ભારતીય ટીમ WTC ફાઇનલમાં કેવી રીતે પહોંચશે? જાણો આ છેલ્લી 2 મેચનું સંપૂર્ણ સમીકરણ

• ટીમ ઈન્ડિયાના વિશ્વ ટેસ્ટ ચેમ્પિયનશિપની ફાઈનલમાં સુધી પહોંચવાના સમીકરણ ખૂબ ઝડપથી બદલાઈ ગયા છે

HD ન્યૂઝ ડેસ્ક, 19 ડિસેમ્બર: બ્રિસ્બેનના ગાબા સ્ટેડિયમમાં ભારત અને ઓસ્ટ્રેલિયા વચ્ચે રમાયેલી બોર્ડર-ગાવસ્કર ટ્રોફી ​​સિરીઝની ત્રીજી મેચ ડ્રો થતાં હવે ફરી એકવાર ટીમ ઈન્ડિયાના વિશ્વ ટેસ્ટ ચેમ્પિયનશિપની ફાઈનલમાં સુધી પહોંચવાના સમીકરણ ખૂબ ઝડપથી બદલાઈ ગયા છે. ગાબા ટેસ્ટ મેચ ડ્રો થવા સાથે, બંને ટીમોને ચોક્કસપણે કેટલાક પોઈન્ટ મળ્યા છે જેમાં ઓસ્ટ્રેલિયન ટીમ 58.89 PCT સાથે બીજા સ્થાને છે, જ્યારે ભારતીય ટીમ 55.89 PCT સાથે ત્રીજા સ્થાને છે. હવે આવી સ્થિતિમાં કેટલાક નવા સમીકરણો બહાર આવ્યા છે કે, ટીમ ઈન્ડિયા હજુ પણ ફાઈનલમાં પોતાનું સ્થાન કેવી રીતે નિશ્ચિત કરી શકે છે.

છેલ્લી બે ટેસ્ટ જીતવાથી ફાઈનલમાં સ્થાન સીધું સુનિશ્ચિત થશે

ભારતીય ટીમે ઓસ્ટ્રેલિયા સામે ચાલી રહેલી ટેસ્ટ શ્રેણીમાં હજુ 2 વધુ મેચ રમવાની છે, જેમાં આગામી મેચ 26 ડિસેમ્બરથી મેલબોર્નમાં રમાશે જ્યારે પાંચમી મેચ 3 જાન્યુઆરીથી સિડનીમાં રમાશે. જો ટીમ ઈન્ડિયા આ બંને મેચ જીતવામાં સફળ રહે છે, તો તેની PCT સીધી 60.53 પર પહોંચી જશે જે ઓસ્ટ્રેલિયા કરતા વધુ હશે અને જો તે(ઓસ્ટ્રેલિયા) શ્રીલંકા સામે આના પછીની આગામી શ્રેણી 2-0થી જીતશે તો પણ પોઈન્ટ ટેબલમાં ટીમ ઈન્ડિયાથી નીચે રહેશે. છેલ્લી બે મેચ જીતીને ભારતીય ટીમ ફાઈનલમાં પોતાનું સ્થાન નિશ્ચિત કરી લેશે અને તેને અન્ય કોઈ શ્રેણીના પરિણામો પર નિર્ભર રહેવું પડશે નહીં.

જો ટીમ ઈન્ડિયા 2-1થી જીતે અથવા શ્રેણી 2-2થી ડ્રોમાં સમાપ્ત થાય

જો ટીમ ઈન્ડિયા બોર્ડર-ગાવસ્કર ટ્રોફીની આ છેલ્લી બે મેચમાંથી એક જીતે છે અને એક ડ્રોમાં સમાપ્ત થાય છે, તો આ સ્થિતિમાં ઓસ્ટ્રેલિયા શ્રીલંકા સામે થનારી ટેસ્ટ શ્રેણી 1-0થી જીતે અને  દક્ષિણ આફ્રિકા ઘરઆંગણે પાકિસ્તાન સામેની ટેસ્ટ શ્રેણી 1-0થી ગુમાવે તો ટીમ ઈન્ડિયા ફાઈનલમાં પોતાનું સ્થાન નિશ્ચિત કરી લેશે. બીજી તરફ, જો ભારત અને ઓસ્ટ્રેલિયા વચ્ચેની શ્રેણી 2-2થી ડ્રોમાં સમાપ્ત થાય છે, તો આ સ્થિતિમાં ટીમ ઈન્ડિયાનો PCT 55.26 રહેશે અને ઓસ્ટ્રેલિયાને શ્રીલંકા સામેની ટેસ્ટ શ્રેણી 1-0 અથવા 2-0થી ગુમાવવી પડશે.  આ સાથે જ દક્ષિણ આફ્રિકાએ પાકિસ્તાન સામેની ટેસ્ટ શ્રેણી પણ 2-0થી ગુમાવવી પડે.

જો ટેસ્ટ શ્રેણી 1-1થી ડ્રોમાં સમાપ્ત થાય 

જો ભારત અને ઓસ્ટ્રેલિયા વચ્ચેની આ ટેસ્ટ શ્રેણી 1-1થી ડ્રોમાં સમાપ્ત થાય છે, તો ટીમ ઈન્ડિયાનો PCT 53.51 થઈ જશે, આવી સ્થિતિમાં દક્ષિણ આફ્રિકાને પાકિસ્તાન સામે ઓછામાં ઓછી 2-0થી હારનો સામનો કરવો પડશે. તે જ સમયે, ઓસ્ટ્રેલિયન ટીમ પણ શ્રીલંકા સામેની ટેસ્ટ શ્રેણી 1-0થી હારી જાય અથવા શ્રેણીની બંને મેચ ડ્રોમાં સમાપ્ત થાય છે. આવી સ્થિતિમાં ટીમ ઈન્ડિયા અને ઓસ્ટ્રેલિયાના પોઈન્ટ બરાબર થઈ જશે, જ્યારે ટીમ ઈન્ડિયા વર્લ્ડ ટેસ્ટ ચેમ્પિયનશિપના આ ચક્રમાં વધુ શ્રેણી જીતશે તો ફાઇનલમાં પોતાનું સ્થાન નિશ્ચિત કરી લેશે. જો ભારતીય ટીમને આ ટેસ્ટ શ્રેણીમાં એક પણ હારનો સામનો કરવો પડે છે તો તે આ રેસમાંથી સંપૂર્ણપણે બહાર થઈ જશે.

આ પણ જૂઓ: વર્લ્ડ ટેસ્ટ ચેમ્પિયનશિપની ફાઈનલમાં ભારતની ટક્કર આ ટીમ સાથે થશે? AUS આ રીતે થઈ શકે બહાર