શંકરાચાર્ય સ્વામી સ્વરૂપાનંદજીનો ઈતિહાસ, કેવી રીતે મળી આ પદવી ?
દ્વારકા પીઠના શંકરાચાર્ય સ્વામી સ્વરૂપાનંદનું આજે રવિવારે સાંજે નિધન થયું છે. સ્વામી સ્વરૂપાનંદની ઉંમર 99 વર્ષની હતી. તેમણે મધ્યપ્રદેશના નરસિંહપુરમાં અંતિમ શ્વાસ લીધા છે. સ્વામી સ્વરૂપાનંદ નાની ઉંમરે ઘર છોડીને કાશી આવ્યા અને અહીં વેદનું શિક્ષણ મેળવ્યું હતું. તેઓ દેશની આઝાદી માટે લડ્યા અને જેલ પણ ગયા હતા. આ તો હતી તેમના જીવનની એક નાની ઝલક. હવે તમને તેઓનું આખું જીવન શું હતું ? તેના વિશે જણાવી દઈએ.
સાચું નામ હતું પોથીરામ, 9 વર્ષે જ છોડ્યું હતું ઘર
સ્વામી સ્વરૂપાનંદ સરસ્વતીનો જન્મ મધ્ય પ્રદેશના સિવની જિલ્લાના જબલપુર પાસેના દિઘોરી ગામમાં થયો હતો. તેમના માતા-પિતાએ તેમનું નામ પોથીરામ ઉપાધ્યાય રાખ્યું હતું. નવ વર્ષની ઉંમરે સ્વામી સ્વરૂપાનંદે ઘર છોડ્યું અને તેમની આધ્યાત્મિક યાત્રા શરૂ કરી. દેશના તમામ હિંદુ તીર્થસ્થળોની મુલાકાત લીધા બાદ તેઓ કાશી (વારાણસી) પહોંચ્યા. અહીં તેમણે બ્રહ્માલિન શ્રી સ્વામી કરપત્રી મહારાજ પાસેથી વેદ-વેદાંગ, શાસ્ત્રો અને ધર્મનું શિક્ષણ મેળવ્યું હતું.
શંકરાચાર્ય સ્વામી સ્વરૂપાનંદ સરસ્વતીનું 99 વર્ષની વયે નિધન
જગતગુરુ શંકરાચાર્ય સ્વામી સ્વરૂપાનંદ સરસ્વતીજી મહારાજ નું નિધન , દ્વારકા શારદાપીઠ નાં બ્રહ્મચારી નારાયણ નંદજી મહારાજ જી ની પ્રતિક્રિયા..#ShankaracharyaSwami #NewsUpdate #todaynews #Gujarat #GujaratiNews #humdekhengenews pic.twitter.com/H8X6FJ3L3y
— Hum Dekhenge News (@humdekhengenews) September 11, 2022
આઝાદી માટે પણ લડ્યા અને 19માં વર્ષે જ જેલમાં ગયા હતા
વધુમાં તેઓના વિશે વાત કરવામાં આવે તો 1942ની વાત છે. ત્યારે સ્વામી સ્વરૂપાનંદ સરસ્વતીની ઉંમર માત્ર 19 વર્ષની હતી. તે સમયે સમગ્ર દેશમાં અંગ્રેજો સામે આઝાદીની ચળવળ ચાલી રહી હતી. તેમાં સ્વામી સ્વરૂપાનંદે પણ ભાગ લીધો હતો. તેમણે આઝાદી માટે અંગ્રેજો સામે ઝુંબેશ ચલાવી હતી. પછી સ્વામી સ્વરૂપાનંદ ક્રાંતિકારી સાધુ તરીકે પ્રખ્યાત થયા. અંગ્રેજો સામે ઝુંબેશ ચલાવવા માટે તેમને પહેલા નવ મહિના વારાણસીની જેલમાં અને પછી છ મહિના મધ્યપ્રદેશની જેલમાં વિતાવવા પડ્યા હતા. આ સમય દરમિયાન તેઓ કરપતિ મહારાજના રાજકીય પક્ષ રામ રાજ્ય પરિષદના અધ્યક્ષ પણ હતા.
1950માં દંડી સાધુ બન્યા, પછી તેમને શંકરાચાર્યની પદવી મળી
વર્ષ 1950માં સ્વામી સ્વરૂપાનંદને દંડી સાધુ બનાવવામાં આવ્યા હતા. શાસ્ત્રો અનુસાર સન્યાસી એક બ્રાહ્મણ જ બની શકે છે. શિક્ષા કરનાર સન્યાસીને સાંસારિક જીવનથી દૂર રહેવું પડે છે. તે સમય દરમિયાન, તેમણે જ્યોતિષપીઠના બ્રહ્મલિન શંકરાચાર્ય સ્વામી બ્રહ્માનંદ સરસ્વતી પાસેથી તપસ્યા – સંન્યાસની દીક્ષા લીધી. ત્યારથી તેમની ઓળખ સ્વામી સ્વરૂપાનંદ સરસ્વતી તરીકે થઈ. સ્વામી સ્વરૂપાનંદને 1981માં શંકરાચાર્યનું બિરુદ મળ્યું હતું.
