ગુજરાત હાઈકોર્ટમાં મસ્જિદોમાં અઝાન પઢવા માટે લાઉડ સ્પીકર પર પ્રતિબંધ મૂકવાની માંગ કરવામાં આવી છે. હાઈકોર્ટે આ મામલે એક જાહેર હિતની અરજી પર સુનાવણી કરતા રાજ્ય સરકાર પાસે જવાબ માંગ્યો છે. કોર્ટે રાજ્યની ભૂપેન્દ્ર પટેલ સરકારને 12 એપ્રિલ સુધીમાં જવાબ આપવા જણાવ્યું છે. અરજદાર ધર્મેન્દ્ર પ્રજાપતિને વારંવાર ચોક્કસ વર્ગ દ્વારા ધમકી મળતા અરજી પાછી ખેંચવાની માંગ કરી હતી. આ પછી કાર્યકારી ચીફ જસ્ટિસ એ જે દેસાઈ અને જસ્ટિસ બિરેન વૈષ્ણવની ડિવિઝન બેન્ચે સોમવારે બજરંગ દળના નેતા શક્તિસિંહ ઝાલાને પીઆઈએલમાં હાજર રહેવાની મંજૂરી આપી હતી.
આ પણ વાંચો : ડાયમંડ એક્સચેન્જથી દુર્ગંધ દૂર રાખવા માટે ઘન કચરાના લેન્ડફિલ સાઈટને બગીચામાં રૂપાંતરિત કરવાનું શરૂ
ઝાલાના વકીલે કોર્ટને વિનંતી કરી હતી કે મૂળ અરજદારની ગેરહાજરીમાં તેમને ટ્રાયલમાં હાજર રહેવાની મંજૂરી આપવામાં આવે. એક PILમાં ગુજરાતમાં મસ્જિદોમાં ‘અઝાન’ માટે લાઉડસ્પીકરના ઉપયોગ પર પ્રતિબંધની માંગ કરવામાં આવી છે. તેમાં દાવો કરવામાં આવ્યો હતો કે તેઓ અવાજનું પ્રદૂષણ વધારે કરે છે અને નાગરિકોના મૂળભૂત અધિકારોનું ઉલ્લંઘન કરે છે. અરજદારે જણાવ્યું હતું કે તેની પડોશની એક મસ્જિદમાં એક મુએઝિન દિવસમાં પાંચ વખત અઝાન વાંચવા માટે લાઉડસ્પીકરનો ઉપયોગ કરે છે, જેનાથી ઘણી અસુવિધા થાય છે.
