પ્રથમ રોટલી કેટલા વર્ષ પહેલાં અને કયાં બનાવવામાં આવી હતી?

અવધ, 22 ફેબ્રુઆરી : ભારતના ઘણા રાજ્યોમાં રોટલી ખાવી એ દિનચર્યાનો એક ભાગ છે. જ્યારે ઘણા રાજ્યોમાં રોટલી મુખ્યત્વે ચોખા પછી ખાવામાં આવે છે

ઘઉં ભારતના રાજ્યોમાં રહેતા ઘણા લોકો માટે ખૂબ જ મહત્ત્વપૂર્ણ છે, પરંતુ શું તમે જાણો છો કે આ ઘઉં માંથી સૌથી પહેલા લોટ અને પછી રોટલી ક્યારે બનાવવામાં આવી હતી.

તમને જાણીને નવાઈ લાગશે પરંતુ, લગભગ 14 હજાર વર્ષ પહેલા પહેલી વાર રોટલી બનાવવામાં આવી હતી.

જો તમને એવું લાગે છે કે ભારતમાં પહેલીવાર રોટલી બનાવવામાં આવી હતી તો તમે ખોટા છો, કારણ કે, ઉત્તર-પૂર્વ જોર્ડનમાં એક જગ્યાએ કેટલાક અવશેષો મળી આવ્યા હતા. જે દર્શાવે છે કે લગભગ 14 હજાર વર્ષ પહેલા ત્યાં રોટલી બનાવવામાં આવતી હતી.

કેટલાક નિષ્ણાતોના મતે 5 હજાર વર્ષ પહેલા રોટલી બનાવવાની રીત સિંધુ ખીણની સંસ્કૃતિમાં શરૂ થઈ હતી. જો કે, તે સમયે ઘઉંની પેસ્ટ બનાવીને તેને ગરમ પથ્થરો પર રાંધીને રોટલી બનાવવામાં આવતી હતી.

એવું કહેવાય છે કે રોટલી બનાવવાની કળા સૌપ્રથમ પર્શિયામાંથી આવી હતી. જ્યાં થોડી જાડી અને મેદાના લોટની રોટલી બનાવવામાં આવતી હતી. જો કે, ઘઉંના લોટની રોટલીનો જન્મ સૌથી પહેલા અવધમાં થયો તેવું માનવામાં આવે છે.

અહીં સૌથી વધુ ઘઉંનું ઉત્પાદન થતું હતું. જેથી અહીં ઘઉંમાંથી રોટલી બનાવવાની શરૂઆત કરવામાં આવી હતી. જો કે, પહેલા પ્રવાસીઓ માટે આ રોટલી બનાવવામાં આવતી હતી. જે વાટકી આકારની હતી. પાછળથી તે ધીમે ધીમે રોજિંદા જીવનમાં લોકોની દિનચર્યાનો એક ભાગ બની ગઈ.

આ પણ વાંચો : એમેઝોન રેઈનફોરેસ્ટમાં જોવા મળ્યો દુનિયાનો સૌથી મોટો સાપ