- હાર્ડી સંધુએ DNAના એક ઈન્ટરવ્યુમાં રાઘવ અને પરિણીતીના લગ્ન વિશે વાત કરી
- હાર્ડી સંધુ અને પરિણીતી ચોપરા ‘કોડ નેમઃ તિરંગા’માં સાથે કામ કર્યું હતું
- AAPના નેતા સંજીવ અરોરાએ પણ રાઘવ અને પરિણીતીને Twitterના માધ્યમથી અભિનંદન આપ્યા
જ્યારે અભિનેત્રી પરિણીતી ચોપરા અને આમ આદમી પાર્ટીના સાંસદ રાઘવ ચઢ્ઢા ડિનર પર સાથે દેખાયા ત્યારે તેમના ડેટિંગના સમાચાર દરેક જગ્યાએ ચર્ચાનો વિષય બની ગયા હતા. અહેવાલો એવો દાવો કરવા લાગ્યા કે પરિણીતી અને રાઘવ એકબીજાને ડેટ કરી રહ્યા છે. આ સાથે જ એવી વાતો થવા લાગી હતી કે બંને જલ્દી લગ્ન કરવા જઈ રહ્યા છે. દરમિયાન હવે સિંગર અને એક્ટર હાર્ડી સંધુએ દાવો કર્યો છે કે પરિણીતી અને રાઘવ જલ્દી લગ્ન કરવા જઈ રહ્યા છે.
હાર્ડી સંધુએ ખુલાસો કર્યો હતો
તમને જણાવી દઈએ કે DNAને એક ઈન્ટરવ્યુ આપતાં હાર્ડીએ કહ્યું હતું કે- તે ખુશ છે કે પરિણીતી આખરે લાઈફમાં સેટલ થઈ રહી છે, તેણે કહ્યું કે “હું ખૂબ જ ખુશ છું કે આખરે તે થઈ રહ્યું છે, હું તેને શુભેચ્છા પાઠવું છું.” તેણે એ પણ શેર કર્યું કે જ્યારે તે તેની 2022ની સ્પાય-થ્રિલર ‘કોડ નેમઃ તિરંગા’નું શૂટિંગ કરી રહ્યો હતો, ત્યારે તેના લગ્ન વિશે ચર્ચા થઈ હતી.
આ પણ વાંચો : ડેટિંગ બાદ હવે લગ્નના સમાચાર, રાઘવ અને પરિણીતીની જલ્દી જ થઈ શકે છે સગાઈ
વધુમા તેણે કહ્યું, “જ્યારે અમે કોડ નેમ: તિરંગા માટે શૂટિંગ કરી રહ્યા હતા, ત્યારે અમે લગ્નની ચર્ચા કરતા હતા અને તે કહેતી હતી કે ‘હું ત્યારે જ લગ્ન કરીશ જ્યારે મને લાગશે કે મને યોગ્ય વ્યક્તિ મળી ગયો છે’.” તેણે એ પણ સ્પષ્ટ કર્યું કે તેણે પરિણીતિ સાથે વાત કરી છે અને તેણીને ફોન પર અભિનંદન આપ્યા છે, અને ઉમેર્યું હતું કે, “હા, મેં તેણીને ફોન કર્યો અને અભિનંદન આપ્યા.”
I extend my heartfelt congratulations to @raghav_chadha and @ParineetiChopra. May their union be blessed with an abundance of love, joy, and companionship. My best wishes!!! pic.twitter.com/3fSWVT4evR
— Sanjeev Arora (@MP_SanjeevArora) March 28, 2023
સંજીવ અરોરાએ પણ ટ્વીટ કરીને અભિનંદન પાઠવ્યા હતા
બીજીબાજુ, આ પહેલા મંગળવારે AAPના નેતા સંજીવ અરોરાએ રાઘવ અને પરિણીતીને તેમના Twitter એકાઉન્ટ પર અભિનંદન આપ્યા હતા. સંજીવ અરોરાએ ટ્વીટમાં લખ્યું છે કે- “હું રાઘવ ચઢ્ઢા અને પરિણીતી ચોપરાને દિલથી અભિનંદન આપું છું, તેમના એક થવા પર ઘણો પ્રેમ અને ખુશીઓ મળે, મારી તરફથી શુભેચ્છાઓ.”
આ પણ વાંચો : સુહાના ખાનને ફ્લાઇંગ કિસ કરી અગસ્ત્ય નંદાએઃ વીડિયો વાઇરલ
પરિણીતી અને રાઘવ રેસ્ટોરન્ટની બહાર જોવા મળ્યા હતા
તમને જણાવી દઈએ કે પરિણીતી અને રાઘવના સંબંધોના સમાચાર ત્યારે સામે આવ્યા જ્યારે રાઘવ ચઢ્ઢા અને પરિણીતી ચોપરા પહેલીવાર એક રેસ્ટોરન્ટમાં સાથે જોવા મળ્યા હતા. આ પછી બંનેના સંબંધોને લઈને અટકળો શરૂ થઈ ગઈ હતી.
ગયા અઠવાડિયે, સાંસદ ચઢ્ઢાએ જ્યારે એક્ટ્રેસ પરિણીતી ચોપરા સાથેની તેમની મીટિંગના વીડિયો વિશે પૂછવામાં આવ્યું ત્યારે પરિણીતી ચોપરા વિશેના પ્રશ્નને ટાળી દીધો. એક્ટ્રેસને મળવાના તેના તાજેતરના વિડીયો અંગે તેની પૂછપરછ કરવામાં આવી હતી ત્યારે તેણે જવાબ આપતા કહ્યું કે, “આપ મુઝસે રાજનીતી કે સાવલ કરીયે, પરિણીતી કે ના કરીયે (કૃપા કરીને મને રાજકારણ વિશે પ્રશ્નો પૂછો, પરિણીતી નહીં). જ્યારે તેમના વિડીયો અને લગ્નના પ્લાન વિશે પૂછવામાં આવ્યું ત્યારે AAP સાંસદ ચડ્ડાએ કહ્યું, “આપકો બાતાએંગે જબ કરેંગે તો (જ્યારે હું લગ્ન કરીશ ત્યારે તમને જણાવીશ).” રિપોર્ટરે તેને આગળ પૂછ્યું કે, તમે સસ્પેન્સ કેમ બનાવવા માંગો છો? જેના પર સાંસદ ચઢ્ઢાએ કહ્યું, “કોઈ સસ્પેન્સ નહીં. હું તમને કહું છું, જ્યારે હું લગ્ન કરીશ ત્યારે હું જાણ કરીશ.”
