અમદાવાદ ટેસ્ટ માટે ટિકિટ બુકિંગ કેવી રીતે કરશો ? જાણો અહી

અમદાવાદના નરેન્દ્ર મોદી સ્ટેડિયમમાં 9 માર્ચથી ભારત અને ઓસ્ટ્રેલિયા વચ્ચે ચોથી ટેસ્ટ મેચ રમાશે. જેના માટે ઓનલાઇન ટિકિટ બુકિંગ શરૂ કરી દેવાયું છે. આ ટેસ્ટ મેચ અમદાવાદના નરેન્દ્ર મોદી સ્ટેડિયમમાં રમાવાની છે. ત્યારે જો તમારે પણ આ મેચ જોવા માટે ટીકીટ બુક કરાવવી છે તો કેવી રીતે કરી શકશો તેના વિશેની તમામ વિગતો અમે તમને જણાવીશું.

અમદાવાદની ચોથી મેચ નિર્ણાયક મેચ બનશે

ઓસ્ટ્રેલિયા-ભારત વચ્ચે બોર્ડર ગાવસ્કર ટ્રોફી ટેસ્ટ સિરીઝ રમાઈ રહી છે. ત્યારે પહેલી 2 ટેસ્ટ મેચમાં જીત મેળવ્યા બાદ ત્રીજી મેચમાં ભારતીય ટીમે હારનો કર્યો હતો. અમદાવાદની ચોથી અને અંતિમ મેચ સિરીઝની નિર્ણાયક મેચ બનશે. અમદાવાદમાં 9 માર્ચથી 13 માર્ચ વચ્ચે ચોથી ટેસ્ટ મેચ રમાશે. ત્યારે આ ચોથી ટેસ્ટ મેચને લઈને હમણાથી જ ફેન્સમાં ઉત્સાહ જોવા મળી રહ્યો છે. અમદાવાદ ટેસ્ટ મેચ માટે ટિકિટ બુકિંગ પણ શરુ થઈ ગયું છે.

મેચ માટે ઓનલાઈન ટીકીટ બુક કેવી રીતે કરશો ?

અમદાવાદમાં રમાવનારી આ ચોથી ટેસ્ટ મેચ માટે તમે Bookmyshow પરથી ટિકિટ બુક કરી શકશો. તેના માટે તમારે સૌ પ્રથમ Bookmyshow પર જવું અને ત્યાં જઈને તમારે India vs Australia 4th test સર્ચ કરવાનું રહેશે.

10 થી13 માર્ચ સુધી ટિકિટ બુક

અહી તમે બુક બટન પર ક્લિક કરશો ત્યારે તમને એક કેલેન્ડર જોવા મળશે. જેમાં ફકત 10, 11, 12 અને 13 માર્ચની તારીખ જોવા મળશે તે હાઈલાઈટ કરેલી હશે. આ ટેસ્ટ 10થી13 માર્ચ સુધી રમાવાની હોવાથી ફક્ત 10થી 13 માર્ચ પર જ ક્લિક કરી શકાશે. જેથી તમારે આ તારીખમાંથી જે તારીખે મેચ જોવા માંગતા હોવ તે તારીખ પર ક્લિક કરો. અહી તમે એક સમયે કુલ 10 લોકોની સીટની ટિકિટ બુક કરી શકો છો.

કેટલા સુધીની ટીકીટ બુક કરાવી શકાશે ?

ઓનલાઈન ટીકીટમાં તમે 300, 350, 1000 અને 2500 રુપિયા સુધીની ટિકિટ બુક કરાવી શકશો. અને તેના માટે તમારે પૈસાની ચૂકવણી પણ ઓનલાઈન જ કરવાની રહેશે.

ઉલ્લેખનીય છે કે આ ટેસ્ટ મેચના પ્રથમ દિવસે ભારત અને ઓસ્ટ્રેલિયાના પ્રધાનમંત્રી પણ અમદાવાદના સ્ટેડિયમમાં હાજર રહેશે.

આ પણ વાંચો : સુરતમાં મોટા ગજાના બિલ્ડરે કર્યો આપઘાતનો પ્રયાસ, વીડિયો બનાવી કહ્યું, ” ગુનેગારોને છોડતા નહીં, દોઢ વર્ષથી…