દિલ્હી સહિત દેશના વિવિધ રાજ્યોમાં વરસાદે કહેર મચાવ્યો, અમરનાથ યાત્રા ફરી શરુ
દેશમાં ચોમાસાએ ધમરોળ્યો દેશને વરસાદે ભારતના અલગ-અલગ રાજ્યોમાં તબાહી મચાવી છે. દિલ્હી, હિમાચલ, પંજાબ સહિત દેશના ઉત્તરીય રાજ્યોમાં ભારે વરસાદ પડી રહ્યો છે. દિલ્હીમાં 41 વર્ષનો રેકોર્ડ તૂટી ગયો છે. 1982 પછી એક દિવસમાં સૌથી વધુ વરસાદ પડ્યો છે. સફદરગંજ વિસ્તારમાં સવારે 8:30 વાગ્યા સુધી 153 મીમી વરસાદ નોંધાયો હતો. 2003માં 24 કલાકમાં 133.4 મીમી વરસાદ નોંધાયો હતો. અને 2013માં દિલ્હીમાં 123.4 મીમી વરસાદ નોંધાયો હતો.
હવામાન વિભાગે કરી આગાહી
હવામાન વિભાગે આગામી 24 કલાકમાં રાજસ્થાન અને મધ્યપ્રદેશ સહિત 23 રાજ્યોમાં ભારે વરસાદનું એલર્ટ જાહેર કર્યું છે. જ્યારે, હિમાચલના લાહૌલ અને સ્પીતિમાં પૂર અને હિમસ્ખલનની ચેતવણી જાહેર કરવામાં આવી છે. જમ્મુ-કાશ્મીરના પુંછમાં પોશાના નદી પાર કરતી વખતે સેનાના બે જવાનો તણાઈ ગયા હતા.
#WATCH | River Beas flows furiously in Himachal Pradesh's Mandi as the state continues to receive heavy rainfall pic.twitter.com/Wau6ZwLLue
— ANI (@ANI) July 9, 2023
શ્રીનગર અને જમ્મુ વચ્ચેના નેશનલ હાઈવે 44 પર વાહનવ્યવહાર બંધ કરાયો
દિલ્હીમાં રવિવારે પણ ભારે વરસાદ ચાલુ છે. છેલ્લા 41 વર્ષનો રેકોર્ડ શનિવારે તૂટ્યો હતો. સવારે 8:30 થી સાંજના 5:30 વાગ્યા સુધીમાં 128 મીમી વરસાદ પડ્યો હતો. માત્ર સફદરજંગ વિસ્તારમાં 126.1 મીમી વરસાદ નોંધાયો છે. શ્રીનગર અને જમ્મુ વચ્ચેના નેશનલ હાઈવે 44 પર પંથયાલ ટનલના એન્ટ્રી પર રોડનો મોટો ભાગ ધોવાઈ જવાથી વાહનવ્યવહાર બંધ કરી દેવામાં આવ્યો છે. શ્રીનગર ખીણને દેશ સાથે જોડતા ત્રણ માર્ગો NH-44, મુગલ રોડ અને લેહ-લદ્દાખ રોડ પર ભૂસ્ખલનને કારણે વાહનવ્યવહાર બંધ કરી દેવામાં આવ્યો છે.
#WATCH | Delhi: "We received a total of 15 calls, the highest in a day. It was raining heavily and therefore some old houses or under-construction buildings collapsed…It was unprecedented that we received 15 calls of house collapse…Since there was waterlogging we faced… pic.twitter.com/nKQ9jRjPTW
— ANI (@ANI) July 9, 2023
અમરનાથ યાત્રા ફરી શરુ કરાઈ
કાશ્મીરમાં ખરાબ હવામાનને કારણે અમરનાથ યાત્રા બે દિવસ માટે રોકી દેવામાં આવી હતી. તે રવિવારે ફરી શરૂ કરવામાં આવી હતી. ભારે વરસાદને કારણે 6 હજાર અમરનાથ યાત્રીઓ રામબનમાં અટવાયા હતા.
#WATCH | Amarnath yatra in J&K resumes from the Pahalgam side after three days today as the weather improves pic.twitter.com/mkzwSabjLm
— ANI (@ANI) July 9, 2023
અરવિંદ કેજરીવાલે અધિકારીઓની રવિવારની રજા કરી રદ્દ
દિલ્હીમાં ભારે વરસાદને કારણે સમગ્ર તંત્ર દોડતુ થયુ છે. અનેક જગ્યાએ પાણી ભરાયા છે. રસ્તાઓથી લઈને અંડરપાસ સુધી પાણી ભરાઈ ગયા છે. કાદવે રસ્તાઓ બ્લોક કરી દીધા છે. લોકોની મુશ્કેલીઓ અને પરેશાનીઓ વધી છે. આ દરમિયાન, દિલ્હીની અરવિંદ કેજરીવાલ સરકાર પરિસ્થિતિનો સામનો કરવા માટે સંપૂર્ણ મેનપાવર સાથે સ્થિતિ સંભાળવા માટે જમીન પર ઉતરી આવી છે. દિલ્હી સરકારે તમામ વિભાગોના અધિકારીઓની રવિવારની રજા રદ કરી દીધી છે. સીએમ અરવિંદ કેજરીવાલે મંત્રીઓ અને અધિકારીઓને ફિલ્ડમાં જવા સૂચના આપી છે.
Delhi Minister Atishi visits Tilak Bridge, ITO areas to review the situation after Delhi receives heavy rainfall
Delhi has received 150mm of rain. All Delhi ministers and Mayor are examining the spots where waterlogging might happen. All pumping stations were functioning… pic.twitter.com/hl9LbBcO5y
— ANI (@ANI) July 9, 2023
ભારતના આ રાજ્યોમાં ભારે વરસાદ પડશે: મધ્યપ્રદેશ, રાજસ્થાન, પંજાબ, હરિયાણા, દિલ્હી, ઉત્તર પ્રદેશ, બિહાર, જમ્મુ અને કાશ્મીર, હિમાચલ પ્રદેશ, ઉત્તરાખંડ, સિક્કિમ, પશ્ચિમ બંગાળ, આસામ, મેઘાલય, અરુણાચલ પ્રદેશ, નાગાલેન્ડ, મણિપુર, મિઝોરન , ત્રિપુરા, ઓડિશા, ગુજરાત, ગોવા અને મહારાષ્ટ્ર.
બિયાસ નદી બની ગાંડીતુર, હિમાચલ પ્રદેશમાં આગામી 24 કલાક માટે રેડ એલર્ટ #HimachalPradesh #RiverBeas #beasriver #viralvideo #viralreels #Gujarat #GujaratiNews #humdekhengenews pic.twitter.com/1O2hw30GRD
— Hum Dekhenge News (@humdekhengenews) July 9, 2023
જોકે દેશના કેરળ, કર્ણાટક, તેલંગાણા, છત્તીસગઢ, તમિલનાડુ અને આંધ્રપ્રદેશમાં વરસાદની કોઈ શક્યતા નથી.
આ પણ વાંચો: રાજ્યમાં આગામી બે દિવસ ભારે વરસાદની આગાહી, સૌરાષ્ટ્ર-કચ્છ સહિત રાજ્યના અનેક જિલ્લામાં મેઘમહેર
