કેટલા ચંદુ? જ્યારે એક જ નામના 11 ઉમેદવારોએ એક જ બેઠક માટે ઉમેદવારી નોંધાવી, જાણો ક્યાં બની હતી આ ઘટના

મધ્યપ્રદેશ, 25 ફેબ્રુઆરી : લોકસભા ચૂંટણી 2024 નજીક છે. તારીખોની જાહેરાતને લઈને પણ અટકળો શરૂ થઈ ગઈ છે. ત્યારે આવો જાણીએ ચૂંટણીની કેટલીક રસપ્રદ વાતો, જેના વિશે જાણીને તમે પણ ચોંકી જશો. 2014ની લોકસભા ચૂંટણીની(loksbha election) એક ખૂબ જ રસપ્રદ ઘટનાથી શરૂઆત કરીએ. મામલો છત્તીસગઢની મહાસમુંદ સીટનો છે, જ્યાં એક જ નામના 11 ઉમેદવારોએ ચૂંટણી લડી હતી. બધાનું એક જ નામ હતું, ચંદુલાલ સાહુ (Chandulal Sahu). આ જોઈને સામાન્ય મતદારને પણ નવાઈ લાગી કે ચૂંટણીમાં કેટલા ચંદુ ઊભા છે?

એક નામના 10 અપક્ષ ઉમેદવારો

2014માં વરિષ્ઠ નેતા અજીત જોગી છત્તીસગઢની મહાસમુંદ સીટ પરથી કોંગ્રેસના ઉમેદવાર હતા. આ બેઠક પર ભાજપ તરફથી ચંદુ લાલ સાહુ પણ મેદાનમાં હતા. જોકે, મામલો ત્યારે રસપ્રદ બન્યો જ્યારે બે-ત્રણ નહીં પરંતુ ચંદુ લાલ સાહુ નામના અન્ય 10 ઉમેદવારો મેદાનમાં આવ્યા. આ તમામ અપક્ષ ઉમેદવારો હતા અને તેમના ચૂંટણી ચિહ્નો બલૂન, સીલિંગ ફેન, બેટ, ઓટો રિક્ષા, બ્રેડ, ટીવી, બેટ્સમેન, બેલ્ટ, બ્લેકબોર્ડ અને બોટલ હતા. આ અંગે ભાજપે કોંગ્રેસ પર પણ આરોપ લગાવ્યા હતા. ભાજપે કહ્યું કે કોંગ્રેસના અજીત જોગીએ જ આ નામના ઉમેદવાર મેદાનમાં ઉતારીને ફાયદો કરાવવા માંગે છે.

મામલો ચૂંટણી પંચ સુધી પહોંચ્યો હતો

ભારતીય જનતા પાર્ટી આ મામલે ચૂંટણી પંચ સુધી પણ ગઈ હતી. પાર્ટીએ ચંદુ લાલ સાહુ નામના અન્ય ઉમેદવારોના નામાંકનને ફગાવી દેવાની માગણી સાથે ચૂંટણી પંચને ફરિયાદ કરી હતી. એટલું જ નહીં, ભાજપે આ મામલે ઉંડાણપૂર્વક તપાસની માંગ પણ ઉઠાવી હતી. તેમણે એમ પણ કહ્યું હતું કે જો અજીત જોગી દોષી સાબિત થાય તો તેમની ઉમેદવારી પણ નકારી દેવી જોઈએ. તેના આરોપોમાં ભાજપે એમ પણ કહ્યું હતું કે ચંદુ નામના તમામ દસ ઉમેદવારોએ એક જ દિવસે ઉમેદવારી નોંધાવી હતી. ફોર્મ પરત ખેંચવાના અંતિમ દિવસ બાદ તમામ ભૂગર્ભમાં ઉતરી ગયા હતા.

ચૂંટણીના પરિણામો કેવા રહ્યા?

2014ના મહાસમુંદ ચૂંટણી પરિણામોની વાત કરીએ તો અજિત જોગીને અહીં હારનો સામનો કરવો પડ્યો હતો. મતગણતરી દરમિયાન મોટાભાગે અજીત જોગી આગળ હતા. આ હોવા છતાં, અજીત જોગીની લગભગ એક હજાર મતથી હારી ગયા હતા. અને તેમના સમર્થકોને આશ્ચર્ય થયું. અજિત જોગીએ ઈવીએમ સાથે ચેડાંનો આરોપ લગાવીને ફરી તપાસની માંગ કરી હતી. જો કે, એવું કંઈ બન્યું નહીં અને ભાજપના ચંદુલાલ સાહુ વિજેતા બન્યા. ચંદુલાલ સાહુ નામના અન્ય સાત ઉમેદવારોને કુલ 60 હજાર મત મળ્યા હતા.

મુકેશ અંબાણીએ કરી મોટી ડીલ, રિલાયન્સ અને વૉલ્ટ ડિઝનીના મીડિયા બિઝનેસનું થશે મર્જર