જસદણના બાખલવડ ગામ નજીક ભયાનક અકસ્માત, કાર અને બાઈકની ટક્કરમાં મામા અને બે ભાણેજના મૃત્યુ

• માથાના ભાગે ગંભીર ઈજા પહોંચતા સારવાર દરમિયાન મોત
• મૃતદેહને રાજકોટ સિવિલ હોસ્પિટલ પીએમ અર્થે ખસેડાયો
• મામા અને બે ભાણીના અકસ્માતમાં મોત થતા પરિવારમાં શોકનો માહોલ

જસદણના બાખલવડ ગામ નજીક ભયાનક અકસ્માત થયો છે. જેમાં કાર અને બાઈકની વચ્ચે જોરદાર ટક્કર થઇ છે. તેમાં મામા અને બે ભાણેજના મૃત્યુ થયા છે. તેમજ જસદણ પોલીસે ઘટના સ્થળે પહોંચી તપાસ હાથ ધરી છે. તથા મૃતદેહને રાજકોટ સિવિલ હોસ્પિટલ પીએમ અર્થે ખસેડાયો છે.

આ પણ વાંચો: ગુજરાતમાં ગરમીની શરૂઆત, જાણો હવમાન વિભાગે શું કરી આગાહી 

મામા અને બે ભાણીના અકસ્માતમાં મોત થતા પરિવારમાં શોકનો માહોલ

અકસ્માતમાં ત્રણના મોત થયા છે. જેમાં મામા અને બે ભાણીના અકસ્માતમાં મોત થતા પરિવારમાં શોકનો માહોલ છવાયો છે. જસદણના બાખલવડ ગામ નજીક આ અકસ્માત થયો છે. તેમાં કાર અને બાઈક વચ્ચે અકસ્માત સર્જાતા ભયાનક નજારો જોવા મળ્યો હતો. જસદણ પોલીસે ઘટના સ્થળે પહોંચી તપાસ હાથ ધરી છે. તેમજ મૃતદેહને રાજકોટ સિવિલ હોસ્પિટલ પીએમ અર્થે ખસેડાયો છે.

આ પણ વાંચો: શાળામાં શિક્ષકોએ ચાલુ ક્લાસે આ એક કામ કર્યું તો નોંધાશે ફોજદારી ગુનો 

માથાના ભાગે ગંભીર ઈજા પહોંચતા સારવાર દરમિયાન મોત

અકસ્માતમાં મામા અને બે ભાણેજના કરૂણ મોત થયા છે. માથાના ભાગે ગંભીર ઈજા પહોંચતા સારવાર દરમિયાન મોત થયું છે. અજયભાઈ સદાસિયા (ઉં.વ.30) પોતાની બે ભાણેજ કિંજલ રણછોડભાઈ ઓળકિયા (ઉં.વ.8) અને માહી રણછોડભાઈ ઓળકિયા (ઉં.વ.4) પોતાની બાઈકમાં બેસાડીને બાખલવડ ગામ પાસેથી પસાર થઈ રહ્યા હતા. ત્યારે એક કારે બાઈકને અડફેટે લેતા મામા અને બે ભાણેજ ફંગોળાઈને રોડ પર પટકાયા હતા. જેમાં અજયભાઈ અને માહીનું ઘટનાસ્થળે જ પ્રાણ પંખેરૂ ઊડી ગયું હતું. જ્યારે કિંજલને માથાના ભાગે ગંભીર ઈજા થતા તેને નજીકની હોસ્પિટલમાં ખસેડવામાં આવી હતી. જોકે, આજે સવારે તેનું પણ મૃત્યુ થયુ છે.