અરવલ્લીમાં ધો. 10 અને 12ના વિદ્યાર્થીઓ માટે હેલ્પલાઈન શરૂ, અત્યારે જ નોંધી લો નંબર
અરવલ્લી ૩૦ જાન્યુઆરી: રોટરી કલબ ઓફ મોડાસા (ડિસ્ટ્રિક્ટ – ૩૦૫૫) અને જિલ્લા બાળ સુરક્ષા એકમ, અરવલ્લીના સંયુક્ત ઉપક્રમે તા.૨૭મી ફેબ્રુઆરી ૨૦૨૫થી શરૂ થનારી બૉર્ડ એક્ઝામ અનુસંધાને ધોરણ ૧૦ અને ૧૨ના વિદ્યાર્થીઓ અને તેમના વાલી માટે “મેન્ટલ ઍન્ડ ઈમોશનલ વૅલ બિઈંગ ફોર એક્ઝામ ઍન્ડ કેરિયર” અંતર્ગત હેલ્પલાઇન નંબર (૧) ૯૯૭૪૭૧૨૬૭૨ અને (૨) ૭૯૯૦૭૪૭૬૯૧ ની સેવા શરૂ કરવામાં આવી છે.
આ રોટરી હેલ્પલાઇન સેવાનો ઉદ્દેશ વિદ્યાર્થીઓ અને તેમના વાલીને પરીક્ષાની તૈયારીઓની સાથે પરીક્ષા દરમિયાન ખૂબ જ સકારાત્મક માનસિક સ્વસ્થતા અને શાંતિ જાળવવામાં મદદરૂપ થવાનો તેમજ કારકિર્દી સંબંધિત મૂંઝવણ માટે સહયોગ કરવાનો છે.
આ પ્રસંગે જિલ્લા બાળ સુરક્ષા અધિકારી ડૉ.દિલીપસિંહ બિહોલા, ચાઈલ્ડ વેલ્ફેર કમિટીના ચેરમેન રમેશભાઈ પટેલ, જિલ્લા રોજગાર કચેરીમાંથી નિરવભાઈ સોની, મહિલા અને બાળ વિભાગમાંથી ભરતભાઈ પરમાર તથા પ્રેરણાબેન ત્રિવેદી, રોટરી ક્લબ મોડાસાના પ્રમુખ રોટે.ડૉ.એમ.કે.પટેલ, સેક્રેટરી રોટે.મુકેશ પરમાર, ઉપપ્રમુખ રોટે.એન્જી.કમલેશભાઈ પટેલ તથા સ્કૂલ એડપ્શન કમિટી પ્રોજેક્ટ ચેરમેન વિજયભાઈ દાણી અમૂલ્ય સમય સાથે ઉપસ્થિત રહ્યા હતા.
આ પણ વાંચો..મને ઘરે આવવા જવા માટે હેલિકોપ્ટર આપો: ખેડૂતની આ માંગ સાંભળીને સરકારી તંત્રને નવાઈ લાગી
