દિવસમાં કેટલું પાણી પીવું જરુરી? કઈ ઉંમરે કેટલું પાણી પીવું જોઈએ

HD ન્યુઝ ડેસ્કઃ ફિટ અને સ્વસ્થ રહેવા માટે શરીરને પૂરતા પ્રમાણમાં પાણીની જરૂર હોય છે. માનવ શરીર 65-70 ટકા પાણીથી બનેલું છે. આ જ કારણ છે કે શરીરને વિવિધ કાર્યો માટે પાણીની જરૂર પડે છે. પાણી શરીરના તમામ અંગોને યોગ્ય રીતે કામ કરવા માટે રક્ષણ પૂરું પાડે છે. પાણીની બાબતમાં દરેકની અલગ-અલગ જરૂરિયાતો હોય છે. પાણીની જરૂરિયાત વય, લિંગ, શરીરના વજન અને આબોહવાને આધારે વ્યક્તિએ વ્યક્તિએ બદલાય છે. જો કે, બધા લોકો માટે પૂરતા પ્રમાણમાં પાણી પીવું જરૂરી છે. આવો જાણીએ વિવિધ ઉંમરના લોકોએ કેટલું પાણી પીવું જોઈએ?

1-3 વર્ષના બાળકો: 1-3 વર્ષના બાળકોને દરરોજ 4-5 કપ અથવા 800-1000 મિલી પાણી પીવું જોઈએ.

4 થી 8 વર્ષના બાળકો: 4 થી 8 વર્ષની વયના બાળકોએ દરરોજ 1200 મિલી અથવા 5 કપ પાણી પીવું જોઈએ. આમાં પ્રવાહી ખોરાકનો પણ સમાવેશ થાય છે

9-13 વર્ષના બાળકો: 9-13 વર્ષના બાળકોએ દરરોજ 7 થી 8 કપ અથવા 1600-1900 મિલી પાણી પીવું જોઈએ.

કિશોરો માટે: 14 થી 18 વર્ષના કિશોરોએ દરરોજ 1900 થી 2600 મિલી એટલે કે 8-11 કપ પાણી પીવું જોઈએ.

પુખ્ત વ્યક્તિએ કેટલું પાણી પીવું જોઈએ?: 19 થી 64 વર્ષની વયના લોકોએ દરરોજ 8-11 કપ એટલે કે 2000 થી 3000 ml પાણી પીવું જોઈએ. જો કે, પાણીની જરૂરિયાત વ્યક્તિની જરૂરિયાત, તેનું વજન અને આબોહવા જેવા પરિબળો પર પણ આધાર રાખે છે.

આ પણ વાંચોઃ ઉનાળામાં કેટલું પાણી પીવું જરુરી, જાણો અહીં