અહીં પુસ્તકોના બદલામા પૈસા નહીં પરંતુ બિલાડીઓની તસવીરો માંગવામાં આવે છે, જાણો કેમ

અમેરિકા, 18 માર્ચ : અહીં પુસ્તકોના બદલામા પૈસા નહીં પરંતુ બિલાડીઓની તસવીરો માંગવામાં આવે છે, જાણો કેમ? સામાન્ય રીતે, જ્યારે તમે બજારમાંથી પુસ્તક ખરીદવા જાઓ છો, ત્યારે તમારે પૈસા ચૂકવવા પડે છે. પણ અહીં એવું નથી. અહીં, જ્યારે તમે કોઈ પુસ્તક ખરીદો છો, ત્યારે તમારે બિલાડીઓના ચિત્રો આપવા પડશે.

પુસ્તકને બદલે બિલાડીનું ચિત્ર

આ અનોખી લાઇબ્રેરી અમેરિકાના મેસેચ્યુસેટ્સમાં છે. અહીં એક સ્કીમ ચાલી રહી છે. એટલે કે, જો તમે આ પુસ્તકાલયમાંથી કોઈ પુસ્તક ઉધાર લેવા માંગતા હોવ તો તમારે બિલાડીની તસવીર આપવી પડશે.

આ પુસ્તકાલયનું નામ વર્સેસ્ટર પબ્લિક લાયબ્રેરી છે. જ્યારે પણ કોઈ અહીં પુસ્તક ખરીદવા જાય છે, ત્યારે તે પોતાની સાથે બિલાડીઓની કેટલીક તસવીરો સાથે લઈને જાય છે, જેથી તેને પુસ્તક પર ડિસ્કાઉન્ટ મળી શકે. કેટલીકવાર બિલાડીઓના ચિત્રોના બદલામાં કેટલાક પુસ્તકો મફતમાં ઉપલબ્ધ હોય છે.

આ પુસ્તકાલયનું કહેવું છે કે તે એવા લોકો માટે આ યોજના લાવી છે જેઓ આર્થિક રીતે સક્ષમ નથી. એટલે કે જે લોકો પુસ્તક વાંચવા માગે છે પરંતુ પૈસા નથી તેઓ માત્ર બિલાડીની તસવીર આપીને પુસ્તક ખરીદી શકે છે.

અમેરિકાની આ સ્કીમને ત્યાંનાં લોકો ફેલીન ફી માફી પ્રોગ્રામ પણ કહે છે. એવું કહેવામાં આવે છે કે, આ લાઇબ્રેરી મહિના સુધી ચાલનારા ‘માર્ચ મિઆઉનેસ’ પ્રોગ્રામનો એક ભાગ છે. આ લાઈબ્રેરી ચલાવતા લોકોનું કહેવું છે કે આ સ્કીમના કારણે લાઈબ્રેરીને ઘણી પ્રસિદ્ધિ મળી છે.

આ પણ વાંચો : આ નાનકડા જીવના 25 હજાર દાંત હોય છે, જે તમારા ઘરની આજુ-બાજુ જ રહે છે