આ તો ખબર જ નહોતી ! લીમડાના દાતણના આટલા ફાયદા..?

માઉથવોશ અને ટૂથપેસ્ટમાં અત્યંત સ્ટ્રોંગ એન્ટિમાઇક્રોબાયલ્સ ધરાવે છે, દાતણની મદદથી તમે ડાયાબિટીસના દર્દી બનવાથી બચી શકો છો, શહેરોમાં દાતણ પછાતપણાનો સંકેત માનવામાં આવી રહ્યો છે.

ગ્રામ્ય વિસ્તારોમાં હજુ પણ દાતણનો વપરાશ : પહેલા દેશમાં ડાયાબિટીસ અને હાઈ બીપીના દર્દીઓ ઓછા હતા. પરંતુ 1990ના દાયકામાં અચાનક જ મોટાભાગના ઘરોમાં કોઇ હાઇ બીપી કે ડાયાબિટીસનો દર્દી બની ગયું હતું. ઘણા કારણો છે, જેમાં આપણા આહારમાં ફેરફારને સૌથી અગત્ય ગણી શકાય. પરિવર્તનના એ કાળમાં એક ખાસ વાત હતી જે ભુલાઈ જ ગઈ હતી અને તે છે દાતણ. ગામડાના ગ્રામ્ય વિસ્તારમાં આજે પણ લોકો દાતણનો ઉપયોગ કરતા જોવા મળશે, પરંતુ શહેરોમાં દાતણ પછાતપણાનો સંકેત બની ગયો છે. ગામમાં ડાયાબીટીસ અને હાઈપરટેન્શનના દર્દીઓ ભાગ્યે જ જોવા મળશે અથવા કોઈ નહીં મળે. કારણ સ્પષ્ટ છે, મોટાભાગના લોકો આજે પણ દાતણોનો વપરાશ કરે છે. તમે વિચારતા હશો કે ડાયાબિટીસ અને હાઈ બ્લડ પ્રેશર સાથે દાતણનો શું સંબંધ છે? પરંતુ જો તમે સત્ય જાણશો તો તમારું મન હચમચી જશે. વૈજ્ઞાનિક અને હર્બલ મેડિસિન એક્સપર્ટના જણાવ્યા અનુસાર તમે ડાયાબિટીસના દર્દી બનવાથી બચી શકો છો. જાણો છો કેવી રીતે?

ટૂથપેસ્ટના ગેરફાયદા : મેડિસિન એક્સપર્ટના જણાવ્યા અનુસાર આજકાલ બજારમાં આવી રહેલા ટૂથપેસ્ટ અને માઉથવોશ 99.9 ટકા સૂક્ષ્મજીવોનો નાશ કરવાનો દાવો કરે છે. આ માઉથવોશ અને ટૂથપેસ્ટમાં અત્યંત સ્ટ્રોંગ એન્ટિમાઇક્રોબાયલ્સ હોય છે અને હકીકતમાં આપણા મોઢામાં રહેલા 99 ટકાથી વધુ સૂક્ષ્મજીવોને મારી નાખે છે. પરંતુ તેમની ફાયરપાવર એટલી શક્તિશાળી હોય છે કે તેઓ મોઢામાં રહેલા બેક્ટેરિયાને પણ દૂર કરી દે છે, જે આપણા શરીરના મિત્રો જેવા હોય છે, તે આપણી લાળ (સિલેવા)માં જોવા મળે છે અને આ તે જ બેક્ટેરિયા છે જે આપણા શરીરના નાઇટ્રેટ્સને નાઇટ્રાઇટ અને પછી નાઇટ્રિક ઓક્સાઇડમાં રૂપાંતરિત કરવામાં મદદ કરે છે. એટલે કે, શરીર માટે જરૂરી નાઇટ્રિક ઓક્સાઇડની રચના મોટાભાગે તેમના પર આધારિત છે. હવે જો આ સૂક્ષ્મજીવોને મારી નાખવામાં આવે તો નાઇટ્રિક ઓક્સાઇડનું પ્રમાણ ઘટશે, આપણા શરીરમાં નાઇટ્રિક ઑક્સાઇડનો અભાવ થાય કે તરત જ બ્લડપ્રેશર વધી જાય છે. દુનિયાભરના રિસર્ચ સ્ટડીઝ પરથી જાણવા મળે છે કે, નાઇટ્રિક ઓક્સાઇડમાં ઘટાડો બ્લડ પ્રેશર વધારવા માટે જવાબદાર છે.

ડોક્ટરોએ પણ ટુથપેસ્ટને ગણાવી ખતરો : જર્નલ ઓફ ક્લિનિકલ હાયપરટેન્શનમાં પ્રકાશિત થયેલા એક સમીક્ષા લેખમાં ‘નાઇટ્રિક ઓક્સાઇડ ઇન હાઇપરટેન્શન’ શીર્ષક સાથે તમામ માહિતી વિગતવાર આપવામાં આવી છે. અને નાઇટ્રિક ઓક્સાઇડનો આ જ અભાવ ઇન્સ્યુલિન પ્રતિરોધકતા માટે પણ જવાબદાર છે. હવે નાઇટ્રિક ઓક્સાઇડ કેવી રીતે વધશે જ્યારે તેને બનાવતા બેક્ટેરિયાનો સંપૂર્ણ નાશ કરવામાં આવી રહ્યો છે ? વર્ષ 2018માં બ્રિટિશ ડેન્ટલ જર્નલમાં ‘માઉથવોશ યુઝ એન્ડ રિસ્ક ઓફ ડાયાબિટીસ’ શીર્ષક હેઠળ એક અભ્યાસ પ્રકાશિત થયો હતો. ત્રણ વર્ષ સુધી આ અભ્યાસ એવા લોકો પર કરવામાં આવ્યો હતો જેમણે દિવસમાં ઓછામાં ઓછા બે વાર માઉથવોશનો ઉપયોગ કર્યો હતો અને જાણવા મળ્યું હતું કે 50 ટકાથી વધુ લોકો પ્રી-ડાયાબિટીક અથવા ડાયાબિટીસની સ્થિતિથી પહોચી ગયા હતા.

દાતણના લાભો : જર્નલ ઓફ ક્લિનિકલ ડાયગ્નોસિસ એન્ડ રિસર્ચમાં બાવળ અને લીમડાની દાતણ વિશેનો એક ક્લિનિકલ અભ્યાસ પ્રકાશિત થયો હતો અને એવું નોંધવામાં આવ્યું હતું કે તે બંને સ્ટ્રેપ્ટોકોકસ મ્યુટન્સના વિકાસને રોકવામાં શક્તિશાળી રીતે અસરકારક છે. આ તે જ બેક્ટેરિયા છે જે દાંતને સડો કરે છે અને પોલાણનું કારણ પણ બને છે. એક્ટિનોમાઇસાઇટ્સ, નિસેરિયા, શાલિયા, વાઇલોનેલા વગેરે નાઇટ્રિક ઓક્સાઇડ બનાવતા સુક્ષ્મજીવો દાતણનો શિકાર નથી કારણ કે તેમાં માઉથવોશ અને ટૂથપેસ્ટમાં ઉમેરવામાં આવતા ડાઈ રાસાયણિક સંયોજનો હોતા નથી.