કેમ ઘરની બહાર બોર્ડ હતું ‘Beware of Kishore Kumar’ ?
આજના દિવસના વિશેષ પર આપણે વાત કરવા જઈ રહ્યા છે ભારતીય સિનેમાના સ્ટાર ગાયક અને લોકોના દિલમાં પોતાની અલગ જ છાપ ઉભી કરનાર સિંગર, અભિનેતા, લેખક, ફિલ્મ નિર્માતા, સંગીતકાર, પટકથા લેખક જેવી અનેક પ્રતિભાના માલિક હતા. તેમનો જન્મ મધ્ય પ્રદેશના ખંડવા જિલ્લામાં 4 ઓગસ્ટ 1929 ના રોજ થયો હતો. ચાલો આજે તમને ધ ગ્રેટ કિશોર કુમાર વિશે કેટલીક અજાણી વાતો જણાવીએ.
વિનોદી સ્વભાવ
ખરેખરમાં કિશોર કુમારનું સાચું નામ આભાસ કુમાર હતું. તેમને ફિલ્મોના કિશોર કુમાર દ્વારા ઓળખ મળી. કિશોર કુમાર અભિન્ન પ્રતિભાથી સમૃદ્ધ હતા. જાણકાર કહે છે તેઓ એક વિનોદી અને મનમોજી સ્વભાવ ધરાવતા વ્યક્તિ હતા. આજે ભલે તેઓ આપણી વચ્ચે નથી પરંતુ તેમના ગીતો સ્વરૂપે તેઓ સદીઓ સુધી અહિયાં જ રહેશે. તેમના ઘરની બહાર એક સાઇન બોર્ડ હતું. જેમાં લખેલું હતું કે કિશોર કુમારથી બચીને રહો. ‘Beware of Kishore Kumar’ એવું બોર્ડ પણ લગાવ્યું હતું.
ફિલ્મો જોવાનો શોખ
કિશોર કુમારના મોટા પુત્ર અમિત કુમારે એક વાર કહ્યું હતું કે, ‘કિશોર જીને અંગ્રેજી’ ક્લાસિક ‘ફિલ્મો જોવાનો શોખ હતો. એકવાર તે અમેરિકાથી ઘણી ‘વેસ્ટર્ન’ ફિલ્મોની કેસેટ લઇ આવ્યા હતા. એટલું જ નહીં અમિત કુમાર વીકેન્ડમાં તેમની સાથે ફિલ્મો જોવા જતા તો કિશોર કુમાર એક પછી એક ત્રણ ફિલ્મો જોઈ લેતા. કિશોર કુમારની પોપ્યુલારીટી એ સમયે દિલીપ કુમાર કરતા પણ વધારે હતી, પરંતુ કિશોરદા હંમેશાથી એક્ટિંગને નફરત કરતા હતા.
મસૂરની દાળ જોઈને મસૂરી ચાલ્યા ગયા
આવી ઘણી રમુજી વાતો તેમની સાથે થતી હતી. કિશોર દાને નાની વસ્તુઓ, વિવિધ પ્રકારની વસ્તુઓ ખરીદવા બજારમાં જવાનો શોખ હતો. એકવાર તેઓ બજારમાં ગયા જ્યાં ‘મસૂર’ ની દાળ જોઇને કિશોર કુમારે અચાનક જ ‘મસૂરી’ જવાનો પ્લાન બનાવી દીધો હતો.
અંતિમ ઈચ્છા
એક સમયે કિશોરદાએ અમિતાભ બચ્ચન સાથે ગાવાનું બંધ કરી દીધું હતું. તેનું કારણ અમિતાભે કિશોર કુમારના ડિરેક્શન હેઠળની ફિલ્મ મમતા કી છાંવ મેંમાં અભિનય કરવાની ના પાડી દીધી હતી. જે પછી તેમણે આ ફિલ્મમાં રાજેશ ખન્નાને સાઇન કર્યા, પરંતુ ફિલ્મ રિલીઝ થાય તે પહેલા જ કિશોર કુમારનું નિધન થઇ ગયું.
અહેવાલ અનુસાર એકવાર તેમણે રેડિયોના અનુભવી અમીન સાહેબને એ શરતે એક ઇન્ટરવ્યૂ પણ આપ્યો કે તે પોતે ઇન્ટરવ્યૂ લેશે. નોંધપાત્ર બાબત એ છે કે કિશોરે આપણા બધાના હૃદયમાં એક એવું ચિત્ર બનાવ્યું છે, જેને સમયના મોજા ભૂંસી શકતા નથી અને એટલે જ તેમના અમર ગીતો હંમેશા યાદ રહેશે.
આ પણ વાંચો : The Forgotten Hero
આ પણ વાંચો : ઈન્ટરનેટનો ઉપયોગ તો સૌ કોઈ કરે છે પણ WWW શું છે તે જાણો છો ?
