ઈન્ડી ગઠબંધન કેટલી બેઠક જીતશે? રાહુલ ગાંધીએ કહ્યું, ‘સિદ્ધુ મુસેવાલાનું ગીત સાંભળો, ખબર પડી જશે’
- તમામ ચેનલોના એક્ઝિટ પોલમાં ભાજપની બમ્પર જીતનો દાવો કરવામાં આવી રહ્યો છે. જો કે રાહુલ ગાંધીએ હવે આ અંગે મૌન તોડ્યું છે અને ઈન્ડી ગઠબંધન કેટલી સીટો જીતશે તેનો જવાબ આવ્યો છે
દિલ્હી, 02 જૂન: લોકસભા ચૂંટણી 2024ના પરિણામોના ત્રણ દિવસ પહેલા એક્ઝિટ પોલ બહાર આવ્યા હતા. તમામ ચેનલોના સર્વેમાં ભાજપને સંપૂર્ણ બહુમતી મળવાની આગાહી કરવામાં આવી છે. ઘણા સર્વેમાં NDAનું 400 પાર કરવાનું સૂત્ર પણ શક્ય જણાય છે. જો કે સર્વેને જુઠ્ઠાણા ગણાવતા ઈન્ડી ગઠબંધને દાવો કર્યો છે કે 4 જૂને મોદી સરકાર નહીં બને. રવિવારે ઈન્ડી ગઠબંધનની બેઠક બાદ કોંગ્રેસ નેતા રાહુલ ગાંધી મીડિયાની સામે આવ્યા અને દાવો કર્યો કે ઈન્ડી ગઠબંધનની જીત નિશ્ચિત છે. જ્યારે રાહુલ ગાંધીને પૂછવામાં આવ્યું કે તેમને કેટલી બેઠકો જીતવાની અપેક્ષા છે? જવાબમાં રાહુલે કહ્યું કે, ‘તમે સિદ્ધુ મુસેવાલાનું ગીત સાંભળો, ખબર પડી જશે.’
કોંગ્રેસના નેતા અને રાયબરેલીથી પાર્ટીના ઉમેદવાર રાહુલ ગાંધીએ એક્ઝિટ પોલની આગાહીઓને સંપૂર્ણપણે ફગાવી દીધી છે. તેમણે કહ્યું, “આ એક્ઝિટ પોલ નથી, આ મોદી મીડિયા પોલ છે. આ તેમનો ફેન્ટસી પોલ છે.” જ્યારે ઈન્ડી ગઠબંધન કેટલી બેઠકો જીતશે તે વિશે પૂછવામાં આવ્યું ત્યારે તેમણે કહ્યું, “શું તમે સિદ્ધુ મુસેવાલાનું ગીત 295 સાંભળ્યું છે? બસ એટલી જ બેઠક ઈન્ડી ગઠબંધન જીતશે.”
ये एग्जिट पोल नहीं है। ये ‘मोदी-मीडिया’ पोल है।
INDIA गठबंधन की 295 सीटें आ रही हैं।
: @RahulGandhi जी pic.twitter.com/alETKjG3SO
— Congress (@INCIndia) June 2, 2024
આ પહેલા શનિવારે પણ કોંગ્રેસ ચીફ મલ્લિકાર્જુન ખડગેએ વિપક્ષી નેતાઓ સાથે મુલાકાત કર્યા બાદ દાવો કર્યો હતો કે ઈન્ડી ગઠબંધન લોકસભા ચૂંટણી 2024 જીતવા જઈ રહ્યું છે. તેમણે આગાહી કરી હતી કે અમે નેતાઓ સાથે અને જનતા વચ્ચે જઈને ચર્ચાઓ કરી છે. તેથી, અમે વિશ્વાસ સાથે કહી શકીએ કે ઈન્ડી ગઠબંધનને આ વખતે 295થી વધુ બેઠકો મળશે.
નોંધનીય છે કે શનિવારે રાત્રે થયેલા એક્ઝિટ પોલમાં તમામ મોટા સર્વેમાં 2024ની લોકસભા ચૂંટણીમાં બીજેપીના નેતૃત્વવાળી એનડીએની જંગી જીતની આગાહી કરવામાં આવી છે. બીજેપી અને તેના સાથી પક્ષો ફરી એકવાર 300 સીટનો આંકડો પાર કરે તેવી અપેક્ષા છે, જેમાં દક્ષિણના રાજ્યોમાં મોટા ફાયદાનો સમાવેશ થાય છે, જ્યાં ભાજપ માત્ર વોટ શેર જ નહીં પરંતુ વધુ સીટો પણ મેળવી શકે છે.
આ પણ વાંચો: લોકસભા ચૂંટણીનાં પરિણામ પહેલા રાહુલ ગાંધીએ તમામ સાંસદો સાથે કરી ઓનલાઈન બેઠક
