હોયસલા મંદિરોનો યુનેસ્કોની વર્લ્ડ હેરિટેજ યાદીમાં સમાવેશ, પીએમ મોદીએ કહ્યુ-” તે ગર્વની વાત”
યુનેસ્કોએ કર્ણાટકના હોયસલા મંદિરોને વર્લ્ડ હેરિટેજની યાદીમાં સામેલ કર્યા છે. PM મોદીએ આને ભારત માટે ગૌરવપૂર્ણ ગણાવ્યું છે. PM મોદીએ સોશિયલ મીડિયા પ્લેટફોર્મ પર કહ્યું કે, ભારત માટે ગર્વની વાત છે કે હોયસાલાસના ભવ્ય પવિત્ર મંદિરને યુનેસ્કો વર્લ્ડ હેરિટેજમાં સામેલ કરવું. આ મંદિરોની ક્યારેય ન સમાપ્ત થતી સુંદરતા એ ભારતના સાંસ્કૃતિક વારસા અને આપણા પૂર્વજોની અસાધારણ કારીગરીનો પુરાવો છે.
More pride for India!
The magnificent Sacred Ensembles of the Hoysalas have been inscribed on the @UNESCO World Heritage List. The timeless beauty and intricate details of the Hoysala temples are a testament to India's rich cultural heritage and the exceptional craftsmanship of… https://t.co/cOQ0pjGTjx
— Narendra Modi (@narendramodi) September 18, 2023
આ અવસરે વિદેશ મંત્રી એસ જયશંકરે કહ્યું, “સારા સમાચાર આવી રહ્યા છે. આપણી પરંપરાગત કલા અને સ્થાપત્યને ઓળખીને યુનેસ્કોએ હોયસલા મંદિરને વિશ્વ ધરોહરની યાદીમાં સામેલ કર્યું છે.”
અતિ-વાસ્તવિક શિલ્પો
અગાઉ 17 સપ્ટેમ્બરે યુનેસ્કોએ બેલુર, હલેબીડુ અને સોમનાથપુરા વિસ્તારમાં સ્થિત કર્ણાટકના હોયસલા મંદિરોને યુનેસ્કોની વર્લ્ડ હેરિટેજ સૂચિમાં સામેલ કરવાની જાહેરાત કરી હતી.
યુનેસ્કોની અધિકૃત વેબસાઇટ જણાવે છે કે મંદિરો અતિ-વાસ્તવિક શિલ્પો દ્વારા વર્ગીકૃત થયેલ છે. ઉપરાંત, તેમના પથ્થરની કોતરણી સમગ્ર સ્થાપત્ય સપાટીને આવરી લે છે.
2014માં યુનેસ્કોની સંભવિત યાદીમાં સામેલ
હોયસાલા પવિત્ર સ્મારકો 2014 થી યુનેસ્કોની કામચલાઉ યાદીમાં હતા. જાન્યુઆરી 2022 માં, તેને 2022-23 માટે ભારત દ્વારા વર્લ્ડ હેરિટેજ સાઇટ તરીકે સમાવેશ કરવા માટે નામાંકિત કરવામાં આવ્યું હતું. તમને જણાવી દઈએ કે આ મંદિરો 12મી થી 13મી સદીમાં બનાવવામાં આવ્યા હતા અને તે હોયસાલા યુગના કલાકારો અને આર્કિટેક્ટની સર્જનાત્મકતા અને કૌશલ્યનું પ્રતિક છે.
હોયસલા સામ્રાજ્ય શાસન
હોયસાલા સામ્રાજ્યએ 10મી અને 14મી સદી વચ્ચે કર્ણાટક રાજ્યના મોટા ભાગ પર શાસન કર્યું હતું. સામ્રાજ્યની રાજધાની શરૂઆતમાં બેલુરમાં હતી. જો કે બાદમાં તેને હાલેબીડુ ખાતે ખસેડવામાં આવ્યો હતો.
