બજારમાં ઐતિહાસિક તેજી, નિફ્ટી 18,908ના રેકોર્ડ હાઈ પર ખુલ્યો, સેન્સેક્સ પણ 63700ની ઉપર

શેરબજાર ઓપનિંગઃ આખરે શેરબજાર નવી વિક્રમી ઊંચાઈને સ્પર્શી ગયું છે અને નિફ્ટી 7 મહિના પછી રેકોર્ડ ઊંચાઈએ પહોંચ્યું છે. શેરબજારની શરૂઆત જબરદસ્ત વૃદ્ધિ સાથે થઈ છે. 1 ડિસેમ્બર, 2022 પછી નિફ્ટી નવી ઊંચાઈએ ખુલ્યો. સેન્સેક્સે 63700 થી આગળ ખુલ્લીને ટ્રેડિંગ શરૂ કર્યું છે અને તે રેકોર્ડ હાઈ પર ખુલવામાં પણ સફળ રહ્યો છે.

કેવી રીતે ખુલ્યું બજાર

BSE સેન્સેક્સ 1.16 ટકાના વધારા સાથે 63,701.78 ના સ્તર પર ખુલ્યો. તો બીજી તરફ નિફ્ટીએ પણ કમાલ બતાવ્યું અને તે 18,908.15 ના સ્તરે ખુલ્યું છે. નિફ્ટીએ નવા રેકોર્ડ ઊંચાઈ સાથે બિઝનેસની શરૂઆત કરી છે. શેર માર્કેટમાં તેજીથી રોકાણકારોના ચહેરા ખુશીથી ખીલ્યા છે.

શેરબજારની તેજીમાં ખાસ વાત

142 સેશન્સ પછી નિફ્ટીએ આ નવી ઓલ-ટાઇમ હાઈ બનાવી છે અને ઓપનિંગ દરમિયાન જ આ સ્તરને સ્પર્શ્યું હતું. બીજી તરફ સેન્સેક્સે આજે ફરી 63716ની સર્વકાલીન ઊંચી સપાટી બનાવી છે, જે થોડા દિવસો પહેલા નવા રેકોર્ડ ઉચ્ચ સ્તરે પહોંચી હતી. બેંક નિફ્ટી પણ આજે નવા રેકોર્ડ હાઈ લેવલને સ્પર્શી ગયો છે.

પ્રી-ઓપનિંગમાં બજારની મૂવમેન્ટ

શેરબજારની શરૂઆત પૂર્વે BSE સેન્સેક્સ 321.58 પોઈન્ટ એટલે કે 0.51 ટકાના વધારા સાથે 63737.61 ના સ્તર પર ટ્રેડ કરી રહ્યો હતો. બીજી તરફ NSE નો નિફ્ટી 102.30 પોઈન્ટ એટલે કે 0.54 ટકાના વધારા સાથે 18919.70 ના સ્તર પર ટ્રેડ કરી રહ્યો હતો.

આ પણ વાંચો : મેઘરાજાએ સૌરાષ્ટ્રમાં પધરામણી કરી, જાણો 19 ડેમમાં નવા નીરની આવક