પહલગામ આતંકી હુમલામાં માર્યા ગયેલા લોકોને કેન્દ્રીય ગૃહમંત્રી અમિત શાહે શ્રદ્ધાંજલિ આપી, પીડિતો પ્રત્યે સંવેદના વ્યક્ત કરી
જમ્મુ કાશ્મીર, 23 એપ્રિલ 2025: પહલગામમાં મંગળવારે થયેલા આતંકી હુમલા બાદ કાશ્મીર ઘાટી સહિત સમગ્ર દેશમાં શોક ફેલાયેલો છે. બુધવારે કેન્દ્રીય ગૃહમંત્રી અમિત શાહે શ્રીનગરમાં પોલીસ નિયંત્રણ કક્ષ બહાર એક માર્મિક સમારંભમાં પુષ્પાંજલિ અર્પણ કરી પીડિતોને શ્રદ્ધાંજલિ આપી હતી.
આ દુર્ઘટના જેણે ફક્ત કાશ્મીર જ નહીં પરંતુ સમગ્ર દેશને હચમચાવી નાખ્યો હતો, જેમાં નિર્દોષ પ્રવાસીઓ માર્યા ગયા હતા, જે 2019 માં કલમ 370 રદ કર્યા પછીના સૌથી મોટા આતંકવાદી હુમલાઓમાંનો એક હતો. મંગળવારે અગાઉ, કેન્દ્રીય ગૃહમંત્રી અમિત શાહે ગઈકાલે સાંજે શ્રીનગર પહોંચ્યા પછી પહેલગામ આતંકવાદી હુમલા બાદ તમામ એજન્સીઓ સાથે ઉચ્ચ સ્તરીય સુરક્ષા બેઠકની અધ્યક્ષતા કરી હતી. તેમણે અગાઉ કહ્યું હતું કે આ કાયરતાપૂર્ણ આતંકવાદી કૃત્યમાં સામેલ લોકોને બક્ષવામાં આવશે નહીં. અમિત શાહે આ ઘટના અંગે વડા પ્રધાન નરેન્દ્ર મોદીને પણ જાણ કરી હતી.
#WATCH | Union Home Minister Amit Shah pays tributes to the victims of the Pahalgam terror attack, in Srinagar, J&K pic.twitter.com/tPRSj4ewUg
— ANI (@ANI) April 23, 2025
ગૃહમંત્રી અમિત શાહે ટ્વિટર પર એક પોસ્ટમાં કહ્યું, “જમ્મુ અને કાશ્મીરના પહેલગામમાં પ્રવાસીઓ પર થયેલા આતંકવાદી હુમલાથી દુઃખી છું. મારી સંવેદનાઓ મૃતકોના પરિવારના સભ્યો સાથે છે. આ જઘન્ય આતંકવાદી કૃત્યમાં સામેલ લોકોને છોડવામાં આવશે નહીં અને અમે ગુનેગારો સામે કડક કાર્યવાહી કરીશું અને તેમને સૌથી કડક સજા આપીશું. આ ઘટના વિશે વડા પ્રધાન નરેન્દ્ર મોદીને માહિતી આપી અને વીડિયો કોન્ફરન્સિંગ દ્વારા સંબંધિત અધિકારીઓ સાથે બેઠક યોજી.”
