મહારાષ્ટ્રમાં અનરાધાર, દિલ્હીમાં યલો એલર્ટ
દેશના અનેક ભાગોમાં વરસાદી માહોલ બરાબરનો જામ્યો છે. અનેક વિસ્તારોમાં ગાજવીજ સાથે ભારે વરસાદ થઈ રહ્યો છે. ભારતીય હવામાન વિભાગ અનુસાર, આગામી પાંચ દિવસ દરમિયાન મધ્ય ભારત, પશ્ચિમ કિનારા અને ઉત્તર પશ્ચિમ ભારતમાં સક્રિય ચોમાસાની સ્થિતિ પ્રવર્તશે. IMDએ તેના હવામાન બુલેટિનમાં આગામી થોડા દિવસો દરમિયાન ગુજરાત, કોંકણ અને ગોવા, મધ્ય મહારાષ્ટ્ર, મરાઠવાડા અને દક્ષિણી રાજ્યોમાં ભારે વરસાદની આગાહી કરી છે. આગામી 5 દિવસ દરમિયાન ગુજરાત, કોંકણ અને ગોવા, મધ્ય મહારાષ્ટ્ર, મરાઠવાડા, તેલંગાણા, કોસ્ટલ કર્ણાટક, કેરળ અને માહે, મધ્યપ્રદેશ, વિદર્ભ, છત્તીસગઢ અને ઓડિશામાં ભારે વરસાદ અને ગાજવીજ સાથે વરસાદની સંભાવના છે.
Maharashtra | As heavy rainfall lashes city with IMD issuing an orange alert, severe waterlogging recorded in several parts of Mumbai. Visuals from Dadar area pic.twitter.com/7JHRvYb1Wy
— ANI (@ANI) July 6, 2022
મહારાષ્ટ્રના કયા વિસ્તારોમાં રેડ એલર્ટ ?
ભારતીય હવામાન વિભાગે મહારાષ્ટ્રમાં આગામી 4 દિવસ સુધી ભારે વરસાદની ચેતવણી જાહેર કરી છે. ભારે વરસાદને કારણે મુંબઈ સહિત મહારાષ્ટ્રના ઘણા જિલ્લાઓની હાલત ખરાબ છે. ઠેર-ઠેર પાણીનો ભરાવો થઈ રહ્યો છે.
Maharashtra | As heavy rainfall lashes city with IMD issuing an orange alert, severe waterlogging recorded in several parts of Mumbai. Visuals from the Sion area pic.twitter.com/52zpLcpJ78
— ANI (@ANI) July 6, 2022
રાજ્યના મુખ્યમંત્રી એકનાથ શિંદેએ ભારે વરસાદ અને પૂરને લઈને અધિકારીઓને માર્ગદર્શિકા જારી કરી છે. કોંકણ વિસ્તારમાં NDRFની ટીમો તૈનાત કરવામાં આવી છે. મહારાષ્ટ્રના ઘણા જિલ્લાઓમાં રેડ વેધર એલર્ટ જારી કરવામાં આવ્યું છે. રાયગઢ, સતારા, રત્નાગીરી અને કોલ્હાપુર જિલ્લામાં રેડ એલર્ટ છે. આ જિલ્લાઓમાં ભારે વરસાદની સંભાવના છે.
Thane, Maharashtra | Heavy rain lashes city, water level rises at the Talao Pali lake pic.twitter.com/DX3nEBDEZW
— ANI (@ANI) July 6, 2022
મહારાષ્ટ્રમાં ઓરેન્જ એલર્ટ
મહારાષ્ટ્રના અનેક જિલ્લાઓમાં રેડ એલર્ટની સાથે ઓરેન્જ એલર્ટ પણ જારી કરવામાં આવ્યું છે. પાલઘર, થાણે, નાસિક, પુણે અને સિંધુદુર્ગમાં ઓરેન્જ એલર્ટ જારી કરવામાં આવ્યું છે.
Mumbai | Traffic jams grow due to severe water logging amid heavy rains, visuals from Kala Nagar area pic.twitter.com/xetiyBIvRd
— ANI (@ANI) July 6, 2022
આગામી થોડા દિવસોમાં પુણે અને નાશિકના ઘાટ વિસ્તારમાં ભારે વરસાદની સંભાવના છે. તે જ સમયે, પંચગંગા નદી ખતરાના નિશાનથી ઉપર વહી રહી છે. NDRFની ટીમો અહીં તૈનાત કરવામાં આવી છે. ઘણી જગ્યાએ રેલ અને રોડ ટ્રાફિકને અસર થઈ છે.
#WATCH | Heavy waterlogging in Chembur area of Mumbai as rains lash the city pic.twitter.com/e3SLqWRe6O
— ANI (@ANI) July 6, 2022
દિલ્હી-NCRમાં વરસાદ
30 જૂને દિલ્હીમાં ચોમાસાની શરૂઆત સાથે વરસાદની મોસમ ચાલુ છે. હવામાન વિભાગનું કહેવું છે કે દિલ્હી-એનસીઆરમાં આગામી કેટલાક દિવસો સુધી વરસાદ ચાલુ રહેશે. હવામાન વિભાગે બુધવારે દિલ્હીમાં ઓરેન્જ એલર્ટ જાહેર કર્યું છે. આ દરમિયાન મધ્યમથી ભારે વરસાદની સંભાવના છે.
