haryana violence: પોલીસની કાર્યવાહી, 22 FIR, 15 ધરપકડ અને અત્યાર સુધીમાં 150 લોકોની પૂછપરછ
HD ન્યુઝ ડેસ્કઃ હરિયાણાના નૂહ અને ગુરુગ્રામ જિલ્લામાં સાંપ્રદાયિક હિંસા બાદ તણાવની સ્થિતિ યથાવત છે. સ્થિતિને કાબૂમાં લેવા માટે પોલીસ દળ અને કેન્દ્રીય દળોને મોટી સંખ્યામાં તૈનાત કરવામાં આવ્યા છે. દરમિયાન, પોલીસે કહ્યું છે કે નૂહમાં હિંસાના સંબંધમાં અત્યાર સુધીમાં 22 એફઆઈઆર નોંધવામાં આવી છે. હિંસાના સંબંધમાં 15 લોકોની ધરપકડ કરવામાં આવી છે.
15 લોકોની ધરપકડઃ નુહના પોલીસ અધિક્ષક (SP) એ જણાવ્યું કે અત્યાર સુધીમાં 22 FIR નોંધવામાં આવી છે. 15 લોકોની ધરપકડ કરવામાં આવી છે અને લગભગ 150 લોકોની પૂછપરછ કરવામાં આવી છે. 31 જુલાઈના રોજ નૂહમાં એક સરઘસ દરમિયાન હિંસા ફાટી નીકળી હતી, ત્યારબાદ વિસ્તારમાં કર્ફ્યુ લાદવામાં આવ્યો હતો. આ સાથે ઈન્ટરનેટ પર પણ પ્રતિબંધ મુકવામાં આવ્યો હતો.
હિંસામાં 5ના મોતઃ નૂહમાં થયેલી હિંસામાં બે હોમગાર્ડ સહિત પાંચ લોકોના મોત થયા છે. 50થી વધુ પોલીસ અધિકારીઓ, કર્મચારીઓ અને અન્ય લોકો ઘાયલ થયા છે. નુહ જિલ્લામાં 2 ઓગસ્ટ સુધી કર્ફ્યુ છે. હિંસાની આગ પડોશી જિલ્લાઓ સુધી પહોંચવા લાગી છે. ગુરુગ્રામમાં હિંસક ટોળાએ એક મસ્જિદને આગ લગાડી હતી, જેમાં એક વ્યક્તિનું મોત થયું હતું. તણાવના કારણે રેવાડી, ગુરુગ્રામ અને સોનીપત સહિત 6 જિલ્લામાં કલમ 144 લાગુ કરવામાં આવી છે. 2 ઓગસ્ટે યોજાનારી નુહમાં 10મી અને 12મીની પરીક્ષાઓ પણ મોકૂફ રાખવામાં આવી છે.
યુપીમાં એલર્ટઃ નૂહમાં હિંસા બાદ ઉત્તર પ્રદેશના સરહદી જિલ્લાઓને રાત્રિ પેટ્રોલિંગ વધારીને એલર્ટ રહેવાનો નિર્દેશ આપવામાં આવ્યો છે. મથુરા, આગ્રા, ફિરોઝાબાદ, સહારનપુર, મુઝફ્ફરનગર, મેરઠ, બાગપત, હાપુડ, અલીગઢ, શામલી અને ગૌતમ બુદ્ધ નગર પોલીસને વિશેષ એલર્ટ પર રહેવા સૂચના આપવામાં આવી છે. આ સાથે રાજસ્થાનના ભરતપુરમાં પણ પોલીસ એલર્ટ પર છે.
આ પણ વાંચોઃ ત્રણ દિવસ લિફ્ટમાં ફસાઈ રહી મહિલા, મદદ માટે આજીજી કરતી રહી, અંતે તડપીને મોત
