હાથરસઃ પ્રિયંકા વાડરાએ ઉઠાવ્યા સવાલ, ઘટના અંગે સીએમ યોગીએ શું કહ્યું?

• હાથરસ ઘટનાને લઈને પ્રિયંકા વાડરાએ ઉઠાવ્યા સવાલ તો બીજી બાજુ સીએમ યોગીએ ન્યાયિક તપાસ કરવાનો લીધો નિર્ણય

ઉત્તર પ્રદેશ, 3 જુલાઈ: કોંગ્રેસ મહાસચિવ પ્રિયંકા ગાંધીએ હાથરસ ઘટના પર સવાલ ઉઠાવ્યા છે અને કહ્યું છે કે બેદરકારીની આટલી લાંબી યાદી છે પરંતુ કોઈની જવાબદારી નથી. હાથરસમાં બનેલી દુ:ખદ ઘટના માટે જવાબદાર કોણ? પ્રિયંકા ગાંધીએ સોશિયલ મીડિયા પ્લેટફોર્મ X પર એક પોસ્ટમાં હાથરસ ઘટનાને લઈને સવાલો ઉઠાવ્યા છે. તો બીજી બાજુ સીએમ યોગી આદિત્યનાથ પોતે હાથરસ અકસ્માત પર સંપૂર્ણ નજર રાખી રહ્યા છે. તેમણે 24 કલાકમાં તપાસ રિપોર્ટ માંગ્યો છે. સવારે ખુદ સીએમએ ઘટના સ્થળની મુલાકાત લીધી હતી. હોસ્પિટલમાં જઈને ઈજાગ્રસ્તો સાથે વાત કરી અને તેમની પાસેથી સમગ્ર ઘટના સમજવાનો પ્રયાસ કર્યો હતો.

ભીડના સંચાલન માટે કોઈ વ્યવસ્થા નથી: પ્રિયંકા ગાંધી

પ્રિયંકા ગાંધીએ હાથરસ ઘટનાને લઈને સોશિયલ મીડિયા પર તંત્ર સામે સવાલો ઉઠાવ્યા હતા અને તેમની પોસ્ટમાં તેમણે લખ્યું છે કે, ‘મંજૂરી કરતાં ત્રણ ગણી વધુ ભીડ, સ્થળ પર કોઈ પ્રશાસન નથી, ભીડના સંચાલન માટે કોઈ વ્યવસ્થા નથી, ગરમીથી બચવાનો કોઈ રસ્તો નથી, કોઈ તબીબી ટીમ નથી, ઘટના પછી કોઈ એમ્બ્યુલન્સ નથી, મદદ માટે ત્યાં કોઈ ફોર્સ નહીં, હોસ્પિટલમાં ડોકટરો અને સુવિધાઓ નથી… બેદરકારીની આટલી લાંબી યાદી છે પણ કોઈની જવાબદારી નથી. હાથરસમાં બનેલી દુ:ખદ ઘટના માટે જવાબદાર કોણ?

 

अनुमति से तीन गुना ज्यादा भीड़, मौके पर प्रशासन नहीं, भीड़ मैनेजमेंट का इंतजाम नहीं, भीषण गर्मी से ​बचने का कोई उपाय नहीं, कोई मेडिकल टीम नहीं, घटना के बाद एंबुलेंस नहीं, मदद के लिए फोर्स नहीं, अस्पताल में डॉक्टर और सुविधाएं नहीं… लापरवाहियों की इतनी लंबी लिस्ट लेकिन किसी की…

— Priyanka Gandhi Vadra (@priyankagandhi) July 3, 2024

સીએમ યોગીએ નાસભાગની ઘટનાની ન્યાયિક તપાસ કરવાનો લીધો નિર્ણય

હાથરસમાં બનેલી ઘટનાને લઈને ઉત્તર પ્રદેશના સીએમ યોગી આદિત્યનાથે હાથરસમાં સત્સંગમાં નાસભાગની ઘટનાની ન્યાયિક તપાસ કરવાનો નિર્ણય લીધો છે. તપાસ માટે આગરા ADGની અધ્યક્ષતામાં SITની રચના કરવામાં આવી છે. સીએમ યોગી પોતે અકસ્માત પર સંપૂર્ણ નજર રાખી રહ્યા છે. તેમણે 24 કલાકમાં તપાસ રિપોર્ટ માંગ્યો છે. આજે સવારે તેમણે ઘટનાસ્થળની મુલાકાત લીધી હતી અને અધિકારીઓ સાથે વાત કરી હતી. અત્યાર સુધીની તપાસમાં શું પ્રકાશમાં આવ્યું છે તેનો રિપોર્ટ જોયો છે. આ ઘટનામાં ષડયંત્રનો ઈશારો કરતાં તેમણે પત્રકાર પરિષદમાં કહ્યું હતું કે, આ અકસ્માત હતો કે કાવતરું અને જો કોઈ ષડયંત્ર હતું તો તેમાં કોણ સામેલ હતું… આ તમામ પાસાઓ જાણવા માટે અમે ન્યાયિક તપાસ પણ કરીશું. જે તપાસ હાઈકોર્ટ દ્વારા હાથ ધરવામાં આવશે. તેની અધ્યક્ષતા નિવૃત્ત જજ કરશે.”

 

राज्य सरकार ने तय किया है कि जनपद हाथरस की दुर्भाग्यपूर्ण घटना की माननीय उच्च न्यायालय के रिटायर्ड जज की अध्यक्षता में ज्यूडिशियल इंक्वायरी भी करवाएंगे… pic.twitter.com/q8PEylhrrA

— Yogi Adityanath (@myogiadityanath) July 3, 2024

અખિલેશનું નામ લીધા વગર તેમના પર સાધ્યું નિશાન

તે જ સમયે, સપા સુપ્રીમો અખિલેશ યાદવના નિવેદનો પર નિશાન સાધતા સીએમ યોગીએ કહ્યું કે તેઓ ચોરી અને ષડયંત્ર કરી રહ્યા છે, કથાકાર સાથેની તેમની તસવીર પણ પ્રકાશમાં આવી છે. તેમણે કહ્યું, “દરેક વ્યક્તિ જાણે છે કે તે સજ્જન (બાબા)ના ફોટા કોની સાથે છે અને તેમના રાજકીય સંબંધો કોની સાથે છે? આવી છેતરપિંડી અને તેની પાછળ કોણ હતું તેની તળિયે પહોંચવું જરૂરી છે.”

આ પણ વાંચો: Hathras Stampede: નાસભાગની ઘટનાઓ કેવી રીતે ટાળી શકાય, જાણો નેશનલ ડિઝાસ્ટર મેનેજમેન્ટ ઓથોરિટીની માર્ગદર્શિકા