હોંગકોંગના વિદ્યાર્થીઓએ બનાવ્યો દુનિયાનો સૌથી નાનો માનવીય રોબોટ

હોંગકોંગ, 08 ફેબ્રુઆરી : હોંગકોંગની ડાયોસેસન બોયઝ સ્કૂલમાં ડીબીએસ રોબોટિક્સ ટીમના ચાર વિદ્યાર્થીઓએ 6 જાન્યુઆરી 2024ના રોજ 141 mmની ઊંચાઈ ધરાવતા વિશ્વનો સૌથી નાનો માનવીય રોબોટ (worlds tiniest humanoid robot) બનાવીને ગીનીસ વર્લ્ડ રેકોર્ડના ઈતિહાસમાં પોતાનું નામ નોંધાવ્યું છે. આ અગાઉ, પાકિસ્તાનના ઝૈન અહમદ કુરેશી દ્વારા 2022 ના રેકોર્ડ કરતાં 11.3mm(0.44 mm)નાનો છે અને તે  તેના ખભા, કોણી, ઘૂંટણ અને હિપ્સને આમતેમ હલાવી પણ શકે છે.

અમેઝિંગ મીની રોબોટ

આ મીની રોબોટ માત્ર બે પગ પર જ નથી ચાલતો પરંતુ તેના ખભા, કોણી, ઘૂંટણ અને હિપ્સને પણ વાળીને ગીનીસ વર્લ્ડ રેકોર્ડની તમામ જરૂરિયાતો પૂરી કરે છે. જો કે, આ રોબોટ બનાવનાર યુવાનો આરોન હો યાટ ફંગ, આઇઝેક ઝાચરી ટો, જસ્ટિન વાંગ તો ડુઓંગ અને એનગો હેઇ લેઉંગના આ માત્ર 5.55 ઇંચનો આ રોબોટ ઉભરતા એન્જિનિયરો માટે તેનું સર્જન એક સસ્તું શૈક્ષણિક ઉપકરણ બનશે જે યુવા દિમાગને પ્રેરણા આપશે.

તકનીકનો કર્યો ઉપયોગ 

વિદ્યાર્થીઓએ કોમ્પ્યુટર-એઇડેડ ડિઝાઇન (CAD) નો ઉપયોગ કરીને તેમના રોબોટને ડિઝાઇન કર્યો. રોબોટની તકનીકી વિશિષ્ટતાઓ અને જરૂરી ઘટકો નક્કી કર્યા પછી, તેઓએ તેમની જરૂરિયાતો અનુસાર સર્વો મોટર્સ બનાવવા માટે ફેક્ટરી સાથે કરાર કર્યો. સર્વો મોટર્સ, જેને ‘સર્વોસ’ તરીકે પણ ઓળખવામાં આવે છે, તે ઈલેક્ટ્રોનિક ઉપકરણો છે જે ચોક્કસતા સાથે મશીનના ભાગોને ફેરવે છે અને દબાણ કરે છે, વિદ્યાર્થીઓના આ રોબોટને તેના પગ અને હાથ હલાવવા માટે મંજૂરી આપે છે.

તેઓએ અન્ય હાર્ડવેર ઘટકો જેમ કે સ્ક્રૂ, નટ્સ, વાયર અને બેટરી પણ ખરીદી. રોબોટની એક્રેલિક પેનલ્સ અને 3D-પ્રિન્ટેડ ઘટકોનું ડિઝાઇન અને ઉત્પાદન તમામ શાળાની રોબોટિક્સ લેબમાં કરવામાં આવ્યું હતું. રોબોટને મોબાઇલ એપ દ્વારા પણ નિયંત્રિત કરી શકાય છે જે સર્વો કંટ્રોલ બોર્ડ સાથે આવે છે, જે પૂર્વ-પ્રોગ્રામ કરેલી ક્રિયાઓ કરે છે.

“અમે STEAM શિક્ષણને પ્રોત્સાહન આપવાના અમારા ઉદ્દેશ્યોને આગળ વધારવા માટે ડિઝાઇન અને પ્રોગ્રામિંગ કોડને ઓપન-સોર્સ કરવાની પણ યોજના બનાવીએ છીએ,” -આઇઝેક

વિશ્વ વિક્રમ સ્થાપિત કરવા ઉપરાંત, વિદ્યાર્થીઓએ આ રોબોટને વંશીય લઘુમતીઓ માટે STEAM (વિજ્ઞાન, ટેક્નોલોજી, એન્જિનિયરિંગ, આર્ટસ અને ગણિત) શિક્ષણ વર્કશોપમાં ઉપયોગ કરવા માટે તેમજ, ઓછી આવક ધરાવતા પરિવારો માટે ઓછી કિંમતમાં રિચાર્જ અને પ્રોગ્રામેબલ સાધન તરીકે વિકસાવ્યો છે.

આ પણ વાંચો : ગૂગલની નકલી એપ્સ પર કાર્યવાહી, પ્લે સ્ટોરમાંથી 2200થી વધુ એપ્સ કરી ડિલીટ