ટ્રમ્પ પર મોટું સંકટ, શપથ પહેલા કોર્ટમાં થશે હાજર; જાણો શું છે મામલો

વોશિંગ્ટન, તા.4 જાન્યુઆરી, 2025: ડોનાલ્ડ ટ્રમ્પનો શપથ ગ્રહણ સમારોહ 20 જાન્યુઆરીએ યોજાશે. પરંતુ શપથ લેતા પહેલા જ મોટું સંકટ આવ્યું છે. ન્યૂયોર્કના એક ન્યાયાધીશે ડોનાલ્ડ ટ્રમ્પને 10 જાન્યુઆરીએ હશ મની ગુનાહિત કેસમાં સજા સંભળાવવામાં આવશે તેવો આદેશ આપ્યો છે. ટ્રમ્પ ટૂંક સમયમાં યુનાઇટેડ સ્ટેટ્સના રાષ્ટ્રપ્રમુખ તરીકે શપથ લેવા જઈ રહ્યા છે તેવા જ સમયે આદેશ આપવામાં આવ્યો છે.

ટ્રમ્પને 10 જાન્યુઆરીએ સજા સંભળાવવામાં આવશે, જોકે ન્યાયાધીશ જુઆન મર્ચેને પણ સંકેત આપ્યો છે કે ટ્રમ્પને જેલમાં નહીં જવું પડે. તેમને શરતી મુક્તિ આપવામાં આવશે. સુનાવણી દરમિયાન ટ્રમ્પને વ્યક્તિગત રીતે અથવા વર્ચ્યુઅલ રીતે હાજર રહેવાની મંજૂરી આપવામાં આવી હતી. આ આદેશ પછી દોષિ ઠેરવવામાં આવ્યા બાદ પદ સંભાળનારા ડોનાલ્ડ ટ્રમ્પ પ્રથમ રાષ્ટ્રપ્રમુખ હશે.

ટ્રમ્પ હવે શું કરશે?

ટ્રમ્પના કેસની સુનાવણી કરનારા મેનહટનના ન્યાયાધીશ જુઆન મર્ચેને લેખિત ચુકાદામાં સંકેત આપ્યો હતો કે તેઓ એવી સજા લાદશે જે ટ્રમ્પની બિનશરતી મુક્તિની મંજૂરી આપશે. આમાં દોષ સાબિત થાય છે પરંતુ કેસ જેલ અને દંડ વિના બંધ થાય છે.

ટ્રમ્પે તેમની સામે લગાવવામાં આવેલા નકારી કાઢવા માટે સખત પ્રયાસ કર્યો હતો. ન્યાયાધીશના નિર્ણયને પડકારવામાં આવ્યો હતો. ટ્રમ્પની ટીમે કહ્યું કે આ કેસ તાત્કાલિક રદ થવો જોઈએ. પરંતુ ન્યાયાધીશ મર્ચેને લખ્યું કે આ કેસને અંતિમ સ્વરૂપ આપીને જ ન્યાયના હિતોનું રક્ષણ થશે. તેમણે એમ પણ કહ્યું કે આ કેસ ટ્રમ્પ વહીવટીતંત્રને અસર ન કરે તેનું પણ ધ્યાન રાખશે.

#UPDATE The New York judge presiding over President-elect Donald Trump’s hush money case on Friday set sentencing for 10 days before his January 20 inauguration and said he was not inclined to impose jail time.https://t.co/p7xNcAHnC8

— AFP News Agency (@AFP) January 4, 2025

હશ મની એટલે શું?

વ્યક્તિ શરમજનક વર્તન અથવા કૃત્ય વિશે મૌન રહે તે માટે એક વ્યક્તિ અથવા પક્ષ બીજાને નાણાં અથવા પ્રલોભન આપે તેને હશ મની કહેવાય છે. આ નાણાં અસંતુષ્ટ વિરોધીને શાંત કરવા માટે પણ આપી શકાય છે.

શું છે મામલો

ડોનાલ્ડ ટ્રમ્પનું 2006માં પોર્ન સ્ટાર સ્ટોર્મી ડેનિયલ્સ સાથે અફેર હતું. 2016ની રાષ્ટ્રપતિની ચૂંટણીમાં આ મુદ્દા પર ઉગ્ર ચર્ચા થઈ હતી. આવી સ્થિતિમાં ટ્રમ્પે ડેનિયલ્સને ચૂપ રહેવા માટે ગુપ્ત રીતે પૈસા આપ્યા હતા. ટ્રમ્પને નાણાં એકત્ર કરવા માટે ખોટા બિઝનેસ રેકોર્ડ બનાવવા બદલ દોષિત ઠેરવવામાં આવ્યા હતા. હશ મની કેસમાં આરોપીઓને ચાર વર્ષ સુધીની જેલ થઈ શકે છે. ટ્રમ્પને આમાં કેટલી સજા મળશે તે હજુ સ્પષ્ટ નથી. ટ્રમ્પનો આ પહેલો આવો ગુનો હોવાથી ઓછી સજા સાથે મુક્ત પણ કરવામાં આવી શકે છે.

આ પણ વાંચોઃ ઓનલાઈન ટિકિટ બુકિંગમાં ગુજરાત એસ.ટી નિગમ દેશમાં પ્રથમ ક્રમે, થઈ આટલા કરોડની આવક