મુંબઈમાં મેઘાની જમાવટ ! IMDએ આપ્યું ઓરેન્જ એલર્ટ
મુંબઈમાં ભારે વરસાદને કારણે જનજીવન પ્રભાવિત થયું છે. અનેક વિસ્તારોમાં ભારે પૂરની સ્થિતિ સર્જાઈ છે. જેના કારણે લોકોની મુશ્કેલીમાં વધારો થયો છે. મુંબઈમાં વરસાદને લઈને હવામાન વિભાગે ઓરેન્જ એલર્ટ જાહેર કર્યું છે. ગુરુવારથી સતત વરસાદને કારણે મુંબઈના લોકોની મુશ્કેલીમાં વધારો થયો છે. શહેરમાં સવારથી વરસાદ પડવાનું શરૂ થઈ ગયું હતું. જેના કારણે જનજીવન પ્રભાવિત થયું છે. ઘણા વિસ્તારોમાં પાણી ભરાઈ ગયા છે. જેના કારણે અનેક જગ્યાએ ટ્રાફિક જામની સ્થિતિ સર્જાઈ હતી. મુંબઈમાં વરસાદને કારણે IMDએ ઓરેન્જ એલર્ટ જાહેર કર્યું છે.
#WATCH | Mumbai: Severe waterlogging in parts of Andheri triggered due to heavy rainfall in the city pic.twitter.com/Mben9PKe0p
— ANI (@ANI) June 30, 2022
કયા-કયા વિસ્તારોમાં વરસાદ ?
મુંબઈમાં વરસાદને કારણે ટ્રેન અને બસ સેવા પ્રભાવિત થઈ છે. મુંબઈના સાયન, દાદર, સેવરી, કુર્લા, ચેમ્બુર, બાંદ્રા, પરેલ, વડાલા સહિત ઘણા વિસ્તારોમાં ભારે વરસાદ થયો છે. મુંબઈમાં સવારથી અવિરત વરસાદ પડી રહ્યો છે. આવી સ્થિતિમાં જો આગામી સમયમાં આ વરસાદ નહીં અટકે તો મુંબઈગરોની મુશ્કેલીમાં વધારો થઈ શકે છે.
#WATCH | Waterlogging at Sion-Bandra Link Road in Mumbai following heavy rainfall. #Maharashtra pic.twitter.com/3MIqK3ZP3t
— ANI (@ANI) July 1, 2022
અનેક વિસ્તારોમાં ભરાયા પાણી
શહેરમાં વરસાદ વચ્ચે હવામાન વિભાગે 2 જુલાઈએ કેટલાક ભાગોમાં ભારે વરસાદની આગાહી કરી છે. સાથે જ કેટલાક વિસ્તારો માટે ઓરેન્જ અને યલો એલર્ટ જારી કરવામાં આવ્યા છે. BMCએ એમ પણ કહ્યું કે ગુરુવારથી પડેલા વરસાદને કારણે ઘણા નીચાણવાળા વિસ્તારોમાં પાણી ભરાઈ ગયા છે. શહેરના હિંદમાતા, પરેલ, હાજી અલી, ગાંધી માર્કેટ અને બાંદ્રા, અંધેરી જેવા વિસ્તારોમાં ઘણા રસ્તાઓ પર ભારે ભરાવાને કારણે રોડ ટ્રાફિકને અસર થઈ છે. આ સાથે તેમને ઘણી જગ્યાએ બંધ પણ કરી દેવામાં આવ્યા છે.
મુંબઈમાં વરસાદને કારણે ઘણી જગ્યાએ ઘૂંટણ સુધી પાણી ભરાઈ ગયું છે. આ પહેલા ગુરુવારે સવારે 8 વાગ્યાથી સાંજના 8 વાગ્યા સુધીમાં શહેરમાં 119.09 મિમી વરસાદ નોંધાયો હતો. મુંબઈના સાયન અને કાલબાદેવીમાં વરસાદના કારણે ઈમારત ધરાશાયી થવાના બે કેસ નોંધાયા છે. જો કે આ ઘટનાઓમાં કોઈ જાનહાનિના અહેવાલ નથી. લોકોને સુરક્ષિત રીતે બહાર કાઢવામાં આવ્યા છે.
