મોરબી બ્રિજ તૂટવાની ઘટનાઃ સગર્ભાનું મોત જોઈને હ્રદય હચમચી ગયું, નજરે જોનારાઓએ જણાવ્યો દુર્ઘટના બાદનો ચિતાર
મોરબીઃ મોરબીમાં રવિવારે સર્જાયેલી દુર્ઘટનાને પગલે અનેક હતભાગીઓએ જીવ ગુમાવ્યા. એક આંકડા મુજબ લગભગ 20થી વધુ બાળકો સહિત 141 લોકોના મોત નીપજ્યા હોવાનું જાણવા મળ્યું છે. મોડી રાત સુધી મચ્છુ નદીમાંથી ડેડબોડી બહાર કાઢવાની ચાલુ હતી. રેસ્ક્યૂ ઓપરેશનમાં આર્મી, નેવી અને એરફોર્સના જવાનો પણ જોડાયા હતા. બીજી તરફ, પ્રત્યક્ષદર્શીઓએ દુર્ઘટનાના ડરામણા દ્રશ્યો વર્ણવ્યાં છે.
સગર્ભા મહિલાનું મૃત્યુ જોઈને હૃદય હચમચી ગયું
દુર્ઘટનાના એક સાક્ષીએ ન્યૂઝ એજન્સી સાથેની વાતચીતમાં કહ્યું કે, “હું દર રવિવારે ત્યાં ચા વેચું છું. લોકો કેબલથી લટકતા હતા અને પછી એક ઝટકે નીચે પડી ગયા હતા. હું આખી રાત સૂતો નહોતો અને લોકોની મદદ કરતો રહ્યો. 7-8 મહિનાની સગર્ભા સ્ત્રીનું મૃત્યુ થયું તે જોવું હૃદયને હચમચાવી નાખતું હતું. મારા જીવનમાં ક્યારેય આવું કંઈ જોયું નથી.”
Gujarat | "I sell tea there every Sunday. People were hanging from cables & then slipped down. I didn't sleep & helped people entire night. It was heart-wrenching to see a 7-8-month-pregnant woman die. Never saw anything like that in my life," says an eye-witness of #MorbiTragedy pic.twitter.com/sippTi2oaC
— ANI (@ANI) October 31, 2022
આ દુર્ઘટનાને નજરે જોનાર બજરંગદળના કાર્યકર્તા ચિરાગ પરમારે જણાવ્યું હતું કે ‘જેવો પુલ તૂટ્યો એવા અમે દોડ્યા, અનેક લોકો ચારેબાજુ તરફડિયાં મારતા હતા. કેટલાક લોકો નીચે પડ્યા હતા, કેટલાક લટકતા હતા. અમે બચાવ કામગીરી કરતા હતા, ત્યાં તંત્ર પણ આવી ગયું. તરફડિયાં મારતાં બાળકો અને મહિલાઓનાં દૃશ્યો બહુ ભયજનક હતાં. અમે 170 જેટલા લોકોને બચાવ્યા’
#WATCH via ANI Multimedia | #MorbiBridgeCollapse : Eyewitness accounts of when accident happenedhttps://t.co/a6AqPqz9rx
— ANI (@ANI) October 31, 2022
મારા માટે આ દુર્ઘટના શબ્દોમાં વર્ણવી ઘણી જ અઘરી છે
હસીના નામની એક મહિલા જેણે પોતાની નજર સામે આખી દુર્ઘટના જોઈ તેણે કહ્યું કે, “હું આને શબ્દોમાં વર્ણવી નહીં શકું. ત્યાં બાળકો પણ હતા. મેં મારા પોતાના પરિવારના સભ્યો તરીકે લોકોને મદદ કરી. મેં મૃતદેહને હોસ્પિટલ લઈ જવા માટે મારું વાહન પણ આપ્યું હતું. મેં આવું ક્યારેય જોયું નથી. ક્યારેય નહીં.”
બચાવ કાર્ય માટે ડ્રોનનો ઉપયોગ
સંરક્ષણ અધિકારીઓએ કહ્યું કે, ગુજરાતના મોરબીમાં તૈનાત ભારતીય સેનાની ટીમોએ દુર્ઘટનામાં બચી ગયેલા લોકો માટે શોધ અને બચાવ કામગીરી હાથ ધરી હતી. ત્રણેય સંરક્ષણ સેવાઓએ સર્ચ ઓપરેશન માટે તેમની ટીમો તૈનાત કરી છે.
#WATCH | Gujarat: Drones being used to help in the search and rescue operation in Morbi, following the incident of #MorbiBridgeCollapse
The death toll stands at 132, operation is underway. pic.twitter.com/qlA8BCtnva
— ANI (@ANI) October 31, 2022
મોરબીમાં બચાવ કામગીરીમાં મદદ માટે ડ્રોનનો ઉપયોગ કરવામાં આવી રહ્યો છે. નોંધનીય છે કે, મોરબીમાં મચ્છુ નદી પર બનેલો એક કેબલ બ્રિજ તૂટી ગયો હતો. જે સમયે આ દુર્ઘટના ઘટી, તે સમયે લગભગ 400 લોકો પુલ પર હતા. આ પુલ 26 ઓક્ટોબરે જ બેસતા વર્ષના દિવસ પર જ જાહેર જનતા માટે ખુલ્લો મૂકવામાં આવ્યો હતો.
