વિક્રમ વેધામાં આ 3 લૂકમાં જોવા મળશે હૃતિક રોશન, ફેન્સમાં ભારે ઉત્સાહ

બોલિવૂડ એક્ટર હૃતિક રોશન (Hrithik Roshan) આ દિવસોમાં તેની આગામી ફિલ્મ વિક્રમ વેધા (vikram vedha)ને લઈને ચર્ચામાં છે. થોડા સમય પહેલા આ ફિલ્મનું ટીઝર રિલીઝ કરવામાં આવ્યું હતું, જેને દર્શકોએ ખૂબ પસંદ કર્યું હતું. સૈફ અલી ખાન (Saif Ali Khan) અને હૃતિક રોશનને સ્ક્રીન પર એકસાથે જોવા માટે ફેન્સ ઉત્સાહિત છે, પરંતુ આ દરમિયાન એક એવા સમાચાર સામે આવ્યા છે જેણે ફેન્સને વધુ ઉત્સાહિત કરી દીધા છે. વિક્રમ વેધમાં હૃતિક રોશન એક-બે નહીં પરંતુ ત્રણ અલગ-અલગ લુકમાં જોવા મળશે.

હૃતિકની 25મી ફિલ્મ છે વિક્રમ વેધા

આ ટીઝરે હૃતિક રોશન અને સૈફ અલી ખાનના લુક્સ અને ઓનસ્ક્રીન પાત્રોની ઝલક આપવામાં આવી છે, એવું માનવામાં આવે છે કે ફિલ્મનું ટ્રેલર એક એક્શન પેક્સ થ્રિલ રાઈડ પર લઈ જશે અને જે ટીઝરને પણ પાછળ છોડી દેશે. બાય ધ વે, ફિલ્મમાં હૃતિકના પાત્ર વેધા વિશે એવા અહેવાલો છે કે તે ફિલ્મમાં ત્રણ અલગ-અલગ લુકમાં જોવા મળશે. આ સિવાય વિક્રમ વેધા હૃતિક રોશન માટે કરિયરની માઈલસ્ટોન ફિલ્મ છે કારણ કે તે તેની 25મી ફિલ્મ છે.

હૃતિકના ત્રણ લુક્સ

સૂત્રોનું કહેવું છે કે, “એક અભિનેતા તરીકે હૃતિકે હંમેશા તેના ઓનસ્ક્રીન પાત્રોમાં ભળી જવાની હિંમત રાખી છે. તેના પાત્રોના દેખાવથી લઈને રીતભાત સુધી, તેની પ્રથમ ફિલ્મ કહો ના.. પ્યાર હૈ થી લઈને તેની છેલ્લી રિલીઝ સુપર 30 અને વોર તક, જ્યારે પણ હૃતિકે કોઈ ફિલ્મ કરી ત્યારે તેણે આ વાતનું સંપુર્ણ ધ્યાન રાખ્યું છે કે તે પોતાને ટ્રાન્સફોર્મ કરવાની સાથે લોકોને સરપ્રાઈઝ પણ કરે. વિક્રમ વેધા, વેધાની યાત્રા અને બેકસ્ટીને દર્શાવશે. આ માટે હૃતિક ફિલ્મમાં 3 અલગ-અલગ લુકમાં જોવા મળશે.”

કેવી છે ફિલ્મની કહાની

પોસ્ટર અને ટીઝરમાં હૃતિકને વેધા તરીકે જોયા બાદ દર્શકો તેના જબરદસ્ત લુકના વખાણ કરી રહ્યા છે. તમને જણાવી દઈએ કે, વિક્રમ વેધા પુષ્કર-ગાયત્રી દ્વારા લખાયેલ અને નિર્દેશિત એક એક્શન-થ્રિલર છે. વિક્રમ વેધાની કહાની ટ્વિસ્ટ અને ટર્નથી ભરેલી છે, કારણ કે એક સખત પોલીસ વિક્રમ (સૈફ અલી ખાન) એક ખતરનાક ગેંગસ્ટર વેધા (હૃતિક રોશન)ને શોધી કાઢવા અને તેનો પીછો કરવા નીકળે છે. જે એક રીતે બિલાડી અને ઉંદર પકડવા જેવું લાગે છે, જ્યાં વેધ – એક માસ્ટર સ્ટોરીટેલર વિક્રમને કહાનીઓની એક સિરીઝના માધ્યમથી સ્તરોને પરત હટાવામાં મદદ કરે છે, જે સારા હેતુવાળી નૈતિક અસ્પષ્ટતા તરફ દોરી જાય છે. આ ફિલ્મ 30 સપ્ટેમ્બર 2022ના રોજ રિલીઝ થશે.