ટોચના અબજોપતિઓની નેટવર્થમાં ઘટાડો, કોની નેટવર્થ કેટલી ઘટી?

આ વર્ષે વિશ્વના ટોચના અબજોપતિઓની નેટવર્થમાં ભારે ઘટાડો નોંધાયો છે. ટોચના 10 અમીરોમાં ભારતના ગૌતમ અદાણી અને મુકેશ અંબાણી સિવાય દરેકની નેટવર્થ ઘટી છે.

ભારત અને એશિયાના સૌથી મોટા ઉદ્યોગપતિ ગૌતમ અદાણી આ વર્ષે સારી કમાણી કરવામાં ટોચ પર રહ્યા છે. બ્લૂમબર્ગ બિલિયોનેર ઈન્ડેક્સ અનુસાર આ વર્ષે તેની કમાણી રોકેટ ગતિએ વધી છે. અદાણી ગ્રુપના ચેરમેનની નેટવર્થમાં પણ આ વર્ષે 56.4 બિલિયન ડોલરનો વધારો થયો છે અને તેઓ133 બિલિયન ડોલરની કુલ નેટવર્થ સાથે વિશ્વના સૌથી ધનિકોની યાદીમાં ત્રીજા નંબરે છે. જણાવી દઈએ કે વિશ્વના ટોચના 10 અમીરોમાં માત્ર અદાણી અને રિલાયન્સ ઈન્ડસ્ટ્રીઝના ચેરમેન મુકેશ અંબાણીએ જ તેમની નેટવર્થમાં જોરદાર વધારો કર્યો છે. આ વર્ષે અન્ય તમામ ટોચના અમીરોની નેટવર્થમાં તીવ્ર ઘટાડો થયો છે.

તમને જણાવી દઈએ કે આ વર્ષે સૌથી વધુ સંપત્તિ ગુમાવવાના મામલામાં એલોન મસ્ક વિશ્વમાં નંબર વન પર છે. ટેસ્લા અને સ્પેસએક્સના CEOની નેટવર્થમાં આ વર્ષે અત્યાર સુધીમાં 89.7 ડોલર બિલિયનનો ઘટાડો થયો છે. ગયા વર્ષે નવેમ્બરની શરૂઆતમાં તેમની નેટવર્થ 335 ડોલર બિલિયન સુધી પહોંચી હતી, પરંતુ ત્યારથી તે ખૂબ જ નીચે આવી ગઈ છે.

બીજી તરફ, આ યાદીમાં આગળનું નામ મેટાના સીઈઓ માર્ક ઝકરબર્ગનું છે, જેમની નેટવર્થમાં 82.9 બિલિયન ડોલરનો ઘટાડો થયો છે.વર્ષમાં 74.3 બિલિયન ડોલરનો ઘટાડો નોંધવામાં આવ્યો છે.

કોની નેટવર્થ કેટલી ઘટી?

એલોન મસ્ક 181 અબજ ડોલરની સંપત્તિ સાથે વિશ્વના અમીરોની યાદીમાં પ્રથમ ક્રમે છે. ગુરુવારે તેમની નેટવર્થમાં 2.59 બિલિયન ડોલરનો ઘટાડો થયો છે. ફ્રેન્ચ બિઝનેસમેન બર્નાર્ડ આર્નોલ્ટ 157 બિલિયન ડોલરની નેટવર્થ સાથે બીજા નંબર પર છે. આ વર્ષે તેની કુલ સંપત્તિ 20.6 બિલિયન ડોલર છે. બેઝોસની કુલ સંપત્તિ 118 બિલિયન ડોલર છે અને તે વિશ્વના અમીરોની યાદીમાં ચોથા નંબર પર છે. તેમની નેટવર્થમાં 2.26 બિલિયન ડોલરનો ઘટાડો થયો હતો.

ઝકરબર્ગ હવે 27માં સ્થાને

આ વર્ષે બિલ ગેટ્સની નેટવર્થ 25.3 બિલિયન ડોલર, વોરેન બફેટની નેટવર્થ 1.61 બિલિયન ડોલર, લેરી એલિસનની નેટવર્થ 14.3 બિલિયન ડોલર, લેરી પેજની નેટવર્થ 37.6 બિલિયન ડોલર અને સેર્ગેઈ બ્રિનની નેટવર્થ 36 બિલિયન ડોલર ઘટી છે. બીજી તરફ મુકેશ અંબાણીની કુલ સંપત્તિમાં 104 મિલિયન ડોલરનો વધારો થયો છે. તેઓ 90.1 અબજ ડોલરની સંપત્તિ સાથે અમીરોની યાદીમાં નવમા ક્રમે છે. એક સમયે ત્રીજા નંબરે રહેતા ઝકરબર્ગ હવે 42.5 બિલિયન ડોલર સાથે 27માં નંબરે આવી ગયા છે.