામાં એક પળ પણ અચકાઈશ નહીં.’ તેમના આ નિવેદનની ચર્ચા દરેક જગ્યાએ થઈ રહી છે. તેમણે પોતાની પોસ્ટમાં આગળ કહ્યું, ‘તે એક રાજકીય અધિકારી છે જે કૂટનીતિ રીતે આ વાત કહી રહ્યા છે.’

ટ્રમ્પ ઈરાનને લઈને અપનાવી રહ્યા છે આકરું વલણ

આ પહેલા વ્હાઇટ હાઉસમાં એક ડૉક્યુમેન્ટ પર હસ્તાક્ષર કરતાં અમેરિકી પ્રમુખ ડોનાલ્ડ ટ્રમ્પે કહ્યું, ‘હું ઈરાનને એ કહેવા ઇચ્છું છું કે હું એક મોટો કરાર કરવા માગું છું. એક એવો કરાર જેનાથી તે પોતાનું જીવન આગળ વધારી શકે. ઈરાન પરમાણુ હથિયાર રાખી શકતું નથી. જો એવું થયું તો આ ઈરાન માટે ખૂબ દુર્ભાગ્યશાળી સાબિત થશે. મેં આદેશ આપ્યા છે કે જો ઈરાન મારી હત્યાનો પ્રયત્ન કરે છે તો તેનો સંપૂર્ણપણે નાશ કરવામાં આવે.’ અમેરિકી અધિકારીઓનું કહેવું છે કે ટ્રમ્પના પ્રમુખ  બનવા પહેલા જ ઈરાનના રિવોલ્યુશનરી ગાર્ડ્સે મને મારવાનું કાવતરું રચ્યું હતું. આ મામલે ન્યૂયોર્કમાં ત્રણ લોકોની ધરપકડ કરવામાં આવી હતી.

ઈરાન કમજોર સ્થિતિમાં છે

વર્તમાનમાં ઈરાન કમજોર સ્થિતિમાં છે કેમ કે તેના સહયોગી સીરિયાના પૂર્વ પ્રમુખ બશર અલ-અસદ સત્તાથી બહાર થઈ ચૂક્યા છે. તેના સમર્થક જૂથ હિઝબુલ્લાહ અને હમાસ કમજોર થઈ ચૂક્યા છે. સાથે જ ઈરાનમાં નવા પ્રમુખ મસુદ પેજેશ્કિયાન સત્તામાં આવ્યા છે. જેમણે હેલિકોપ્ટર દુર્ઘટનામાં મૃત્યુ પામેલા ઇબ્રાહિમ રઇસીનું સ્થાન લીધું છે.

આ પણ વાંચો : હોમ લોન ચાલુ છે? તો જાણો તમારા EMIમાં કેટલો ઘટાડો થઈ શકે છે? સંપૂર્ણ ગણિત સમજો 

VIRAL VIDEO/ ભેંસે વાછરડાને જન્મ આપ્યો, દ્રશ્ય જોઈને લોકો દંગ રહી ગયા!

ઇન્ફોસિસે 400 તાલીમાર્થીઓને બળજબરીથી કાઢી મૂક્યા, મ્યુચ્યુઅલ સેપરેશન પર સહી કરવા માટે કર્યા મજબૂર

શું તમે પણ ઘર ભાડે આપીને પૈસા કમાઓ છો? જાણો બજેટમાં નાણામંત્રીએ શું કહ્યું? 

યુવકે બેંકમાંથી લોન લઈને ગર્લફ્રેન્ડને મારી નાખવા આપી સોપારી, હત્યા કેસમાં મોટો ખુલાસો 

હાઇવે કે એક્સપ્રેસ વે પર ‘મદદ’ની જરૂર છે? તો NHAI ના આ નંબર પર કરો ડાયલ

ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં

https://chat.whatsapp.com/FU8bgMOynfgJl4wCoEeiJw