Healthy Relationships: સંબંધો મજબૂત બનાવવા માટે અપનાવો આ મંત્રો
- જો તમારા સંબંધોમાં કોઈ નાની નાની વાતોમાં પરેશાનીઓ આવી રહી હોય અથવા મતભેદો કે મનભેદો થઇ રહ્યા હોય તો સમજો કે તમારે વિચારવાનો સમય આવી ગયો છે. તમે કેટલીક ટિપ્સ અપનાવીને તમારા સંબંધોને પુનર્જીવિત કરી શકો છો.
દરેક સંબંધમાં સુખ શાંતિ હોય તે ખૂબ જરૂરી છે, કેમકે હેપ્પીનેસ સંબંધોને સ્ટ્રોંગ બનાવવાની સાથે સાથે અંડરસ્ટેન્ડિંગ સુધારવાનું પણ કામ કરે છે. જો કોઇ સંબંધોમાં શાંતિ નહીં હોય તો નાની નાની વાતમાં લડાઇ ઝઘડા થશે. રોજે રોજના ઝઘડાથી પરેશાન થઇને ક્યારેક લોકો સંબંધોમાંથી દુર જવાની વાત કરતા હોય છે. જો તમારા સંબંધોમાં પણ નાની નાની વાતોમાં પરેશાનીઓ આવી રહી હોય અથવા મતભેદો કે મનભેદો થઇ રહ્યા હોય તો સમજો કે તમારે વિચારવાનો સમય આવી ગયો છે. તમે કેટલીક ટિપ્સ અપનાવીને તમારા સંબંધોને પુનર્જીવિત કરી શકો છો.
કારણ વગર ઝઘડો ન કરો
લગ્નજીવન હોય કે કોઇ બીજો સંબંધ દરેક સંબંધમાં બેલેન્સ હોવુ જરૂરી છે. જો તમે વિચારી રહ્યા છો કે કોઇ એક વ્યક્તિના હાથમાં કમાન હશે તો બધી વસ્તુઓ બેલેન્સમાં રહેશે, તો તમે ક્યાંક ખોટા છો. પાર્ટનરને કન્ટ્રોલમાં રાખવાની જિદથી સંબંધોમાં નકામા ઝઘડા થાય છે અને ગેરસમજને પ્રોત્સાહન મળે છે. તમે તમારા પાર્ટનરનું માન જાળવશો તો તે તમારું માન જાળવશે. જો કોઇ વાત પર ચર્ચાઓ શરૂ થાય તો તેને નોર્મલ કરવાનો પ્રયાસ કરો, ઝઘડાને વધવા ન દો.
એડજસ્ટ કરવાનું શીખો
એવું કહેવાય છે કે જ્યારે આપણે કોઇ પણ વ્યક્તિ સાથે સંબંધોમાં હોઇએ છીએ તો એકબીજાની વાત, આદતો અને વ્યવહારથી પરિચિત થઇ જઇએ છીએ. એવું કહેવું ખોટું નથી કે સમયની સાથે માણસ બદલાય છે. ઘણી વખત એવી સિચ્યુએશન જોવા મળે છે કે લોકો એકબીજા સાથે એડજસ્ટ કરવા ઇચ્છતા નથી. આવી સ્થિતિમાં સંબંધો તુટવાની અણી પર પહોંચી જાય છે. તમે તમારા પાર્ટનરની સિચ્યુએશનને સમજવાની કોશિશ કરો. દરેક સમયે તમારી મનમાની ન કરો. સામે વાળાની વાત સાંભળો અને સમજો.
જુની વાતોને લઇને ટોન્ટ કદી ન મારો
જો તમારા પાર્ટનરથી કોઇ ભુલ થાય છે તો તે વાતને લઇને ન બેસી રહો. આગળ વધો. લાઇફ એક જગ્યાએ અટકી રહેવા માટે નહીં, પરંતુ આગળ વધવા માટે છે. દરેક વ્યક્તિથી ભુલ થતી હોય છે. ભુલોને માફ કરીને ભુલી જતા શીખો. નવી રીતે સંબંધોની શરૂઆત કરો. જુની વાતોને લઇને પાર્ટનરને ટોન્ટ ન મારો. આ વાતને તે ભુલી નહીં શકે અને તે તમારા સંબંધોમાં અંતરનું કારણ બની શકે છે.
આ પણ વાંચોઃ નવરાત્રિના ચોથા નોરતે ક્યાં માતાજીની કેમ પૂજા અર્ચના કરવામાં આવે છે, જાણો
