દેશમાં આ જગ્યાએ 15મી નહીં પણ 14મી ઓગસ્ટની મધ્યરાત્રિએ લહેરાવવામાં આવે છે ત્રિરંગો, આવું છે કારણ

પૂર્ણિયા, 14 ઓગસ્ટ: ભારત 15મી ઓગસ્ટે 78મો સ્વતંત્રતા દિવસ ઉજવવા જઈ રહ્યો છે. સવારે સમગ્ર દેશમાં ત્રિરંગો ફરકાવવામાં આવશે. પરંતુ બિહારના પૂર્ણિયામાં 15મીએ નહીં પરંતુ 14મી ઓગસ્ટે મધ્યરાત્રિએ ત્રિરંગો ફરકાવવામાં આવે છે. વાઘા બોર્ડર પર પણ રાત્રે બરાબર 12 વાગ્યે ધ્વજ ફરકાવવાની પરંપરા છે. જોકે, પૂર્ણિયામાં રાત્રે ધ્વજ ફરકાવવા પાછળ આઝાદી સાથે જોડાયેલી એક રસપ્રદ વાર્તા છે. પૂર્ણિયા ઝંડા ચોક ખાતે, લોકો 14મી ઓગસ્ટની રાત્રે 12 વાગ્યે ધ્વજ ફરકાવીને અને મીઠાઈઓ વહેંચીને આઝાદીની ઉજવણી કરે છે.

આ પાછળ એક કારણ છે, તે અનુસાર લોકો દરરોજ દેશ આઝાદ થવાની રાહ જોતા હતા, આખરે એ સમય આવ્યો જ્યારે દેશની આઝાદીની ઘોષણા થવાની હતી. 14 ઓગસ્ટ 1947ના રોજ પૂર્ણિયાના લોકો આઝાદીના સમાચાર સાંભળીને બેચેન હતા. ઝંડા ચોક સ્થિત મિશ્રા રેડિયોની દુકાન પર દિવસભર ભીડ રહી હતી, પરંતુ ઘણો સમય વીતી જવા છતાં રેડિયો પર આઝાદીના સમાચાર આવ્યા ન હતા. લોકો ઘરે પાછા ફર્યા, પરંતુ મિશ્રા રેડિયોની દુકાન ખુલ્લી રહી.

કહેવાય છે કે રાતના લગભગ 11 વાગ્યા હતા. તે સમયે રામેશ્વર પ્રસાદ સિંહ, રામજતન સાહ, કમલ દેવ નારાયણ સિન્હા, ગણેશ ચંદ્ર દાસ અને તેમના સહયોગીઓ પૂર્ણિયાના ઝંડા ચોકમાં આવેલી મિશ્રા રેડિયોની દુકાને પહોંચ્યા હતા. બધાની વિનંતી પર રેડિયો ખોલવામાં આવ્યો. રેડિયો ચાલુ થતાં જ માઉન્ટબેટનનો અવાજ સંભળાયો. અવાજ સાંભળતા જ લોકો આનંદથી ઉછળી પડ્યા. માઉન્ટબેટને જાહેરાત કરી હતી કે દેશ આઝાદ થયો છે. આ ખુશખબર સાંભળીને બધાએ એકબીજાને અભિનંદન આપ્યા.

લોકોએ પૂર્ણિયાના એ જ ચોકમાં ધ્વજ ફરકાવવાનું વિચાર્યું. વાંસ, દોરડા અને ત્રિરંગો ધ્વજ ઉતાવળે મંગાવવામાં આવ્યો. 14 ઓગસ્ટ 1947ના રોજ સવારે 12.01 કલાકે સ્વાતંત્ર્ય સેનાની રામેશ્વર પ્રસાદ સિંહે ત્રિરંગો ફરકાવ્યો હતો. તે જ રાત્રે આ જગ્યાને ઝંડા ચોક નામ આપવામાં આવ્યું. દેશમાં વાઘા બોર્ડર પર પણ રાત્રે ધ્વજ ફરકાવવામાં આવે છે.

આ પણ વાંચો :બૉસને કપડાં પહેરવાની સલાહ આપવાના મળશે કરોડો રૂપિયા વેતનઃ જોઈ શું રહ્યા છો? કરો અરજી