“દેશભક્ત હોવાની સજા મળી રહી છે મને” આર્યન ખાન કેસ મામલે સમીર વાનખેડેના ઘરે રેડ

• આર્યન ખાન કેસમાં સમીર વાનખેડેની મુશ્કેલી વધી
• આઈઆરએસ અધિકારી વાનખેડેના ઘરે CBIની રેડ
• વાનખેડે પર આર્યન ખાન ડ્રગ્સ કેસમાં 25 કરોડની લાંચનો આરોપ
• દેશભક્ત હોવાની સજા મળી રહી છે મને: સમીર વાનખેડે
• શું સમીર વાનખેડેએ ખરેખર લાંચ લીધી હતી? વાંચો આ અહેવાલ

બોલિવૂડ એક્ટર શાહરૂખ ખાનના પુત્ર આર્યન ખાનને ડ્રગ્સ-ઓન-ક્રુઝ કેસમાં ન ફસાવવા માટે 25 કરોડ રૂપિયાની લાંચ માંગવાનો આરોપ લગાવનાર નાર્કોટિક્સ કંટ્રોલ બ્યુરો (NCB)ના ભૂતપૂર્વ ઓફિસર સમીર વાનખેડેએ શનિવારે કહ્યું હતું કે તેમને “દેશભક્ત” હોવાની સજા મળી રહી છે.

સમીર વાનખેડેનું નિવેદન સેન્ટ્રલ બ્યુરો ઑફ ઇન્વેસ્ટિગેશન (CBI) દ્વારા શુક્રવારે તેમના નિવાસસ્થાન અને અન્ય જગ્યાઓ પર પાડવામાં આવેલા દરોડાઓના જવાબમાં આવ્યું છે. વાનખેડેનો આરોપ છે કે 18 CBI અધિકારીઓએ તેમના ઘરે ત્યારે દરોડા પાડ્યા હતા જ્યારે ઘરે માત્ર તેમની પત્ની અને બાળકો જ ત્યાં હાજર હતા.

વાનખેડેએ કહ્યુ “13 મેના રોજ, 18 સીબીઆઈ અધિકારીઓએ મારા નિવાસસ્થાન પર દરોડા પાડ્યા અને 12 કલાકથી વધુ સમય સુધી તેની શોધખોળ કરી. તેમની પાસેથી રૂ. 23,000 અને મારી 4 મિલકતના કાગળો મળી આવ્યા હતા. જોકે હું સેવામાં જોડાયો તે પહેલા જ આ મિલકત મારી પાસે હતી.

સમીર વાનખેડેએ વધુમાં દાવો કર્યો હતો કે CBI અધિકારીઓએ તેમની પત્ની ક્રાંતિ રેડકરનો ફોન પણ કબજે કર્યો હતો. આ ઉપરાંત, સીબીઆઈએ તેની બહેન યાસ્મીન વાનખેડેના ઘરેથી 28,000 રૂપિયા અને તેના પિતા જ્ઞાનેશ્વર વાનખેડેના ઘરેથી 28,000 રૂપિયા રિકવર કર્યા છે. વાનખેડેના સસરાના ઘરે ‘સમીર’ પાસેથી 1800 રૂપિયા પણ મળી આવ્યા હતા.

સીબીઆઈએ આ કેસમાં 2008 બેચના આઈઆરએસ અધિકારી વાનખેડે અને અન્ય ચાર સામે કેસ નોંધ્યો છે, તત્કાલીન એનસીબી સુપરિન્ટેન્ડેન્ટ વિશ્વ વિજય સિંહ, ઈન્ટેલિજન્સ ઓફિસર આશિષ રંજન અને બે વ્યક્તિઓ કે. પી. ગોસાવી અને સનવિલ ડિસોઝા વિરુદ્ધ એફઆઈઆર નોંધ્યા બાદ શુક્રવારે મુંબઈ, દિલ્હી, રાંચી, લખનૌ, ગુવાહાટી અને ચેન્નાઈમાં 29 સ્થળોએ દરોડા પાડવામાં આવ્યા હતા. આર્યન ખાનની ડ્રગ્સ-ઓન-ક્રુઝ કેસમાં 2 ઓક્ટોબર, 2021ના રોજ ધરપકડ કરવામાં આવી હતી.

NCBની ફરિયાદ પર CBIએ વાનખેડે અને અન્યો સામે ભારતીય દંડ સંહિતા (IPC) ની કલમ 120-B (ગુનાહિત કાવતરું) અને 388 (ખંડણી) ઉપરાંત ભ્રષ્ટાચાર નિવારણ અધિનિયમ હેઠળ લાંચ સંબંધિત જોગવાઈઓ માટે કેસ નોંધ્યો છે. અધિકારીઓએ જણાવ્યું હતું કે એવો આરોપ છે કે આઈઆરએસ ઓફિસર વાનખેડે અને અન્યોએ આર્યન ખાનને ડ્રગ કેસમાં ન ફસાવવા માટે 25 કરોડ રૂપિયાની કથિત રીતે માંગણી કરી હતી. અધિકારીઓએ જણાવ્યું કે સીબીઆઈને માહિતી મળી કે અધિકારી અને તેના સાથીઓએ કથિત રીતે 50 લાખ રૂપિયા એડવાન્સમાં લીધા પણ હતા.

આ પણ વાંચો: ડી.કે શિવકુમાર કે સિદ્ધારમૈયા, કોના માથે કર્ણાટકના સીએમનો તાજ?