ફોરેન એક્સચેન્જ રિઝર્વમાં જોરદાર ઉછાળો: 670 બિલિયન ડૉલરના રેકોર્ડ સ્તરે પહોંચ્યું

Poojan Patadiya New DelhiLast Updated: જુલાઇ 27, 2024

305 1 minute read

દેશના સોનાના ભંડારમાં $1.33 બિલિયનનો વધારો થયો અને તે $59.99 બિલિયન પર નોંધાયો

નવી દિલ્હી, 27 જુલાઇ: દેશના વિદેશી મુદ્રા ભંડાર(Foreign Exchange Reserves)માં ચાર અબજ ડૉલરનો વધારો થયો છે અને તે પ્રથમ વખત છે જ્યારે આ આંકડો 670 અબજ ડૉલરને પાર કરી ગયો હોય. ત્રણ અઠવાડિયામાં તેમાં 18 અબજ ડોલરથી વધુનો વધારો થયો છે. શુક્રવારે રિઝર્વ બેંક દ્વારા જારી કરાયેલા ડેટા અનુસાર, 19 જુલાઈના રોજ પૂરા થતા સપ્તાહમાં વિદેશી મુદ્રા ભંડાર ચાર અબજ ડૉલર વધીને 670.86 અબજ ડૉલર પર પહોંચી ગયો છે, જે તેની ઐતિહાસિક સર્વોચ્ચ સપાટી છે. ફોરેન એક્સચેન્જ રિઝર્વના સૌથી મોટા ઘટક ફોરેન કરન્સી એસેટમાં $2.58 બિલિયન વૃદ્ધિ થઈ અને $588.05 બિલિયન પર રહ્યું.

🚨 India’s forex reserves jumps $4 billion to $670.85 billion for the week ended July 19. (RBI)

— Indian Tech & Infra (@IndianTechGuide) July 26, 2024

સોનાના ભંડારમાં પણ વધારો

રિઝર્વ બેંકના સોનાના ભંડારમાં વધારો કરવાના સતત પ્રયાસો વચ્ચે, દેશના સોનાના ભંડારમાં $1.33 બિલિયનનો વધારો થયો અને તે $59.99 બિલિયન નોંધાયો. SDR $95 મિલિયન વધીને $18.21 બિલિયન થયું છે. જ્યારે, IMF પાસે અનામત $4.61 બિલિયન પર સ્થિર છે. અગાઉ, 12 જુલાઈના રોજ પૂરા થયેલા સપ્તાહ દરમિયાન ફોરેન એક્સચેન્જ રિઝર્વમાં $9.7 બિલિયનનો જબરદસ્ત વધારો થયો હતો. 5 જુલાઈના રોજ પૂરા થયેલા સપ્તાહમાં ફોરેન એક્સચેન્જ રિઝર્વમાં $5.16 અબજનો વધારો થયો હતો.

સતત ત્રણ અઠવાડિયાથી વૃદ્ધિ

આમ, ત્રણ સપ્તાહમાં દેશના ફોરેન એક્સચેન્જ રિઝર્વમાં 18.86 અબજ ડૉલરનો વધારો થયો છે. ફોરેન એક્સચેન્જ રિઝર્વ એ દેશના અર્થતંત્રનું મહત્ત્વનું સૂચક છે. RBI પાસે પર્યાપ્ત વિદેશી હૂંડિયામણ ઉપલબ્ધ હોવાથી, જો જરૂર પડે તો તે રૂપિયાને ટેકો આપી શકે છે. આ ઉપરાંત, વિદેશી લોનના હપ્તા ભરવા અને આયાતમાં વધારો કરવો સરળ છે. ઈન્ટરનેશનલ મોનેટરી ફંડ (IMF)માં ભારતની અનામત થાપણો સમીક્ષા હેઠળના સપ્તાહમાં $4.61 બિલિયન પર યથાવત છે.

આ પણ જૂઓ: PM આજે નીતિ આયોગની ગવર્નિંગ કાઉન્સિલની બેઠકની કરશે અધ્યક્ષતા, ઘણા મુખ્યમંત્રીઓ રહેશે હાજર