કપડાંની જેમ માણસ ધોવાશે! 15 મિનિટમાં શરીરને ચમકાવશે આ Human Washing Machine, જાણો
- જાપાને એક એવું વોશિંગ મશીન બનાવ્યું છે, જે વ્યક્તિને 15થી 20 મિનિટમાં ધોઈ નાખશે
HD ન્યૂઝ ડેસ્ક, 10 ડિસેમ્બર: ટેક્નોલોજી ક્ષેત્રે વિશ્વમાં અગ્રેસર દેશ જાપાને એક મોટી સિદ્ધિ હાંસલ કરી છે. જાપાને એક એવું વોશિંગ મશીન બનાવ્યું છે, જે વ્યક્તિને 15થી 20 મિનિટમાં ધોઈ નાખશે. અત્યાર સુધી વાસણો અને કપડાં ધોવાના મશીન વિશે સાંભળ્યું અને જોયું હશે, પરંતુ હવે એવા મશીન વિશે પણ જાણવું જોઈએ જે માણસોને ધોવે છે.
⚡️⚡️ Japanese developers are working on an innovative “washing machine for people” that will be able to wash a person from all sides. The process will take only 15 minutes, and for maximum comfort, the capsule will offer relaxing videos and adjust the temperature depending on the… pic.twitter.com/WN9klof33N
— 🌚 MatTrang 🌝 (@MatTrang911) December 9, 2024
જાપાનની વિજ્ઞાન કંપની દ્વારા વિકસિત, ‘મિરાઈ નિંગેન સેંટાકુક MIRAI NINGEN SENTAKUKI’ નામનું મશીન એક સ્પા જેવો અનુભવ પ્રદાન કરે છે, જેમાં સફાઈ માટે અદ્યતન પાણીના જેટ અને સૂક્ષ્મ હવાના પરપોટા છે. જાપાની પ્રકાશન Asahi Shimbunના અહેવાલ મુજબ, આ મશીન પહેલા AIની મદદથી લોકોના શરીરનું વિશ્લેષણ કરશે અને તેમની જરૂરિયાત મુજબ શરીરને સાફ કરશે.
આ મશીન કેવી રીતે કામ કરશે?
હવે આપણે જાણીએ કે આ મશીન કેવી રીતે કામ કરશે? સૌ પ્રથમ વ્યક્તિએ પારદર્શક પોડમાં બેસવાનું છે, જે અડધા ગરમ પાણીથી ભરેલું હોય છે. આ પછી, હાઇ સ્પીડ જેટમાંથી નાના પરપોટા બનવાનું શરૂ થશે, જે તમારી ત્વચામાં રહેલી ગંદકીને સાફ કરશે અને તે ત્વચાના સંપર્કમાં આવવા પર ફાટી જશે. મશીન તમારા શરીર વિશે પણ માહિતી એકત્ર કરતું રહેશે અને એ સુનિશ્ચિત કરશે કે શરીરના યોગ્ય તાપમાન અનુસાર ધોવાણ થાય. આટલું જ નહીં, આ મશીન માત્ર માનવ શરીરને સાફ નહીં કરે પરંતુ લોકોના મનને પણ શાંત કરશે.
ક્યારે લોન્ચ થશે આ મશીન?
સાન્યો ઇલેક્ટ્રીક દ્વારા 1970ના દાયકામાં રજૂ કરાયેલા સમાન ખ્યાલથી પ્રેરિત, આ આધુનિક વર્ઝન ઓસાકા એક્સ્પો 2025માં ડેબ્યૂ કરવા માટે તૈયાર છે, જ્યાં 1,000 લોકો તેને ટ્રાયલ કરશે. તેના પરીક્ષણ પછી, મશીન મોટા પાયે ઉત્પાદનમાં પ્રવેશ કરે તેવી અપેક્ષા છે, જે વ્યક્તિગત સ્વચ્છતા અને આરામમાં ક્રાંતિ લાવવાનું વચન આપે છે. કંપની હોમ યુઝ વર્ઝન પણ બહાર પાડવાની યોજના બનાવી રહી છે.
કંપની તેની વેબસાઈટ પર ઓટોમેટિક બાથટબ માટે પહેલાથી જ લોકો પાસેથી રિઝર્વેશન લઈ રહી છે. કંપનીના પ્રમુખ યાસુકી આઓયામાએ ગયા વર્ષે એક લેક્ચર દરમિયાન કહ્યું હતું કે, “અમે ત્યાં લગભગ 70 ટકા છીએ. અમે 1,000 સામાન્ય મુલાકાતીઓને એક્સ્પો દરમિયાન તેનો ઉપયોગ કરવાની તક આપવાની યોજના બનાવીએ છીએ.”
આ પણ જૂઓ: કાલથી દેશના કરોડો મોબાઈલ યુઝર્સને મળશે મોટી રાહત, TRAI લાગુ કરશે આ નિયમ
ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
