WhatsApp દ્વારા ઓનલાઈન FasTag કેવી રીતે ખરીદવું, જાણો સંપૂર્ણ પ્રક્રિયા

અમદાવાદ, 10 માર્ચ : પેટીએમ પેમેન્ટ બેંક પર આરબીઆઈના પ્રતિબંધ પછી ફાસ્ટેગ મેળવવુંએ એક મોટી સમસ્યા બની ગઈ છે, પરંતુ શું તમે જાણો છો કે તમે WhatsAppની મદદથી ફાસ્ટેગ ઓનલાઈન ખરીદી શકો છો. આ પ્રક્રિયા ખૂબ જ સરળ છે. આ માટે તમારે કેટલાક સરળ સ્ટેપ્સ ફોલો કરવા પડશે. તેમજ, ફાસ્ટેગ તમારા દ્વારા આપવામાં આવેલા સરનામે પહોંચી જશે, જેને તમે તમારા વાહનમાં ઇન્સ્ટોલ કરી શકશો અને કોઈપણ સમસ્યા વગર મુસાફરી કરી શકશો. તેમજ, તમે WhatsAppની મદદથી ફાસ્ટેગને ઓનલાઈન ખરીદી શકો છો. FASTag ટોલ ચાર્જ આપમેળે કપાત કરે છે અને FASTag 5 વર્ષ માટે માન્ય રહે છે.

FASTag શું છે?

FASTag એક એવું સાધન છે જે તમને તમારા પ્રીપેડ એકાઉન્ટ સાથે લિંક રાખે છે. આમાં રેડિયો ફ્રીક્વન્સી આઇડેન્ટિફિકેશન (RFID) ટેક્નોલોજીનો ઉપયોગ કરવામાં આવ્યો છે. તે તમારા વાહનની વિન્ડસ્ક્રીન પર ઇન્સ્ટોલ કરેલું હોય છે, જેના દ્વારા ટોલ પર ઓનલાઈન પૈસાની લેવડદેવડ કરી શકાય છે. તે આપમેળે ટોલ ચાર્જ કાપી લે છે. અને તેના કારણે ટોલ પર તમારો સમય બગડતા પણ અટકાવે છે. FASTag 5 વર્ષ માટે માન્ય રહેશે. ફાસ્ટેગ ખરીદ્યા પછી તેને સમયાંતરે રિચાર્જ કરાવવું પડશે.

WhatsApp પરથી Fastag કેવી રીતે મેળવશો?

– તમે ICICI બેંકની ઇનોવેટિવ WhatsApp બેંકિંગ દ્વારા ફાસ્ટેગ માટે ઓનલાઈન અરજી કરી શકો છો.

– સૌથી પહેલા તમારે કોન્ટેક્ટ લિસ્ટમાં ‘8640086400’ નંબર સેવ કરવાનો રહેશે.

– આ પછી તમારે વોટ્સએપ નંબર 8640086400 પર ‘Hi’ મોકલવાનું રહેશે.

– આ પછી તમને ઘણા વિકલ્પો મળશે.

– ICICI ફાસ્ટેગ સેવાઓ માટે ‘3’ ટાઇપ કરો

– નવા ટેગ માટે વિનંતી વધારવા ફરીથી ‘3’ લખો

– તમને ICICI બેંકના FASTag એપ્લિકેશન પેજની લિંક મળશે.

– આ પછી જરૂરી માહિતી દાખલ કરવાની રહેશે અને દસ્તાવેજ અપલોડ કરવાનો રહેશે.

– એકવાર ચુકવણી થઈ જાય પછી, FASTag તમારા સરનામા પર આવી જશે.

આ પણ વાંચો : પરીક્ષા આપવા આવેલા વિદ્યાર્થીએ તો ગજબ કરી, ફિઝિક્સના પેપરમાં લખ્યું, મેંને તુજે દેખા…