ચીનના ચૂંગચીંગમાં ગુરુવારે મોટી દુર્ઘટના ઘટી છે. અહીં એરપોર્ટ પર તિબેટ એરલાઈનનું વિમાન ટેકઓફ સમયે રનવે પરથી સ્લીપ થઈ ગયું હતું. આ કારણે વિમાનમાં આગ લાગી ગઈ હતી. મળતી માહિતી મુજબ ઘટના સમયે વિમાનમાં 113 યાત્રી અને 9 ક્રૂ મેમ્બર હતા.
આગ ટેકઓફ સમયે લાગી.જો કે સારી વાત એ છે કે વિમાનમાં સવાર તમામ 113 યાત્રિકો અને ક્રૂ મેમ્બર્સને સુરક્ષિત બહાર કાઢવામાં આવ્યા. સ્થાનિક મીડિયા મુજબ કેટલાંક યાત્રિકોને સામાન્ય ઈજા થઈ છે.
According to reports, at about 8:00 on May 12, a Tibet Airlines flight deviates from the runway and caught fire when it took off at Chongqing Jiangbei International Airport.#chongqing #airplane crash #fire pic.twitter.com/re3OeavOTA
— BST2022 (@baoshitie1) May 12, 2022
આ વિમાન ચૂંગતીંગથી ન્યિંગચી જઈ રહ્યું હતું. ત્યારે ટેકઓફ સમયે વિમાન સ્લીપ થઈ ગયું. જે બાદ વિમાનમાં આગ લાગી ગઈ. જો કે આ દુર્ઘટનામાં કોઈ જાનહાની થઈ નથી.
તિબેટ એરલાઈન્સ લ્હાસામાં આવેલી સ્થાનિક એરલાઈન્સનું આ પ્લેન હતું. Airfleets.netની માહિતી મુજબ આ કંપની પાસે 28 A319s સહિત કુલ 39 વિમાન છે
ચીનમાં 2 મહિના પહેલા થયો હતો ગમખ્વાર અકસ્માત
આ પહેલા ચીનમાં લગભગ 2 મહિના પહેલા ગમખ્વાર અકસ્માત થયો હતો. અહીં ચીનના ઈસ્ટર્ન એરલાઈન્સનું વિમાન દુર્ઘટનાગ્રસ્ત થયું હતું. આ દુર્ઘટના ગુઆંગ્શી ઝુઆંગમાં થઈ હતી. આ દુર્ઘટનામાં 132 લોકોના મોત નિપજ્યા હતા. વિમાનમાં 123 યાત્રિકો અને 9 ક્રૂ મેમ્બર્સ સવાર હતા.
