હની સિંહે બાદશાહની માફી પર તોડ્યું મૌન, અણબનાવ પર કહ્યું: જો મિત્ર હોત તો…

• ઘણી વખત હની સિંહ અને બાદશાહ વચ્ચે મતભેદ અને વિવાદની ચર્ચા થતી રહે છે, જેનાથી તેમના ફેન્સ પણ આશ્ચર્યચકિત થઈ જાય છે

HD ન્યૂઝ ડેસ્ક, 26 જુલાઇ: હની સિંહ અને બાદશાહ છેલ્લા કેટલાક સમયથી પોતાના સંબંધોને લઈને ચર્ચામાં છે. રેપર બાદશાહે તાજેતરમાં યો યો હની સિંહની માફી માંગી હતી અને તેમના 15 વર્ષ જૂના ઝઘડાને સમાપ્ત કરવાનો સંકેત આપ્યો હતો. બાદશાહની આ માફી બાદ હની સિંહે પહેલીવાર પોતાનું મૌન તોડ્યું છે અને કહ્યું કે, “જો મિત્ર હોત તો વાત અલગ હોત પરંતુ તે ક્યારેય મારો મિત્ર નહોતો, તેથી હું તેને કોઈ મહત્ત્વ આપતો નથી.” જ્યારે બાદશાહે હની સિંહના કમબેકની મજાક ઉડાવી તો તેના ચાહકોએ રેપરને ખૂબ ટ્રોલ કરવાનું શરૂ કર્યું. જે બાદ બાદશાહે જાહેરમાં હની સિંહની માફી માંગી હતી અને કહ્યું હતું કે, તેમની વચ્ચે કેટલીક ગેરસમજણો હતી, પરંતુ તે હવે આ દુશ્મનીને ખતમ કરવા માંગે છે.

હની સિંહે બાદશાહ સાથેની લડાઈ પર મૌન તોડ્યું

એક ઇન્ટરવ્યુમાં, જ્યારે યો યો હનીને તેના અને બાદશાહ વચ્ચેના મતભેદો વિશે પૂછવામાં આવ્યું, ત્યારે તેમણે કંઈક એવું કહ્યું જેણે ફરી એકવાર બંને વચ્ચે હલચલ મચાવી દીધી. યો યો હની સિંહે કહ્યું કે, ‘યાર… મને બિલકુલ સમજાતું નથી કે આજ સુધી મેં ક્યારેય કોઈના વિશે ખોટું નથી કહ્યું. ત્યારે કેટલાક લોકો કહે છે કે ફોલ આઉટ થયું. મને સમજાતું નથી કે લોકો હની સિંહ-બાદશાહની લડાઈ વિશે કેમ આટલી બધી વાતો કરી રહ્યા છે.

બાદશાહની માફી પર હની સિંહે શું કહ્યું?

બાદશાહની માફી પર આગળ હની સિંહે કહ્યું કે, ‘શું આ સિવાય કોઈની પાસે ચર્ચા કરવા માટે કંઈ બીજું નથી? એક માણસ આટલા વર્ષો સુધી મારા વિશે બોલતો રહ્યો, પછી એક દિવસ તેણે માફી માંગી લીધી. તે વિશે મારે શું કહેવું જોઈએ, મને તેના વિશે વાત કરવી જરૂરી લાગતી નથી. મારે તેની સાથે કોઈ લેવાદેવા નથી… હું તેને કોઈ મહત્ત્વ આપતો નથી, તે ક્યારેય મારો મિત્ર નહોતો. જો એ મારો મિત્ર હોત તો વાત જુદી હોત.

હની સિંહ વિશે જાણો

‘બ્લુ આઈઝ’, ‘દેશી કલાકાર’, ‘હાઈ હીલ્સ’ અને ‘લુંગી ડાન્સ’ જેવા લોકપ્રિય ગીતો માટે પ્રખ્યાત હની સિંહે 2003માં એક સેશન અને રેકોર્ડિંગ આર્ટિસ્ટ તરીકે પોતાની કારકિર્દીની શરૂઆત કરી હતી.

આ પણ જૂઓ: યશ ચોપરાની છેલ્લી ફિલ્મ જબ તક હૈ જાનના ડાયલોગ પર ભડક્યા જાવેદ અખ્તર