હિમાચલ ચૂંટણી 2022 : સોલન સદર બેઠક ઉપર જમાઈને ફરી સસરાએ હરાવ્યા, જાણો કોણ છે ?

હિમાચલ પ્રદેશમાં આજે વિધાનસભા ચૂંટણીના પરિણામ સામે આવ્યા છે. જેમાં ભાજપની સરકાર પડતી અને કોંગ્રેસની સરકાર બનતી જોવા મળી રહી છે. જો કે અહીં એક બેઠક એવી છે કે જ્યાં સસરા અને જમાઈ વચ્ચે લડાઈ હતી. હિમાચલની સોલન સદર બેઠક પર સસરાએ જમાઈને ફરી હરાવ્યા છે. કોંગ્રેસના ઉમેદવાર કર્નલ ધનીરામ શાંડિલે ભાજપના ઉમેદવાર અને તેમના જમાઈ ડૉ. રાજેશ કશ્યપને 3,858 મતોથી હરાવ્યા હતા. જોકે, આ વખતે જીતનું માર્જિન ગત વિધાનસભા ચૂંટણી કરતાં ઘણું વધારે હતું. 2017ની ચૂંટણીમાં કર્નલ ધનીરામ શાંડિલ માત્ર 671 મતોથી જીત્યા હતા. આ વખતે તેઓ 3,858 મતોથી જીત્યા હતા. ગણતરીની શરૂઆતથી જ ધનીરામ શાંડિલ મતોની લીડ કરી રહ્યા હતા અને આ સતત ચાલુ રહ્યું હતું. બેઠક મજબૂત કરી અને દરેક રાઉન્ડમાં વધારો થતો હતો. કુલ 10 રાઉન્ડમાં, ધનીરામ શાંડિલે આગળ વધવાનું ચાલુ રાખ્યું અને અંતે જીત મેળવી હતી.

રાજ્યની સૌથી હાઈપ્રોફાઈલ સીટ સોલન સદર

ઉલ્લેખનીય છે કે, આ બેઠક જીત્યા બાદ ધનીરામએ મા શૂલિનીના મંદિરમાં માથું નમાવ્યું હતું. મહત્વનું છે કે, સોલન સદર સીટ રાજ્યની સૌથી હોટ સીટ માનવામાં આવતી હતી. અહીં જમાઈ અને સસરા સતત બીજી વખત સામસામે હતા. આ વખતે આ બેઠક પર નેક-ટુ-નેક લડાઈની અપેક્ષા હતી. જે અપેક્ષા મુજબ જ રહી છે પરંતુ અંતે કોંગ્રેસનું નામ જીતી રહ્યું હતું.