- હિન્દુ, બૌદ્ધ અને જૈન ધર્મ ભણાવવાના આ કેન્દ્રોને સ્કુલ ઓફ ઈન્ડિયન સ્ટડીઝ હેઠળ ચલાવવામાં આવશે
નવી દિલ્હી, 12 જુલાઇ: જવાહરલાલ નેહરુ યુનિવર્સિટી (JNU)માં હવે હિન્દુ, બૌદ્ધ અને જૈન ધર્મ ભણાવવામાં આવશે. આ માટે ટૂંક સમયમાં JNUમાં હિન્દુ, બૌદ્ધ અને જૈન અભ્યાસ કેન્દ્રો સ્થાપવામાં આવશે. આ કેન્દ્રોને સ્કુલ ઓફ ઈન્ડિયન સ્ટડીઝ હેઠળ ચલાવવામાં આવશે. JNU દ્વારા આ અંગે આખરે નિર્ણય લેવામાં આવ્યો છે. JNU દ્વારા એક નોટિફિકેશન જાહેર કરીને આ માહિતી આપવામાં આવી છે.
JNU VC has established 3 Centres that will implement the vision & mission of Vikasit Bharat in integrating the Indian knowledge systems. This will take us on the path of integrating tradition with modernity, continuity with change, Realm with Region and Myth with Reality. pic.twitter.com/lN9LeWeMVg
— Jawaharlal Nehru University (JNU) (@JNU_official_50) July 11, 2024
બેઠકમાં મંજુરી મળી
નોટિફિકેશનમાં કહેવામાં આવ્યું છે કે, આ ત્રણ નવા કેન્દ્રો સ્કૂલ ઓફ સંસ્કૃત એન્ડ ઈન્ડિયન સ્ટડીઝ હેઠળ સ્થાપિત કરવામાં આવશે. જવાહરલાલ નેહરુ યુનિવર્સિટી (JNU)ની એક્ઝિક્યુટિવ કાઉન્સિલે 29 મેના રોજ મળેલી બેઠકમાં નવા કેન્દ્રોની સ્થાપનાના નિર્ણયને મંજૂરી આપી હતી. JNUએ યુનિવર્સિટીમાં રાષ્ટ્રીય શિક્ષણ નીતિ (2020) અને ભારતીય જ્ઞાન પ્રણાલીના અમલીકરણ વિશે વધુ જાણવા અને ભલામણો કરવા માટે એક સમિતિની રચના કરી હતી.
સ્કુલ ઓફ ઈન્ડિયન સ્ટડીઝ હેઠળ આ કેન્દ્રો ખોલવામાં આવશે
નવું નોટિફિકેશન જણાવે છે કે “એક્ઝિક્યુટિવ કાઉન્સિલે 29 મેના રોજ મળેલી બેઠકમાં NEP-2020 અને ભારતીય જ્ઞાન પ્રણાલી તથા યુનિવર્સિટીમાં તેનાથી આગળના અમલીકરણ વિશે શીખવા અને ભલામણો કરવા તથા સંસ્કૃત અને ભારતીય અભ્યાસ સ્કૂલની અંદર આ કેન્દ્રોની સ્થાપના કરવા માટે રચાયેલી સમિતિની ભલામણને મંજૂરી આપી છે.
DUમાં હિન્દુ સ્ટડી સેન્ટર પણ ખોલવામાં આવ્યું
દિલ્હી યુનિવર્સિટી (DU)એ ગયા વર્ષે સેન્ટર ફોર હિન્દુ સ્ટડીઝની સ્થાપના કરી હતી, જે હાલમાં અનુસ્નાતક ડિગ્રીઓ પ્રદાન કરે છે. DU પાસે પહેલાથી જ બૌદ્ધ અભ્યાસ માટેનો એક વિભાગ છે અને માર્ચમાં તેને 35 કરોડ રૂપિયાના અંદાજિત ખર્ચે સેન્ટર ફોર એડવાન્સ્ડ સ્ટડીઝ ઇન બૌદ્ધ ધર્મની સ્થાપના માટે કેન્દ્ર સરકાર પાસેથી મંજૂરી મળી હતી.
આ પણ જૂઓ: અગ્નિવીર યોજનામાં ફેરફાર, કેન્દ્ર સરકારે કરી મોટી જાહેરાત
