દરરોજ ખાવ માત્ર 2 ખજૂર, આ બીમારીથી હંમેશા બચશો
લાઇફસ્ટાઇલ ડેસ્ક, HD ન્યૂઝ: તંદુરસ્ત જીવનશેલી માટે સવારનો નાસ્તો ખૂબ અગત્યનો છે. દિવસભરની એનર્જીનો આધાર તેના પર હોય છે. ઘણા લોકો નાસ્તામાં ખજૂરને સામેલ કરવાની સલાહ આપે છે. સવારે માત્ર 2-3 ખજૂર ખાવાથી અનેક બીમારીઓ દૂર રહે છે અને દિવસભર એનર્જી રહે છે. ખજૂરના નિયમિત સેવનથી શરીરને અનેક ફાયદા થાય છે.
દરરોજ 2 થી 3 ખજૂર ખાવાના ફાયદા
શરીરમાં તાકાતઃ જો તમે નાસ્તામાં ખજૂર ખાવ છો તો તેનાથી શરીરમાં દિવસભર એનર્જી મળશે. વ્રતમાં તાકાત માટે લોકો ખજૂર ખાય છે. ખજૂરમાં ફાયબર વધારે હોય છે, જેનાથી ભૂખ શાંત થાય છે. પોટેશિયમ અને મેગ્નેશિયમ હોવાના કારણે ખજૂર દિવસભર વ્યક્તિને એક્ટિવ રાખે છે.
દિમાગ રહેશે સ્વસ્થઃ ખજૂરમાં ભરપૂર માત્રામાં એન્ટીઓક્સિડેંટ્સ મળી આવે છે, જે દિમાગને ઓક્સીડેટિવ સ્ટ્રેસથી બચાવવામાં મદદ કરે છે. દિમાગ સાથે જોડાયેલી બીમારીઓ જેવીકે મેમરી લોસ, ડિમેંશીયા અને માનસિક સ્વાસ્થ્યની સમસ્યાઓને દૂર રાખે છે.
પાચન કરશે ઠીકઃ ખજૂરમાં ફાયબર વધારે હોય છે. જેના કારણે ખોરાક આંતરડામાં સરળતાથી પચી જાય છે. ખજૂર ખાવાથી કબજીયાતની સમસ્યા પણ ઓછી થઈ જાય છે. જો તમને કબજીયાત રહેતો હોય તો ખજૂરને ડાયટમાં જરૂર સામેલ કરો. તેનાથી રાહત મળશે.
ત્વચા માટે ફાયદાકારકઃ ખજૂર ખાવાથી ત્વચાને અનેક ફાયદા મળે છે. ખજૂરમાં એન્ટીઓક્સિડેંટ્સ અને ફાઈટોહોર્મોન્સ હોય છે. જેનાથી એજિંગની સમસ્યા ઓછી થાય છે. ત્વચાને લાંબા સમય સુધી જવાન રાખવા માટે ખજૂરનું નિયમતિ સેવન કરો. ખજૂર ત્વચાને ઓક્સિડેટિવ ડેમેજથી બચાવવાનું કામ કરે છે.
લોહીની ઉણપ દૂર કરેઃ ખજૂર લોહતત્વનો સારો સ્ત્રોત માનવામાં આવે છે. તેનાથી શરીરમાં લોહીની ઉણપ દૂર કરી શકાય છે. જો તમે દરરોજ 2 ખજૂરનું સેવન કરો છો તો હીમોગ્લોબીનમાં સુધારો થાય છે. મહિલાઓએ ખાસ કરીને ખજૂરને તેમના ડાયટનો હિસ્સો બનાવવો જોઈએ.
Disclaimer: અહીં આપેલી માહિતી માત્ર જાણકારી માટે છે. કોઈપણ માહિતીનો અમલ કરતા પહેલા નિષ્ણાતની સલાહ જરૂર લો.
આ પણ વાંચોઃ કોરોનાથી પણ ખતરનાક છે આ વાયરસ, જાણો કેવા છે લક્ષણો
