ઋત્વિક રોશન અને જુનિયર NTRની એક્શન થ્રિલર War 2 આ દિવસે થશે રીલીઝ
- ચાહકોની અધીરાઈને જાળવી રાખીને નિર્માતાઓએ War 2 પર એક મોટું અપડેટ આપ્યું છે. આ સ્પાય યુનિવર્સ ફિલ્મ ખૂબ જ ટૂંક સમયમાં રિલીઝ થવા જઈ રહી છે
HD ન્યુઝ ડેસ્કઃ 2025નું વર્ષ શરૂ થતાં જ સૌથી વધુ રાહ જોવાતી ફિલ્મો રિલીઝની રાહ જોઈ રહી છે. 2019માં આવેલી ફિલ્મ ‘વોર’ માં ઋતિક રોશન અને ટાઇગર શ્રોફની જોડીએ દર્શકોના દિલ જીતી લીધા હતા. હવે દર્શકો તેના બીજા ભાગ એટલે કે War 2ની રાહ જોઈ રહ્યા છે. ચાહકોની અધીરાઈને જાળવી રાખીને નિર્માતાઓએ War 2 પર એક મોટું અપડેટ આપ્યું છે. આ સ્પાય યુનિવર્સ ફિલ્મ ખૂબ જ ટૂંક સમયમાં રિલીઝ થવા જઈ રહી છે.
‘વોર 2’ આ દિવસે રિલીઝ થશે
યશરાજ ફિલ્મ્સના બેનર હેઠળ બનેલી ફિલ્મ ‘વોર 2’માં ઋત્વિક રોશન અને સાઉથ સ્ટાર જુનિયર NTR મુખ્ય ભૂમિકામાં જોવા મળશે. આ દરમિયાન પ્રોડક્શન હાઉસે ખૂબ જ અનોખી રીતે ફિલ્મની રિલીઝ તારીખ જાહેર કરી છે. આ ફિલ્મ 14 ઓગસ્ટ 2025ના રોજ એટલે કે સ્વતંત્રતા દિવસના અવસર પર સિનેમાઘરોમાં રિલીઝ થવા જઈ રહી છે.
View this post on Instagram
આ ફિલ્મનું દિગ્દર્શન અયાન મુખર્જી દ્વારા કરવામાં આવ્યું છે, જેમાં ઋતિક અને જુનિયર એનટીઆર એકબીજા સાથે ટકરાતા જોવા મળશે. યશ રાજ ફિલ્મ્સે X પરની એક પ્રમોશનલ પોસ્ટ પર પ્રતિક્રિયા આપી હતી, જેમાં વોર 2 ની રિલીઝ તારીખ જાહેર કરવામાં આવી. આ વીડિયોમાં યશ રાજ ફિલ્મના સ્પાઈ યુનિવર્સના સ્ટાર્સ ચેટબોક્સમાં રમુજી વાતચીત કરતા જોઈ શકાય છે. ત્યારબાદ ઋત્વિક અને NTR વચ્ચે દલીલ થાય છે.
ઉલ્લેખનીય છે કે, ‘વોર 2’ યશ રાજ ફિલ્મ્સની સ્પાય યુનિવર્સ ની છઠ્ઠી ફિલ્મ હશે. આ પહેલા યશ રાજે ‘એક થા ટાઈગર’, ‘ટાઈગર ઝિંદા હૈ’, ‘ટાઈગર 3’, ‘વોર’ અને ‘પઠાણ’ જેવી ફિલ્મો બનાવી છે.
આ પણ વાંચોઃ ઓરી વિરુદ્ધ નોંધાઈ ફરિયાદ, માતા વૈષ્ણોદેવીના બેઝ કેમ્પ કટરા પહોંચીને કાંડ કર્યોં
